MAL᷊AṚṚUUNGNGA 11:1 - WUKE SUSI WATTI'U AL᷊AL᷊USASSA

¹ I Yefta uddewe sangkatou tantara apan matohassa wuṛṛu waṛani. I tou uatana'a su Gilead. Iamange aranne i Gilead arawe inangngene sangkatou masandaga.

MAL᷊AṚṚUUNGNGA 11:1 Referans Kwoze

IBRANI 11:32

Ne, i ya'u wotongnge lai tawe illol᷊one mabbisara, arawe orassa tawe natimu si ya'u. Ana waugu i ya'u lai taambe nanagon Gideon, i Barak, i Simson, i Yefta, i Daud, i Samuel wuṛṛu manga nabi.

2 MARARATU 5:1

I Naaman eteudde sangkatou tembonannu tantaran ara'e pangliman Siria apan lembon arangnguanna wuṛṛu a'adatannu ratun Siria. Ana waugu ete wuassi Naaman, Mawu buatte nangonggolu auntunganna su tantaran Siria. I Naaman sangkatou tembonannu tantara ara'e panglima apan matohassa, arawe i tou pia radda'a su pisi apan ma'ata'utta.

MAL᷊AṚṚUUNGNGA 6:12

Mala'ekattu Mawu nattingkapasilo si tou wuṛṛu nabbisara, “Ei umbasanna apan matohassa! Mawu uarundinganna si'o!”

MAL᷊AṚṚUUNGNGA 10:18

Poiaroddi tumanangnge wuṛṛu manga piaṛa'u ruangannu Israel ua' aiwal᷊ote, tanne wuassu wallati mangitou pia sangkatou apan baṛani namatten lutangnga mando'appa balahannu Amon. Taumata udde sarun pileanna maola'a piaṛa'u anambon taumatan Gilead.

MAL᷊AṚṚUUNGNGA 11:2

Iamange pia ana'a esakka waine wuassu sawa awingnga. Napawe al᷊aṛana'a udde wahahewalle i mangitou nallimbuakka si Yefta wuassu wal᷊en. I mangitou nabbisara si Yefta, “I tou tawe maasomba tahia saran addio'a wuassu iamangi yami, ana waugu i'o ana'u wawine waine.”

1 SAMUEL 12:11

Wua'udde Mawu nandolokki Gideon, ana see i Barak, wua'udde i Yefta, wuṛṛu panginsueanne ya'u. Yami sambau-sambau buatte namallossi yamiu wuassu seennu, na'oman sara i yamiu wotongnge mabbiakka mal᷊angnganna.