MAL᷊AṚṚUUNGNGA 10:14 - WUKE SUSI WATTI'U AL᷊AL᷊USASSA

¹⁴ Roote ringannu manga monganna apan nipilen kamiu udde. Sassal᷊andete si mangitou! Walate i mangitou mantul᷊ungnga su tempo i yamiu sulal᷊ummu asasusa.”

MAL᷊AṚṚUUNGNGA 10:14 Referans Kwoze

YEREMIA 2:28

Suapate manga warahalanu apan niola'i yamiu udde? Napawe pia asasusa, doloṛṛa'e i mangitou manal᷊amatta si yamiu, amungkangngu i mangitou wotongnge! Ei Yehuda, manga mongannu anambone ere manga soanu!

YESAYA 10:3

Apate a'olaani yamiu su allo Ruata makkuumanni yamiu? Apa apandenu sutempo i Tou mandantan asasilaka wuassu wanua apan marau? Sisai i yamiu sarun maddorongnga aontolla? Suapate i yamiu sarun mamunin paa'alan kamiu udde?

2 MARARATU 3:13

“Anio maitul᷊unga si ya'u?” wisaran Elisa su ratun Israel. “Roote su manga nabin hagurangngu!” “Tawe!” sasimbakki Yoram. “Ana waugu ete Mawu apan nakkiinna manantilli yami siri tallu su ratun Moab.”

YESAYA 46:7

Paal᷊uanna udde nipa'u wuṛṛu niaddo su tampane, i tou uarisikka isudde wuṛṛu tawe mapangingkatta. Amungkangngu taumata umal᷊iomanna si tou, i tou tawe sumimbakka, wuṛṛu tawe mapaanal᷊amatta si tou wuassu asasusane.

YESAYA 57:13

Napawe i yamiu mangintul᷊i, wala'e manga paal᷊uanna udde manal᷊amatta si yamiu! I mangitou sarun mawul᷊i italla'u anginna wuṛṛu mahangginna ringannu tiupanna paassa sumangngo! Arawe taumata uatullindumma si Ya'u sarun maapussa'a wanua udde wuṛṛu massubba Si ya'u su Wal᷊e-U.”

YEHEZKIEL 20:39

Mawu Apan Atanggaṛṛanne nabbisara, “Ei manga taumatan Israel, orassa indi walate i'o. Asal᷊a'e ma'ola'a rosa ringannu massubba manga paal᷊uannu! Arawe paanaungete manungku wua'udde i yamiu ṛinone tumuṛṛutta si Ya'u wuṛṛu tate lai mallobbossa arang-Ku apan na'ukkassa ringannu mangngapiddu sasamba su manga paal᷊uannu udde.