MAL᷊AṚṚUUNGNGA 11:29 - WUKE SUSI WATTI'U AL᷊AL᷊USASSA

²⁹ Wua'udde Ghaṛṛahon Mawu nangintaṛo si Yefta. Ne i Yefta inaite nattembo leta'u Gilead wuṛṛu Manasye wua'udde nabelengnga watukku Mizpa su Gilead. Wua' isudde i tou nanassukku amatanne watukku leta'u walahannu Amon.

MAL᷊AṚṚUUNGNGA 11:29 Referans Kwoze

REENGANNA 11:25

Ana see Mawu niumonta'a sulal᷊ummu winabbawa wuṛṛu nabbisara si Musa. Mawu manganu sambageanganna wuassu taṛṛino apan buatte nionggoli Tou si Musa wuṛṛu nionggola su siri pitun pul᷊o piaṛṛa'a udde. Napawe Ghaṛṛaho Mawu udde niumonto'a si mangitou, i mangitou mannattake mabbisara ere sangkatou nabi, arawe tawe mal᷊annu.

MAL᷊AṚṚUUNGNGA 3:10

Ghaṛaho Mawu uataṛino si Otniel na'oman sara i tou naola'a piaṛa'u walahannu Israel. I tou inaite napapangalo, ana see Mawu napaauntungngi tou su ratun Mesopotamia udde.

1 TAWARIKH 12:18

Sangkatou suwallatti mangitou, eteudde i Amasai, apan sal᷊immurine nabbal᷊i piaṛṛa'u ammul᷊anna apan isassago “Tridasawira,” nitaṛṛinoannu Ghaṛṛahon Duata ana see nabbisara, “I Daud, ana'i Isai! Yami massumbala si'o! Antimanna i'o wuṛṛu i mangitou apan massumbala si'o mangke maauntungnga. Ruata uasamba'a si'o!” Ne i Daud nanal᷊oho si mangitou wuṛṛu nanenegi mangitou nabbal᷊i tembonannu tantara sulal᷊ummu tantaran pangalone.

1 SAMUEL 10:10

Sutempo i Saul wuṛṛu mangangimbene na'omate su Gibea, itarua nassomban ammul᷊annu nabi. Su orassa udde lai i Saul niintaṛṛoannu Ghaṛṛahon Duata, ne i tou nassal᷊aingnga wuṛṛu mangngintul᷊i suadio'a ringannu manga nabi udde.

MAL᷊AṚṚUUNGNGA 13:25

wuṛṛu napawe i tou uatana'e su paddasanannu ruanganni Dan, apan addone suwallatu Zora wuṛṛu Esytaol, Ghaṛṛahon Mawu mannattake mangngonggolu atatohassa si tou.

MAL᷊AṚṚUUNGNGA 10:17

Su tempo udde tantaran Amon uasasadiate inai mapapangalo. I mangitou naddasanna su Gilead. Ruangannu Israel naammule lai wuṛṛu naddasanna su Gilead.

MAL᷊AṚṚUUNGNGA 6:34

Arawe i Gideon niintaṛoannu Ghaṛaho Mawu, na'oman sara i tou nattiuppa trompetta pinamago taumata ṛuanganni Abiezer tadea'u rumanta maammuli tou.

PANDARIADDI 31:49

I Laban nabbisara apia, “Antimanna Mawu uariaga si ite su al᷊annune i ite mabbiakka mararau.” Ana waugu udde tampa udde nissago lai Mizpa.

MAL᷊AṚṚUUNGNGA 11:11

Ne i Yefta inaite suadio'a ringannu manga piaṛa'u Gilead. Wua'udde tumana'u Gilead nanenegi tou naola'a tembonanne wuṛṛu piaṛangnge. Su saruannu Mawu su Mizpa, i Yefta nabbisaran darorongnge su tumana'u Gilead.

MAL᷊AṚṚUUNGNGA 11:28

Arawe ratun Amon tawe naddaringikka tanata wuassi Yefta udde.

MAL᷊AṚṚUUNGNGA 11:30

I Yefta na'ola'a pa'aire indi su Mawu, “Amungkangngu Mawu mamala'u mamaddon taumatan Amon,

1 SAMUEL 11:6

Naaringikka udde, i Saul niintaṛṛoannu Ghaṛṛahon Duata.

1 SAMUEL 12:11

Wua'udde Mawu nandolokki Gideon, ana see i Barak, wua'udde i Yefta, wuṛṛu panginsueanne ya'u. Yami sambau-sambau buatte namallossi yamiu wuassu seennu, na'oman sara i yamiu wotongnge mabbiakka mal᷊angnganna.