MAL᷊AṚṚUUNGNGA 15:14 - WUKE SUSI WATTI'U AL᷊AL᷊USASSA

¹⁴ Napawe i Simson niapidde su Lehi, manga taumatan Filistin tuttatal᷊angnga mattuddan tou lapiddu uiui. Inaṛombanganne i tou nabbal᷊i matohassu taṛinon Mawu. Manga tal᷊i apan uaṛapussa limane udde niwassunne ringannu tawe sahadden naal᷊ihidda namassuta tal᷊i natutungnga.

MAL᷊AṚṚUUNGNGA 15:14 Referans Kwoze

MAL᷊AṚṚUUNGNGA 14:19

Inaṛombanganne i Simson nabbal᷊i natohassu taṛinon Mawu, ana see i tou inaite watukku Askelon. Poiaroddi i tou namate tallun pul᷊o esakka apan ual᷊uṛen laubba mangkapia. I tou nanganu laubbi mangitou udde wuṛṛu nionggola su siri tallun pul᷊o apan buatte nani'attu ao'one udde. Wua'udde i tou napul᷊ete su wal᷊ene ringannu naungnga mappau.

DARALO 118:11

I mangitou namangalo si ya'u wuassu al᷊awo'u pappi'uanne; ringannu taṛṛinon Mawu, i mangitou ta'u niawaddo.

1 SAMUEL 17:35

winatangnga mal᷊aṛṛaga udde enggenanna wuṛṛu puul᷊annu allangngu, ne ullekkane aggasannu allangngu, ana see puul᷊annu allangngu ma'oman sara mate.

1 SAMUEL 11:6

Naaringikka udde, i Saul niintaṛṛoannu Ghaṛṛahon Duata.

MAL᷊AṚṚUUNGNGA 14:6

wuṛṛu inaṛombanganne i Simson nabbal᷊i natohassu taṛinon Mawu. Ana see i tou namaṛṛu singa udde ringannu limane, ereola'u winatangnga udde naal᷊ihidda ambinga. Olangnge udde tawe niwatti'a su hagurangnge.

MAL᷊AṚṚUUNGNGA 3:10

Ghaṛaho Mawu uataṛino si Otniel na'oman sara i tou naola'a piaṛa'u walahannu Israel. I tou inaite napapangalo, ana see Mawu napaauntungngi tou su ratun Mesopotamia udde.

FILIPI 4:3

Su hawe'u apan matuṛṛuta, i ya'u madorongnga lai tadea'u tuṛṛanga massumbala wawine darua udde. I mangitou suete nammanara maṛṛimadda ringangku mabatti'u Watti'u Al᷊al᷊uassa wuassu Ruata; ere lai Klemen wuṛṛu anambon taumata waine apan mammanara suadio'a ringangku. Manga aranni mangitou uawoṛṛetta sulal᷊ummu Wuken Taumata Wiakka.

ZAKARIA 4:6

Mala'ekatta udde nandalo'u mamasingkatta si Zerubabel tanata Mawu indi, “Wal᷊ine ringannu atatohassu tantara wuṛṛu wal᷊ine lai ringannu atatohannu sassane i'o sarun maauntunga, ewe'e ringannu Ghaṛṛaho-U.

MIKHA 7:8

Tawe pinangiananne su manga seetti ite lumuassu asasuasan kite. Ana waugu salaiwe i ite nanawo, i ite sarun mabbangunna apia. Orassa indi uatana'a sulal᷊ummu ararandumma, arawe Mawu sarun manualaga si ite.

DARALO 18:34

I Tou nanohassa ledda'u ere leddan rusa, wuṛṛu nallu'adda asasal᷊ama'u su panenteanna.

AYUB 20:5

al᷊al᷊uassu taumata lal᷊eo tumba'u tal᷊angkadio'a, wuṛṛu lal᷊umanna'u taumata mal᷊awangnga tumba'u sangkaṛṛondappa?

