MAL᷊AṚṚUUNGNGA 10:10 - WUKE SUSI WATTI'U AL᷊AL᷊USASSA

¹⁰ Ana see walahannu Israel sinumal᷊andete Mawu, wisarane, “I yami buatte na'ola'a rosa Si'o, ana waugu i yami tawe manaile Si'o, oh Ruatan kami. I yami massubba manga mongannu Baal.”

MAL᷊AṚṚUUNGNGA 10:10 Referans Kwoze

1 SAMUEL 12:10

Wua'udde i mangitou niumal᷊iomanna su Mawu wuṛṛu nanga'u rosan mangitou; wisarane, ‘Yami narosate ana waugu tinumal᷊iudda Si'o, oh Mawu, wuṛṛu yami lai massubba manga paal᷊uannu Monganni Baal wuṛṛu Asytoret. Arawe, orassa indi, sal᷊amatewe yami wuassu manga seetti yami, ne yami sidutu mattaṛṛamawu Si'o!’

DARALO 107:28

Sulal᷊ummu asasusa i mangitou sussal᷊ande Mawu, ne i Tou namallosi mangitou wuassu asasusa.

DARALO 107:19

Sulal᷊ummu asasusa i mangitou ma'ial᷊are su Mawu, wuṛṛu i Tou namallosi mangitou wuassu asasusa.

DARALO 107:13

Sulal᷊ummu asasusa i mangitou ma'ial᷊are su Mawu, wuṛṛu i Tou namallossi mangitou wuassu asasusa.

MAL᷊AṚṚUUNGNGA 3:9

Wua'udde walahannu Israel sinumal᷊ande maiontolla su Mawu, ana see Mawu nangonggoli Otniel mapasabbangngi mangitou. (I Otniel eteudde ana'i Kenas, tuarin Kaleb.)

MAL᷊AṚṚUUNGNGA 10:9

Ewe'e lai taumatan Amon tinumumbe Sal᷊ukku Yordan ana waugu inai mamangalo ruangannu Yehuda, Benyamin wuṛṛu Efraim na'oman sara ruangannu Israel tumaniten uatataṛangnga asasusa.

1 SAMUEL 7:6

Ana see i mangitou sarangkanambone naammulle su Mizpa. I mangitou nania ua'e ana see nilal᷊inna maola'a sambau sasamba su Mawu, see lai i mangitou nappuasa su al᷊o'engngu allo udde. I mangitou nabbisara, “Yami buatte na'ola'a rosa su saruannu Mawu.” (Su Mizpa udde i Samuel nanattakke nanginsue hatton pabbawawul᷊on taumatan Israel.)

YEREMIA 2:27

I yamiu sarun pansilianna, ana waugu alu sampaddi waggoanni i yamiu iamangnga wuṛṛu watu sambau waggoanni yamiu inangnga. I yamiu wal᷊inewe rumanta ringang-Ku, ewe'e nanantang-Ku. Arawe napawe nirumanta asasusa, ete i Ya'u apan waggoanni yamiu tadea'u rumanta manal᷊amatta si yamiu.

MAL᷊AṚṚUUNGNGA 4:3

I Yabin uatahuanna 900 keretan pangalo wuassu atta'a. Ruan pul᷊o su tonnane al᷊annune i tou uaparenta taumatan Israel ringannu maṛaggissa. Wua'udde i mangitou sinumal᷊ande maiontolla su Mawu.

MAL᷊AṚṚUUNGNGA 6:6

wuṛṛu taumatan Israel tawe naawisara su saruanni mangitou.