MAL᷊AṚṚUUNGNGA 14:2 - WUKE SUSI WATTI'U AL᷊AL᷊USASSA

² Ana see i tou napul᷊ete wuṛṛu nabbisara su hagurangnge, “I ya'u niumanggangu sangkatou maṛualan Filistin su Timna. I tou maddorongnga iamanga wuṛṛu inangnga inai mangono'u si tou.”

MAL᷊AṚṚUUNGNGA 14:2 Referans Kwoze

PANDARIADDI 34:4

Unni Sikhem su iamangnge, “I ya'u madorongnga Iamangnga mattinsahadda tadea'u maasomba maṛṛuala udde maola'a wageangku. I ya'u mapulu atonna mawingngi tou.”

PANDARIADDI 21:21

Inangngene nangawingngi tou ringannu sangkatou wawine Mesir.

2 MARARATU 14:9

Arawe i Ratu Yoas nangirimmu sasimbakke indi, “Susambau tempo nannal᷊o ṛoaanna wuassu Panenteannu Libanon nangirimmu watti'a indi su alu cemara, “Ei alu cemara, onggol᷊a'e anangngu maṛṛuala su ana'u tadea'u maola'a awinge.” Arawe wua'udde sinumabbite isudde sambau winatangu ahuranganna wuṛṛu nakkinda nannal᷊o ṛoaanna udde.

PANDARIADDI 38:6

I Yehuda nangawingngu anangnge i Er, anangnge pahul᷊une ringanni Tamar.

MAL᷊AṚṚUUNGNGA 14:1

Su allo sambau i Simson inaite watukku Timna, wuṛṛu naasilo sangkatou maṛualan Filistin poiaroddi.

MAL᷊AṚṚUUNGNGA 14:3

Arawe hagurangnge nabbisara, “Anio i ite ṛinone inai ringannu taumatan Filistin tadea'u maasomba sawa, wuṛṛu i mangitou tawe nasutta al᷊aṛana'u Mawu? Apa sulal᷊ummu ṛuanganni ite sassane ara'e suwallatu pabbawalagi ite tawe maṛuala naṛino su naungngu?” I Simson sinumimbakka iamangnge, “Arawe tumba'u maṛualan Filistin udde ipaapulu'u. Ne i ya'u mangantimma iamanga mangono'u si tou.”

YEREMIA 29:6

Paawingke tadea'u i yamiu maasomba ana'a, wuṛṛu wala'e manga anangngu lai maawingnga tadea'u i mangitou maasomba ana'a. Reenganne ṛinone aatambanna wuṛṛu tawe wotongnge mahaingnga.