MAL᷊AṚṚUUNGNGA 15:19 - WUKE SUSI WATTI'U AL᷊AL᷊USASSA

¹⁹ Ne Ruata namu'a loṛangngu wuiddu watu su Lehi udde, ana see sinumabbangke ua'e wua' isudde. I Simson na'inumpe, ana see naapendampe matohassa apia. Ana waugu udde al᷊imatan ua'e udde nisaggo Al᷊imatan Ua'en Hakor. Al᷊imatan ua'e indi ta'e pia sara orassa indi su Lehi.

MAL᷊AṚṚUUNGNGA 15:19 Referans Kwoze

YESAYA 44:3

Ana waugu i Ya'u sarun mandal᷊innu ua'e su leta'a apan mamara, wuṛṛu mapa'elekku manga sal᷊ukka su leta'a apan naṛṛangngitta. I Ya'u sarun mangonggollu taṛṛino-U su papapulunnu, wuṛṛu mangal᷊amatta pallaṛṛitenu.

PANDARIADDI 45:27

Arawe napawe i mangitou nabbatti'u sarangkanambone apan niwisaran Yusuf si mangitou, wuṛṛu napawe i tou naasilo kereta apan niapaapiddi Yusuf iapaal᷊appa wuṛṛu iapaapiddi tou watukku Mesir, i tou natimpu'ote wuassu ṛingiranne.

DARALO 34:6

Taumata su asasusa mangngantimma si Tou wuṛṛu lulluassa, i mangitou taweddu pangiananne mabbal᷊i masili.

YESAYA 40:29

I tou mannohassa taumata apan nal᷊otakka, mangngonggollu sasasa su taumata apan tawe maal᷊iore.

YESAYA 40:26

Paningngarate langitta, wuṛṛu panutukke! Isaite apan nallanginnu manga anumpitanna? I Tou apan mangngatokki mangitou naal᷊ihidda ere barisanna, i Tou masingkattu anambon mangitou sarangkanambone, wuṛṛu mammaggo sambau-sambau ringannu aranne. Tawe saran sambau apan mawul᷊i ana waugu ahewallu taṛṛinon Mawu!

DARALO 120:1

Aantarin patatembo. Sulal᷊ummu asasusa'u i ya'u ma'ial᷊are su Mawu, ne i Tou sinumimbakka si ya'u.

1 SAMUEL 30:12

see lai kukisse wuan ara, wuṛṛu ruan danna anggore mamara. Napawe i tou buatte niumanna, i tou natohasse apia; wutte'e i tou tatallute su allone tawe umanna wuṛṛu ma'inumma!

SASABANGNGA 17:15

Ana see i Musa napararisikku sambau mezbah wuṛṛu nisago “Eteudde Mawu Waneṛṛa'u.”

PANDARIADDI 30:30

Tantal᷊anna i ya'u taambe nirumanta, dorotongngi Papa tawe tumannite manambo, arawe orassa indi Papa nabbal᷊ite ala. Mawu buatte nangal᷊amatta si Papa ana waugu i ya'u. Orassa indi temponete i ya'u mammanara su amonangku sassane.”

PANDARIADDI 28:19

I tou nanagon tampa udde Betel. (Dorone aranne Lus).

PANDARIADDI 16:13

I Hagar naiwal᷊o sulal᷊ummu naungnge, “Atonnawe i ya'u naasilote Ruata apan Mappaddul᷊i si ya'u?” Ne i tou nanagon arannu Mawu, apan buatte nabbisara si tou, “Ruata Apan Nappaddul᷊i”.

REENGANNA 20:11

Ana see i Musa namatten ta'inna udde wuṛṛu nipuulli tou su wuiddu watu udde paarua. Ne nangelekke ua'e ringannu masassaga, na'oman sara taumata wuṛṛu winatangnga wotongngete ma'inumma.

MAL᷊AṚṚUUNGNGA 15:9

Ne taumatan Filistin nirumanta watukku wageangngu leta'u Yehuda ana see naddasante isudde, wua'udde namangalote soan Lehi.

DARALO 50:15

Salandete si Ya'u sutempon asasusa, i Ya'u sarun mamallossi yamiu, wuṛṛu i yamiu sarun maddalo si Ya'u.”

DARALO 110:7

Ratu sarun ma'inumma ua'en sal᷊ukka su winggin dal᷊anna, napawe nitohassa, i tou sarun maauntunga.