MAL᷊AṚṚUUNGNGA 16:5 - WUKE SUSI WATTI'U AL᷊AL᷊USASSA

⁵ Ne nirumantate siri lima taumata tembonannu Filistin ringannu wawine udde wuṛṛu nabbisara, “Sal᷊oa'a i Simson tadea'u i tou maapulu mamasingkatta si'o apa addapingngu atatihanne udde, wuṛṛu ereapa olangnge mamamul᷊in atatohanne udde. Ringannu aroddi yami wotongnge maaranta wuṛṛu makkapussa si tou tadea'u i tou marugite si yami. Ne yami sangkatou-sangkatou mangonggolu 1.100 roitta sal᷊a'a si'o.”

MAL᷊AṚṚUUNGNGA 16:5 Referans Kwoze

MAL᷊AṚṚUUNGNGA 14:15

Nariaddi su allo aiappanne i mangitou nabbisarate su awingngi Simson, “I'o ṛinone massal᷊o'u awingngu tadea'u i tou mamasingkatta si yami sasi'attu ao'o udde. Amungkangu tawe, yami sarun manuntungnga si'o wuṛṛu amonannu iamangngu. Al᷊imangke i'o namaggo si yami tadea'u manginsue darotongngi yami!”

YOSUA 13:3

wuṛṛu ahewallu leta'u Awi watukku timukka. (Wageanga wuassu Sal᷊ukku Sikhor su passarannu Mesir ma'oman sara passarannu Ekron su samba'an sawannakka, sarangkanambone udde nareengnga wageangngu leta'u walahannu Kanaan; wuṛṛu manga ratun Filistin uatana'a su Gaza, Asdod, Askelon, Gad wuṛṛu Ekron).

MATIUS 26:15

I tou nabbisara si mangitou, “Apa sarun ionggolli yamiu si ya'u, amungkangngu i ya'u manantillu Mawu Yesus si yamiu?” Ne i mangitou nandeengngu tallum pul᷊o roitta sal᷊a'a, see nionggole roitta udde si tou.

MIKHA 7:3

Sarangkanambone pande sulal᷊ummu ma'ola'a al᷊al᷊eo. Tembonanne wuṛṛu mallaṛṛuungnga maddorongnga roitta aonggolla, wuṛṛu matatimmaddu wanua mammata'u apulune, etearoddi i mangitou nabbaidda suadio'a.

1 SAMUEL 29:6

Ana see i Akhis namaggo si Daud wuṛṛu nabbisara si tou, “I ya'u mangngimanna sulal᷊ummu arannu Mawu apan biakka, manungku i'o matuṛṛutta si ya'u. I ya'u mal᷊uassa amungkangu i'o uaringanna si ya'u sulal᷊ummu pangalo indi. Ana waugu ro'en i'o nirumanta ringangku na'oman sara orassa indi, ya'u tawe naasomba pasasal᷊anu. Arawe manga ratu waine udde maddirinu.

MAL᷊AṚṚUUNGNGA 17:2

Su allo sambau i tou nabbisarate su inangngene, “Su inangnga niawul᷊iannu saṛiwu maṛasutta roitta sal᷊a'a, i ya'u naaringikka inangnga mantal᷊an manana'one. Indete Inangnga, roinne! Ete i ya'u nanna'o.” Inangngene sinumimbakka, “Antimanna i'o al᷊amatannu Mawu, ana'u!”

MAL᷊AṚṚUUNGNGA 3:3

Manga walahanna apan ta'e uatana'a su wanua udde eteudde: walahanna apan uatana'a su lima soa Filistin, anambon walahannu Kanaan, walahannu Sidon, wuṛṛu Hewi apan uatana'a su panenteannu Libanon, manattakka wuassu Wowon Baal-Hermon maddatingngu lal᷊anna apan mattuddan Hamat.

PANDARIADDI 33:16

Etearoddi i Esau nabelengnga poi watukku Edom.

MAL᷊AṚṚUUNGNGA 16:4

Wua'udde i Simson piate naungnga su sangkatou wawine wuassu Wawal᷊annu Sorek. Arannu wawine udde i Delila.

MAL᷊AṚṚUUNGNGA 16:6

Ne unni Delila si Simson, “Simson, anio i'o tumaniten matohassa? Ringannu apa i'o ṛapusanna tadea'u mawul᷊i atatohannu? Wal᷊oa'e addapingnge!”