MAL᷊AṚṚUUNGNGA 13:8 - WUKE SUSI WATTI'U AL᷊AL᷊USASSA

⁸ Naaringikka udde, i Manoah niumal᷊iomante su Mawu, arendi, “Mawu, antimanna I'o mandolokku allangngu udde apia ringanni yami iapapasingkatta apa apan ṛinone olaanni yami su ana'a udde napawe i tou niasungkangke.”

MAL᷊AṚṚUUNGNGA 13:8 Referans Kwoze

WATTI'U MANGA RASUL 9:6

Arawe orassa indi darisikke wuṛṛu suttate su soa. Isudde sarun iapaasingkatta si'o apa apan sarun manarannu.”

AYUB 34:32

I'o buatte naddorongnga tadea'u i Tou manta'en pasasal᷊anu? I'o buatte nassalu manungku mangaddon inolaanna udde?

MAL᷊AṚṚUUNGNGA 13:3

Arawe su allo sambau mala'ekattu Mawu naipasilon batanganne si tou wuṛṛu nabbisara, “Al᷊annunete indi i'o tawe naasomba ana'a, arawe tate mal᷊annu lai i'o sarun piate illoṛo, wuṛṛu maasomba sangkatou ana'a esakka.

MAL᷊AṚṚUUNGNGA 13:6

Wua'udde awingngi Manoah inaite ringannu awingnge wuṛṛu nabbisara, “Papa, pia daroloṛannu Ruata nirumanta ringangku; al᷊imangke naal᷊ihidda mala'ekattu Mawu Ruata, na'oman sara i ya'u nata'utta. I ya'u tawe naiwal᷊o wuassuapa i tou nirumanta, wuṛṛu i tou lai tawe namasingkattu aranne si ya'u.

MAL᷊AṚṚUUNGNGA 13:7

Araware i tou nabbisara manungku i ya'u sarun pia illoṛo wuṛṛu maasomba sangkatou ana'a esakka. I tou lai nabbisara manungku imbaṛangnga i ya'u ma'inumma anggore ara'e ua'e ma'awu'anna, ara'e umanna anna ipappalli, ana waugu ana'a udde ṛinone itantilla su Ruata maola'a sangkatou ana'u pa'aire su al᷊o'engngu pabbiaṛanne.”

MAL᷊AṚṚUUNGNGA 13:9

Ruata naddaringikka darorongngi Manoah. Mala'ekattu Mawu udde nirumanta apia, su tempo awingngi Manoah tantal᷊anna ua'ianna su wailla. Su tempo udde awingnge esakka tawe isudde.

MAL᷊AṚṚUUNGNGA 13:11

I Manoah mal᷊iha-l᷊ihakka tinumantalonga awingnge. I tou nangundanin taumata udde wuṛṛu naiwal᷊o, “Ete i Tuanga apan uaapiddu watti'a su awingku?” “Atonna,” sasimbakke.