MAL᷊AṚṚUUNGNGA 16:30 - WUKE SUSI WATTI'U AL᷊AL᷊USASSA

³⁰ i tou nangintul᷊i, “Wala'e i ya'u mate suadio'a ringannu manga taumatan Filistin indi!” Wuṛṛu ringannu ahewallu atatohanne i tou nanuṛuddu manga diṛṛi udde na'oman sara naṛṛa'a wuṛṛu nangema'a siri lima tembonannu Filistin suadio'a ringannu taumata waine apan sulal᷊ummu wal᷊en udde. I Simson nate lai. Arawe, sutempo i tou nate udde i tou buatte namate taumata mannamboanna wuassu su tempo i tou wiakka.

MAL᷊AṚṚUUNGNGA 16:30 Referans Kwoze

FILIPI 2:8

I Tou napaawawon watangan-Ne, wuṛṛu mabbiakka ringannu matuṛṛuta su Ruata na'oman sara nate – eteudde nate niarussa.

MATIUS 16:25

Ana waugu taumata apan maapulu mandalukka wiakke, sarun awul᷊iannu wiakke. Arawe taumata apan mamalam biakke ana waugu i Ya'u sarun maasomba wiakka.

1 TESALONIKA 5:2

Ana waugu i yamiu sassane masingkatta ringannu masemakka manungku allon darantan Mawu udde sarun rumanta ere taṛṛa ta'o su tempo ṛabbi.

KOLOSE 2:15

Su alu arussa udde Kristus na'ola'a al᷊awo'u ghaṛṛaho apan uaparenta wuṛṛu uataṛṛino naola'a tawe atatohanne. I mangitou naola'a wawialannu awadaalla su tempo Kristus nangapiddi mangitou ere taumatan ṛuumanna sulal᷊ummu amamattu awawantu-Ge.

FILIPI 2:30

Su hunan manaran Kristus, i tou ete addio'a mate; i tou nanantillu niawane ipantul᷊ungku sulal᷊ummu arannu.

FILIPI 2:17

Asinungka i ya'u sarun pateanna wuṛṛu ṛaṛṛa'u maola'a ere sambau sasamba manampal᷊iu wuassu sasamban kamiu su Ruata maola'a sambau tatiala manungku i yamiu mangngimanna si Tou. Amungkangu udde atonna ṛinone maola'a aroddi, ya'u maadiangkamanna su olangnge udde wuṛṛu lulluassa suaddio'a ringanni yamiu.

WATTI'U MANGA RASUL 21:13

Arawe i tou sinumimbakka, “Apa hunane tuṛṛangnga lulluai ereindi na'oman sara naungku nasusa? I ya'u nasaddiate wal᷊ine tumba'u sametanna poiaroddi, arawe nasaddiate lai mate ana waugu Mawu Yesus.”

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

MANNANASE 9:12

Taumata wagga tingngera tempone rumanta. Ere manu'u winalanganna nasongnganna wuṛṛu inassa nasomanna, aroddi lai taumata aṛṛiaannu asasilaka sutempo apan niawagananna.

DARALO 62:3

Tumba'u i Tou apan ual᷊u'adda wuṛṛu manal᷊amatta si ya'u, i Tou mananambaa'u, i ya'u tawe umio'a.

AYUB 31:3

Silaka wuṛṛu asasusa sarun iaparantan Mawu su taumata apan ma'ola'a al᷊al᷊eo!

AYUB 20:5

al᷊al᷊uassu taumata lal᷊eo tumba'u tal᷊angkadio'a, wuṛṛu lal᷊umanna'u taumata mal᷊awangnga tumba'u sangkaṛṛondappa?

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

MAL᷊AṚṚUUNGNGA 15:15

Wua'udde i tou naasangkalla sambau duṛṛin ol᷊an keledai apan ta'e wakku. I tou namurutta duṛṛi udde, ana see nipaatta pinamuulla 1.000 su atoune na'oman sara nate.

MAL᷊AṚṚUUNGNGA 15:8

Wua'udde i tou namangalo si mangitou ringannu maṛagissa wuṛṛu suwallati mangitou manambo apan nipate. Wua'udde, i tou inaite natana'a sulal᷊ummu loṛangnga susambau wuidda watu su Etam.

MAL᷊AṚṚUUNGNGA 14:19

Inaṛombanganne i Simson nabbal᷊i natohassu taṛinon Mawu, ana see i tou inaite watukku Askelon. Poiaroddi i tou namate tallun pul᷊o esakka apan ual᷊uṛen laubba mangkapia. I tou nanganu laubbi mangitou udde wuṛṛu nionggola su siri tallun pul᷊o apan buatte nani'attu ao'one udde. Wua'udde i tou napul᷊ete su wal᷊ene ringannu naungnga mappau.

MAL᷊AṚṚUUNGNGA 16:29

Wua'udde i Simson nangagassa diṛṛi darua su tangngane apan uatumpilla wal᷊en wahewalla udde. Ana see ringannu nangagassu limane aiṛṛi su diṛṛi sambau wuṛṛu sambau lai ringannu limane aikkatanna su diṛṛi waine,

MAL᷊AṚṚUUNGNGA 16:31

Wua'udde nirumantate manga tuṛangnge wuṛṛu anambon amonanne mangal᷊appa winal᷊unanne. I mangitou nangapiddu winal᷊unanne udde napul᷊e, wuṛṛu nilabbinga sulal᷊ummu labbingngi Manoah, iamangnge. Labbingnga udde addone suwallatu Zora wuṛṛu Esytaol. I Simson nabbal᷊i piaṛa'u Israel ruan pul᷊o su tonnane al᷊annune.