MAL᷊AṚṚUUNGNGA 11:37 - WUKE SUSI WATTI'U AL᷊AL᷊USASSA

³⁷ “Tumba'u” wisaran maṛuala udde lai, “I ya'u maddorongnga sambau inolaanna: i ya'u onggol᷊eten tempo rua wul᷊anna umamatta su manga wowone suadio'a ringannu manga hawe'u. Poiaroddi ya'u sarun lumuain batangangku ana waugu i ya'u mate ta'e maṛuala.”

MAL᷊AṚṚUUNGNGA 11:37 Referans Kwoze

LUKAS 1:25

I tou nabbisara, “Panginsueanne Mawu nantul᷊ungku wuṛṛu namappassa asasili'u.”

1 SAMUEL 1:6

I Hana sidutu raddal᷊eoanna naungnge wuṛṛu aal᷊uandahanni Penina, awingngi Elkana su liudde udde, ana waugu Mawu tawe nangonggollu ana'a si tou.

PANDARIADDI 30:23

Ne i Rahel piate illoṛṛo wuṛṛu nangunsiweten sangkatou ana'a esakka. Unni Rahel, “Ruata buatte napaawul᷊in asasili'u.

MAL᷊AṚṚUUNGNGA 11:38

Iamange namalan tou wua'udde i tou nirolokke. Maṛuala udde wuṛṛu manga hawene inaite watukku panenteanna massusa poiaroddi, ana waugu i tou sarun mate tantal᷊anna taambe na'awinga wuṛṛu taambe ana'a.