MAL᷊AṚṚUUNGNGA 16:18 - WUKE SUSI WATTI'U AL᷊AL᷊USASSA

¹⁸ I Delila naapendamma manungku i Simson buatte namasingkattu naungnge. Ana waugu udde i tou napaapiddu watti'a indi niapawal᷊o su manga tembonannu Filistin, “Rantate lai paassa indi. I Simson buatte nabbatti'u addapinge si ya'u.” Ne i mangitou nirumantate ringannu uaapiddu roitta ionggola si Delila.

MAL᷊AṚṚUUNGNGA 16:18 Referans Kwoze

1 TIMOTIUS 6:10

Ana waugu wuassu aapulun doitta, lumappute al᷊awo'u al᷊al᷊eo. Pia sambageanganna taumata apan maddea'a roitta na'oman sara tate tumuṛṛutta lai al᷊aṛṛa'u Saṛṛani, ana see i mangitou niaṛṛiaannu manambo asasusa naṛṛimunsa'a naungngi mangitou.

MATIUS 26:15

I tou nabbisara si mangitou, “Apa sarun ionggolli yamiu si ya'u, amungkangngu i ya'u manantillu Mawu Yesus si yamiu?” Ne i mangitou nandeengngu tallum pul᷊o roitta sal᷊a'a, see nionggole roitta udde si tou.

MAL᷊AṚṚUUNGNGA 16:5

Ne nirumantate siri lima taumata tembonannu Filistin ringannu wawine udde wuṛṛu nabbisara, “Sal᷊oa'a i Simson tadea'u i tou maapulu mamasingkatta si'o apa addapingngu atatihanne udde, wuṛṛu ereapa olangnge mamamul᷊in atatohanne udde. Ringannu aroddi yami wotongnge maaranta wuṛṛu makkapussa si tou tadea'u i tou marugite si yami. Ne yami sangkatou-sangkatou mangonggolu 1.100 roitta sal᷊a'a si'o.”

EFESUS 5:5

Panutukka paapia-pia: taumata apan pallal᷊agune sussandaga, ara'e tawe matataṛṛino, ara'e wal᷊iu (pallal᷊agu ereudde nassul᷊ungngu lai massubba paal᷊uanna), taumata udde tawe masutta su walahanna apan paparentanni Kristus wuṛṛu Ruata.

AMSAL 18:8

Aal᷊uandaga udde matemangnga pendamanna; taumata apulune mangalluppa.

DARALO 62:9

Ei walahangku, pangantimpe Ruata suapan tempo; sabbanga'e lal᷊oṛṛon naungngu si Tou, ana waugu ete i Tou tampa passirunganni ite.

1 MARARATU 21:20

Sutempo i Ahab naasilo si Elia, i tou nabbisara, “Ei seetta, panginsueanne i'o naasangkalla si ya'u!” “Atonna,” sasimbakki Elia. “Ana waugu i Tuangnga ringannu na'utulla na'ola'a al᷊al᷊eo su aellegu Mawu,

REENGANNA 22:7

Ne inaite manga piaṛṛa'u taumatan Moab wuṛṛu Midian udde ringannu uaapiddu lal᷊antakke si Bileam tadea'u i tou ma'apulu mamontoga taumatan Israel. Napawe na'omate ringanni Bileam, i mangitou nabbal᷊o si tou tanatan Datu Balak.

MAL᷊AṚṚUUNGNGA 16:17

Panginsueanne i Simson nabbatti'u addapingnge. “Uta'u taambe saran paassa nipol᷊o,” unni Simson. “I ya'u buatte tinantilla su Ruata maola'a pussaa-Ne sassane. Ro'en niasungkanga i ya'u naola'e ana'u pa'aire. Amungkangu uta'u pol᷊oanna, atatoha'u sarun mawul᷊i; i ya'u sarun mallome wuṛṛu maola'a ere taumata wiasa.”

MAL᷊AṚṚUUNGNGA 16:19

Wua'udde i Delila sinumambe si Simson na'oman sara niamatiil᷊anna suṛiwane, ana see i tou namago taumata wuṛṛu nirolokka niapapol᷊o uta'i Simson apan uasal᷊apidda pitu. Wua'udde i tou nanansara si Simson, ana waugu i Simson niawul᷊ianten atatohanne.