MAL᷊AṚṚUUNGNGA 11:21 - WUKE SUSI WATTI'U AL᷊AL᷊USASSA

²¹ Arawe Mawu, Ruatan Israel, nangonggolu auntunganna su walahannu Israel wuassi Sihon wuṛṛu tantaran pangalone. Etearoddi ruangannu Israel naasomba anambon manga leta'u taumatan Amori apan uatana'a su wanua udde.

MAL᷊AṚṚUUNGNGA 11:21 Referans Kwoze

REENGANNA 21:24

Arawe sulal᷊ummu pangalo udde manambo tantaran Amori nipaten taumatan Israel. Ana see taumatan Israel naapangaṛṛo leta'i mangitou wuassu Sal᷊ukku Arnon maddatingngu Sal᷊ukku Yabok, eteudde passarannu leta'u taumatan Amon, ana waugu passaranna udde matohassa riagane.

TAHIUL᷊E 2:32

Ne i Sihon nirumantate ringannu anambon tantarane inai mamangalo si ite maranin soan Yahas.

MAL᷊AṚṚUUNGNGA 11:20

Arawe i Sihon tawe namalan mangitou ana waugu i tou tawe mangimanna manungku i mangitou tumba'u sumabbi. Ewe'e i tou lai napasossoku tantaran pangalone ana see nandiagate su Yahas wua'udde namangalote Israel.

SASABANGNGA 23:31

Manga passarannu wanuannu sarun Ta'u iatokka wuassu Tongokku Akaba maddatingngu Sal᷊ukku Efrat, wuṛṛu wuassu Tahal᷊oangngu Tangngane maddatingngu wadda'a lol᷊okka. I yamiu Ta'u onggol᷊annu taṛṛino su tumana'u wanua udde, na'oman sara i mangitou wotongnge limbuaṛṛanni yamiu su tempo i yamiu inaite mangaṛṛo leta'a udde.

YOSUA 6:2

Mawu nabbisara si Yosua, “Orassa indi Ta'u itantilla si'o Yerikho wuṛṛu ratune wuṛṛu manga tantarane apan baṛṛani udde.

2 TAWARIKH 13:5

I yamiu masingkatta manungku, Mawu, Ruatan Israel, buatte naddiandi si Daud, manungku i tou wuṛṛu papapulunne sarun mamarenta Israel sarangkal᷊o'engnge. Riandi udde tawe wotongnge mawal᷊u.

2 TAWARIKH 13:16

na'oman sara i mangitou tinumal᷊angnga. Ruata napa'untungngu taumatan Yehuda wuassu taumatan Israel.

AMOS 2:9

Salaiwe aroddi, ei uma-U, ete ana waugu i yamiu i Ya'u namate taumatan Amori apan mal᷊angkassa ere punnu cemara wuṛṛu matohassa ere punnu terpentin.