MAL᷊AṚṚUUNGNGA 14:14 - WUKE SUSI WATTI'U AL᷊AL᷊USASSA

¹⁴ Ne i Simson nabbisara, “Wuassu iapa niumanna, sinumabbanga apa apan nianna; wuṛṛu wuassiapa matohassa, sinumabbanga apa matemangnga.” Napawe nal᷊iute tallu allo i mangitou lai taambe naasomba sasi'attu ao'o udde.

MAL᷊AṚṚUUNGNGA 14:14 Referans Kwoze

1 MARARATU 17:6

I tou ma'inumma su ana'u sa'l᷊ukka udde, wuṛṛu u'anna roti wuṛṛu ṛemessa apan ia'untuddu manu'a gagak suapan rua'allo wuṛṛu wawallo.

ROMA 8:37

Tawe! Ewe'e sulal᷊ummu sarangkanambone udde i ite naasomba auntunganna apan nasuungnga ana waugu i Tou apan niumakkani ite!

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

2 KORINTUS 4:17

Wuṛṛu asasusa apan tawe tumaniten mawakkata indi, apan tumba'u papendamanni yami tal᷊an kadio'a, sarun mangonggolu hessine si yami sambau al᷊al᷊uassa apan wahewalla wuṛṛu tawe pangudusanne. Al᷊al᷊uassa udde maggewal᷊anna marau amungkangngu isul᷊ungngu asasusa udde sassane.

WATTI'U MANGA RASUL 8:31

Taumata udde sinumimbakka, “Ereapa i ya'u maasunna, amungkangngu taweddu manal᷊a'a si ya'u?” See i tou nangahe si Filipus sinuma'e su kereta wuṛṛu inuma'ianna su adio'a ringanni tou.

MATIUS 13:11

Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

AMSAL 24:7

Taumata woddo tawe maasunna apande. I tou tawe maawisara sarangkadio'a amungkangngu taumata tantal᷊anna uahahatton manga hatto mahuna.

2 TAWARIKH 20:25

Ne i Yosafat suadio'a ringannu tantarane inaite nangaṛṛo manga saranapan seetta. I mangitou naasangkalla manambo winatangnga papadul᷊iananna, saranapa ipappaatta, laubba wuṛṛu manga saranapa apan maarega waine. Napawe buatte nangammulu manga saranapa udde tallu allo al᷊annune, ta'e manambo lai manga saranapa waine, na'oman sara tinantangke aroddi.

2 TAWARIKH 20:2

Ne nirumantate taumata uaapiddu watti'a indi si Ratu Yosafat, “Tumaniten manambo tantaran Edom nirumanta wuassu samba'an tahal᷊oangnga Nate mamangalo si Tuangnga. I mangitou napangaṛṛote soa Hazezon-Tamar.” (Hazezon-Tamar eteudde aranne waine wuassu soa En-Gedi.)

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

MAL᷊AṚṚUUNGNGA 14:13

Arawe amungkangu i yamiu tawe naasi'atta, i yamiu sangkatou-sangkatou sarun mangonggola si ya'u mal᷊aṛenessa linen al᷊ussa wuṛṛu samparassa laubba apan mapia.” Ana see manga taumatan Filistin udde nabbisara, “Wotongnge! Orassa indi wal᷊oa'e ao'o udde.”

MAL᷊AṚṚUUNGNGA 14:15

Nariaddi su allo aiappanne i mangitou nabbisarate su awingngi Simson, “I'o ṛinone massal᷊o'u awingngu tadea'u i tou mamasingkatta si yami sasi'attu ao'o udde. Amungkangu tawe, yami sarun manuntungnga si'o wuṛṛu amonannu iamangngu. Al᷊imangke i'o namaggo si yami tadea'u manginsue darotongngi yami!”