MAL᷊AṚṚUUNGNGA 16:7 - WUKE SUSI WATTI'U AL᷊AL᷊USASSA

⁷ I Simson sinumimbakka, “Amungkangu i ya'u ṛapusannu pitu tal᷊in papiti'a wakku apan taambe namara atonna, i ya'u sarun mallome wuṛṛu maola'a ere taumata wiasa.”

MAL᷊AṚṚUUNGNGA 16:7 Referans Kwoze

KOLOSE 3:9

Arie pangawusu sangkatou ringannu waine, ana waugu wiakka tabbe ringannu al᷊awo'u pallal᷊agune suete nirammen kamiu.

GALATIA 6:7

Arie awahianna. Ruata tawe ianalangnga! Apa apan isuanna eteudde lai apan itinganna.

ROMA 3:8

Wuṛṛu anio i ite tawe wotongnge mabbisara, “Mappianne i ite ma'ola'e al᷊al᷊eo tadea'u lumiatta'e apapia?” Atonna pia manga taumata apan mangngadio'a si ya'u ringannu mabbisara manungku i ya'u suete nabbisara aroddi. Manga taumata ereudde ṛinone iṛṛuumannu Ruata.

AMSAL 17:7

Taumata aaddatanna tawe wotongnge mangngawusu; taumata woddo tawe ṛinone maabbisara wisara maarega.

AMSAL 12:19

Awusu sarun asingkatanna ringannu sangkaṛṛondappa, arawe manga wisara atonna sidutu uatatana'a su al᷊o'engngu allo.

1 SAMUEL 27:10

Napawe i Akhis naiwal᷊o si tou, “Watukkuapa i yamiu namangalo paassa indi?” Ne i Daud nabbal᷊o si Akhis manungku i tou buatte namangalo su wageangngu leta'u Yehuda samba'a timukka, ara'e su wageangngu leta'u taumatan Yerahmeel ara'e su wageangngu leta'a atatanaannu taumatan Keni.

1 SAMUEL 19:17

I Saul nabbisara si Mikhal, “waṛṛani atonna i'o mangawusu si ya'u arendi! See'u buatte nitul᷊ungngu niapaatal᷊angnga!” I Mikhal sinumimbakka, “I tou mammansaga mamate si ya'u amungkangu ya'u tawe mallal᷊ima mantul᷊ungngi tou.”

MAL᷊AṚṚUUNGNGA 16:10

Ana see i Delila nabbisara si Simson, “Ah, i'o nangawusu! I'o tumba'u mannalangnga si ya'u. Otte wattia'e si ya'u ringannu apa i'o wotongnge ṛapusanna!”

MAL᷊AṚṚUUNGNGA 16:6

Ne unni Delila si Simson, “Simson, anio i'o tumaniten matohassa? Ringannu apa i'o ṛapusanna tadea'u mawul᷊i atatohannu? Wal᷊oa'e addapingnge!”

MAL᷊AṚṚUUNGNGA 16:8

Ana see manga tembonannu Filistin udde, nangonggolu tal᷊in papiti'a wakku pitu bua wuṛṛu taambe namara si Delila. Wua'udde tantal᷊anna taumatan Filistin ual᷊aṛaddo su wabbo'a waine, i Delila nakkapussa si Simson ringannu manga tal᷊i udde ana see niumui, “I Simson! Taumatan Filistin uddete!” Simson lapiddu namassutta tal᷊in papiti'a udde. Manga tal᷊i udde nabbassutta naal᷊ihidda ere wananna nabbassuta niaṛinoannu putungnga. Addapingngu atatohassi Simson taambe niasingkatanna.