MAL᷊AṚṚUUNGNGA 11:3 - WUKE SUSI WATTI'U AL᷊AL᷊USASSA

³ Ana waugu udde i Yefta nattal᷊ein manga tuṛangnge ana see nilumintukka wuṛṛu natana'e su leta'u Tob. Poiaroddi sangkammul᷊anna taumata lal᷊eo naammuli tou wua'udde i mangitou inaite naṛampassa saranapa.

MAL᷊AṚṚUUNGNGA 11:3 Referans Kwoze

MAL᷊AṚṚUUNGNGA 9:4

Wua'udde i mangitou nangonggolu pitu pul᷊o roitta sal᷊a'a apan nianu wuassu wal᷊en passubbanna su Baal-Berit. Ringannu roitta udde i Abimelekh nanewa sangkammul᷊anna manga taumata taṛṛa wawul᷊o maammulla ringanni tou,

2 SAMUEL 10:8

Taumatan Amon sinumabbangnga wuṛṛu nangatokku barisanne su saruannu ngara pasallangannu su soan mangitou Raba, arawe, taumatan Siria, taumatan Tob wuṛṛu Maakha nangatokku barisanni mangitou su wadda'a.

2 SAMUEL 10:6

Wua'udde taumatan Amon naatutukka manungku inolaanni mangitou udde naaola'a si Daud naisaseetti mangitou. Ana waugu udde i mangitou nanewa 20.000 su atoune tantaran Siria apan uatana'a su Bet-Rehob wuṛṛu Zoba, see lai 12.000 su atoune tantara wuassu Tob, see lai ratu wuassu wanua Maakha ringannu 1.000 su atoune tantarane.

1 SAMUEL 22:2

Wuṛṛu lai manga taumata apan niallangnga, taumata apan pia awallassa, wuṛṛu ingana'a apan mammendamma tawe mal᷊uassa, sarangkanambone naammulli Daud, wuṛṛu i Daud nabbal᷊i piaṛṛa'i mangitou. Reengannu mallal᷊aṛenggenni Daud iraṛṛangngo 400 su atoune.

WATTI'U MANGA RASUL 17:5

Arawe manga taumatan Yahudi mannihikka arae madengki. I mangitou namago manga taumata ul᷊allele su manga lal᷊anna wuṛṛu na'ola'a ammul᷊anna mangal᷊iba'ukka. See i mangitou nangal᷊iba'ukke su ahewallu soa udde wuṛṛu nattudam bal᷊en sangkatou apan mangngimanna aranne i Yason maddea'a si Paulus wuṛṛu si Silas, ana waugu i mangitou ma'apulu mangapiddi Paulus wuṛṛu i Silas sumabangnga iapasaruanna awada'alla.

1 SAMUEL 27:2

Ana see i Daud wuṛṛu siri annummu ṛasutta tantarane inaite ringanni Akhis ana'i Maokh, ratun soa Gat.

MAL᷊AṚṚUUNGNGA 11:2

Iamange pia ana'a esakka waine wuassu sawa awingnga. Napawe al᷊aṛana'a udde wahahewalle i mangitou nallimbuakka si Yefta wuassu wal᷊en. I mangitou nabbisara si Yefta, “I tou tawe maasomba tahia saran addio'a wuassu iamangi yami, ana waugu i'o ana'u wawine waine.”