1 SAMUEL 4:5

Napawe Wantallu Pa'aire na'omate su paddasananna, taumatan Israel hinumiote ringannu mangngintuli ma'ikkatta, na'oman sara apendamanna runia niumio'a.

MAL᷊AṚṚUUNGNGA 16:24

Tantal᷊anna i mangitou lullala'a, i mangitou mabbisara, “Apira'e i Simson inawarendi tadea'u i tou maola'a papal᷊agen kite!” Ne i mangitou nangal᷊appe si Simson wuassu tattupanna, wuṛṛu i tou naola'e papal᷊agen mangitou. I mangitou nandolokki tou niaparisikka suwallatu darua diṛṛi apan masallakka. Napawe awada'alla udde naasilo si Simson, i mangitou naddalote si Dagon wuṛṛu mangngantari, “Monganni ite buatte nangonggolu auntunganna si ite wuassu seetta apan buatte nandal᷊eo wanuan kite wuṛṛu namate aroddi anambone taumatan kite!”

MAL᷊AṚṚUUNGNGA 16:12

Tantal᷊anna taumatan Filistin ual᷊aṛaddo su wabbo'a waine, i Delila nanganu manga pira bua tal᷊i wakku, ana see nakkapussa si Simson. Wua'udde i tou niumui, “I Simson! Taumatan Filistin uddete!” Arawe i Simson namassutta manga tal᷊i apan uaṛapussa limane, naal᷊ihidda taumata namassutta wananna.

MAL᷊AṚṚUUNGNGA 5:30

“I mangitou tantal᷊anna mattahia saranapa apan niaaṛṛo, su tantara sangkatou, nionggola sangkatou ara'e ruan katou maṛuala. Wageangngi Sisera, mal᷊aṛenessa a'olanna laubba apan lembon maarega, su ratu, wawine selendanga apan hahambarannu al᷊awo'u kalure.”

SASABANGNGA 14:5

Napawe ratu Mesir naaringikka manungku balahannu Israel tinumal᷊angke, i tou wuṛṛu manga mammamanaran araratuanne sinumassilla wuṛṛu nabbisara, “Apate sarun olaanni ite? Anio i ite namalan manga taumatan Israel udde napul᷊e na'oman sara i ite niawul᷊iannu manga allangnga?”

SASABANGNGA 14:3

Ratu Mesir sarun massunna manungku taumatan Israel tantal᷊anna mammal᷊intaddu wanua indi wuṛṛu nilamammiṛṛante su wadda'a lol᷊okka.

MAL᷊AṚṚUUNGNGA 15:13

“Ore,” unni mangitou, “atonna yami tumba'u makkapussa wuṛṛu manantillu su taumatan Filistin. Yami tawe mamate si'o.” Ana see i mangitou nakkapusse si Simson ringannu ruan bua tal᷊i apan ta'e wakku, wuṛṛu nangapiddi tou inai wuassu loṛangnga udde.

MAL᷊AṚṚUUNGNGA 15:9

Ne taumatan Filistin nirumanta watukku wageangngu leta'u Yehuda ana see naddasante isudde, wua'udde namangalote soan Lehi.

1 SAMUEL 10:6

Su orassa udde lai i'o sarun intaṛṛuannu Ghaṛṛahon Mawu wuṛṛu i'o lai sarun massal᷊aingnga wuṛṛu mangngintul᷊i, ana see i'o onggol᷊annu pallal᷊agu wakku na'oman sara maola'a taumata al᷊aṛṛaene.

1 SAMUEL 10:10

Sutempo i Saul wuṛṛu mangangimbene na'omate su Gibea, itarua nassomban ammul᷊annu nabi. Su orassa udde lai i Saul niintaṛṛoannu Ghaṛṛahon Duata, ne i tou nassal᷊aingnga wuṛṛu mangngintul᷊i suadio'a ringannu manga nabi udde.