MAL᷊AṚṚUUNGNGA 11:10 - WUKE SUSI WATTI'U AL᷊AL᷊USASSA

¹⁰ I mangitou sinumimbakka, “Yami maapulu. Mawu matatialane.”

MAL᷊AṚṚUUNGNGA 11:10 Referans Kwoze

YEREMIA 42:5

I mangitou nabbisara si ya'u, “I yami sumal᷊ande si Papa umal᷊iomanna su Mawu Ruatang kite, ana waugu i yami tumuṛṛutte si Tou, tadea'u wiakki yami maola'a mapia. Nariaddi, mapia ara'e lal᷊eo tanata Mawu udde, i yami sarun tumuṛṛutta. Wala'e Mawu maola'a matatialane apan matul᷊idda wuṛṛu satia si yami, amungkangngu i yami tawe tumuṛṛutta anambon parenta nionggollu Mawu si yami wuassi Papa.”

PANDARIADDI 31:50

I Laban nabbisara apia, “Amungkangu i'o ma'ola'a al᷊al᷊eo su al᷊aṛṛana'u, ara'e ma'awingngu manga wawine waine, salaiwe taweddu maasingkatta, paanaunge Ruata uariaga si ite.

YEREMIA 29:23

Etearoddi ola'u wiakki mangitou ana waugu buatte na'ola'a manga rosa wahewalla su Israel: i mangitou sussandaga, wuṛṛu nappaattu arannu Mawu ipabbatti'u manga inolaanna awusu. Udde napapaṛṛalan apulu Mawu. I tou masingkattu apa apan a'olaanni mangitou, wuṛṛu i tou sassane nabal᷊i tialane lumawangnga si mangitou. Mawu buatte nabbisara.”

PANDARIADDI 16:5

Ana see i Sarai nabbisara si Abram, “I ya'u buatte nangonggolli Hagar allangku udde si'o, wuṛṛu ro'en i tou naasingkatta manungku i tou piate illoṛṛo, i tou mangngadio'a si ya'u. Udde sal᷊anu. Antimanna Mawu makkawessu hatto indi su wallatti addua.”

2 KORINTUS 11:31

Ruata, Iamangngu Mawu Yesus masingkata manungku i ya'u tawe mangawusu. Aranne raloanna saran mal᷊annu-l᷊annu.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

ZAKARIA 5:4

Mawu Apan Lembontaṛṛino nabbisara manungku wawontoga udde sarun iamang-Nge suwal᷊en taumata taṛṛa ta'o wuṛṛu wal᷊en taumata massalu awusu. Manga wal᷊e udde sidutu sarun aṛṛinoannu wawontoga udde maddatingngu mabbal᷊i manga winal᷊alanna.”

1 SAMUEL 24:12

Pa'ellege, Iamangku! Pa'ellege piṛṛissu juban Tuangnga niponggo'a apan aagasannu allangngu indi! Allangngu wotongnge mamate si Tuangnga, arawe allangngu tumba'u namonggo'a addio'a pentakku juban Tuangnga. Nariaddi nasemakke manungku alangngu tawe pandumma lal᷊eo ara'e mamate. I Tuangnga mangngenggenna mamate allangngu, salaiwe allangngu tawe sal᷊ane saran kadio'a su saruanni Tuangnga.

1 SAMUEL 12:5

Ana see i Samuel nabbisarate, “Su allo indi Mawu wuṛṛu ratu apan nipile-Ne maola'a tatiala manungku ya'u tawe sal᷊a'u sarangkadio'a.” “Ore, atonna, Mawu maola'a matatialang kite,” sasimbakki mangitou.

TAHIUL᷊E 1:16

Su tempo udde i ya'u nangatokki mangitou arendi: Paatutuṛṛe manga pabbawawul᷊o apan lumapputa suwallatu walahannu. Onggol᷊eten laṛṛawessa apan matul᷊idda, mawae sulal᷊ummu hatto ringannu taumata sambalahannu ara'e ringannu taumata raho apan uatana'a suwallati yamiu.

SASABANGNGA 20:7

Imbaṛṛangnga managon arang-Ku walate asagone, ana waugu i Ya'u, Ruatanu, makkuumanni sai-sai apan walate assagoneng arang-Ku.

PANDARIADDI 31:53

Ruata apan sassubbanni Abraham wuṛṛu sassubannu iamangku i Nahor sarun maola'a mallaṛṛuungnga su wallati yaddua.” Ana see i Yakub nassalu ringannu arannu Ruata apan sassubanni Ishak, iamangnge, tadea'u masuungnga pa'airene.

PANDARIADDI 21:23

Ana waugu udde, passalute isindi su saruannu Ruata, manungku i'o tawe mandal᷊eo si ya'u, ara'e su al᷊aṛṛana'u, ara'e lai su papapulungku. Ere lai inolaangku mapia si'o, pa'ola'a aroddi lai si ya'u wuṛṛu su wanua apan wawanuannu indi.”

ROMA 1:9

I ya'u sidutu uanaungnga si yamiu amungkangngu i ya'u umal᷊iomanna. Ruata matatialane manungku apa apan iwabbatti'u udde atonna. Tumba'u i Tou Ruata apan sassubbangku ringannu ahewallu naungku ringannu namasingkattu Watti'u Al᷊al᷊uassa su ola'u Anang-Nge.

MAL᷊AṚṚUUNGNGA 11:9

I Yefta sinumimbakka, “Amungkangu i yamiu mangahe si ya'u mabelengnga watukku Gilead inai mamangalo walahannu Amon, wuṛṛu Mawu mangonggolu auntunganna si ite, ete i ya'u apan sarun maola'a tembonanni yamiu.”

MIKHA 1:2

Paddaringikke, ei manga walahanna! Panutukke, ei tumanangnge su ahewallu runia! Mawu Apan Atanggaṛṛanne rumanta maola'a tialane lumawangnga si yamiu sarangkanambone! Paddaringikke i Tou mabbisara Wuassu Wal᷊en-Ne apan susi su surga.