MAL᷊AṚṚUUNGNGA 15:11 - WUKE SUSI WATTI'U AL᷊AL᷊USASSA

¹¹ Naaringikka udde 3.000 su atoune taumatan Yehuda inaite watukku loṛangngu wuidda watu su Etam. Poiaroddi i mangitou nabbisara, “Simson, apa i'o wagga manungku taumatan Filistin uaparenta si ite? Apate indi niolangngu su saruanni yami!” I Simson sinumimbakka, “I ya'u tumba'u mabbal᷊issa inolaanni mangitou si ya'u.”

MAL᷊AṚṚUUNGNGA 15:11 Referans Kwoze

MAL᷊AṚṚUUNGNGA 14:4

Hagurangngi Simson wagga manungku eteudde Mawu apan nagal᷊oren Simson ma'ola'a inolanna udde. Ana waugu Mawu, maddea'a lal᷊anne mamangalo taumatan Filistin. Su tempo udde taumatan Filistin uaparenta taumatan Israel.

MAL᷊AṚṚUUNGNGA 13:1

Taumatan Israel na'ola'e rosa apia su Mawu, ana see Mawu namalaten taumatan Filistin uaparenta si mangitou appatu pul᷊o su tonnane al᷊annune.

TAHIUL᷊E 28:13

Mawu Ruatanu sarun ma'ola'a si yamiu mamamiaṛṛa'a suwallatu manga walahanna, wuṛṛu wal᷊ine mallal᷊aṛṛenggena. Amungkangngu i yamiu maaddunna tuttuṛṛutta anambon parentan Mawu apan ta'u nionggola si yamiu allo indi, i sarun lembon su lal᷊umanna'a wuṛṛu tawe sarun paassa sumoṛṛotta.

IMAMATTA 26:25

I Ya'u sarun mandantan pangalo su pattangngannu ipakkuumanni yamiu ana waugu i yamiu buatte nilumawanga pa'aire-U si yamiu. Wuṛṛu amungkangngu i yamiu ma'ammula su soanu maddea'a pattillummanna, i Ya'u sarun mandantan radda'a apan tawe iapapia, na'oman sara i yamiu sarun manantilu watangannu su seennu.

TAHIUL᷊E 28:43

Manga taumata raho apan uatana'a su wanuanu sarun lembon mattohassa, arawe atatohannu lembon magaingnga.

MAL᷊AṚṚUUNGNGA 15:10

Taumatan Yehuda naiwal᷊o taumatan Filistin, “Anio i yamiu namangalo si yami?” I mangitou sinumimbakka, “Yami nirumanta manametta si Simson, tadea'u yami wotongnge mamarikka si tou ere lai i tou namarikka si yami.”

MAL᷊AṚṚUUNGNGA 15:12

Unni mangitou, “Yami nirumanta isindi tumba'u makkapussa wuṛṛu manantillu su taumatan Filistin.” I Simson nabbisara, “Pa'irete asuene manungku i yamiu sassane tawe mamate si ya'u.”

1 TAWARIKH 4:3

Ana'i Kaleb esakka pahul᷊une wuassu awingnge aranne i Efrat eteudde i Hur. Papapulunni Hur eteudde mandararisikku soan Betlehem, i Etam, i Pnuel wuṛṛu i Ezer. I Etam pia siri tallu ana'a esakka aranne i Yizreel, i Isma wuṛṛu i Idbas, wuṛṛu sangkatou ana'a wawine aranne i Hazelelponi. I Pnuel napararisikku soan Gedor wuṛṛu i Ezer napararisikku soan Husa.