MAL᷊AṚṚUUNGNGA 1:29 - WUKE SUSI WATTI'U AL᷊AL᷊USASSA

²⁹ Su soa Gezer, ruanganni Efraim tawe nallimbuakka taumatan Kanaan, tumana'u soa udde. Nariaddi, taumatan Kanaan ta'e sidutu uatana'a isudde suadio'a ringanni mangitou.

MAL᷊AṚṚUUNGNGA 1:29 Referans Kwoze

YOSUA 16:10

Arawe ṛuanganni Efraim tawe nallimbuakka taumatan Kanaan wuassu wageangngu leta'u Gezer. Ana waugu udde na'oman sara orassa indi taumatan Kanaan ta'e uatana'a su Gezer suadio'a ringannu taumatan Efraim, arawe i mangitou niwata'a mammanara maola'a allangu taumatan Efraim.

1 MARARATU 9:16

Soa Gezer eteudde soa apan dorone nipangaloanna wuṛṛu niwaddon ratun Mesir, ana see tumanangnge nipate wuṛṛu soane nisoṛṛobba. Soa udde murine nionggollu ratun Mesir su sangianne naola'a aonggolla su allo paa'awingnge ringanni Salomo.

YOSUA 10:33

I Horam, ratun Gezer nirumanta massumbala Lakhis, arawe i Yosua namaddon tou wuṛṛu tantarane; tawe saran sangkatou nallambe, sarangkanambone nate.

MAL᷊AṚṚUUNGNGA 1:28

Atonna napawe taumatan Israel niatambante atohanne, i mangitou mammata'u taumatan Kanaan mammanara manaram mangitou, arawe i mangitou lai tawe nallimbuakka manga taumatan Kanaan wua isudde.

MAL᷊AṚṚUUNGNGA 1:30

Tumana'u soa Kitron wuṛṛu Nahalol tawe lai nilimbuaṛannu ruanganni Zebulon. Ana waugu udde taumatan Kanaan sidutu ta'e uatana'a isudde suadio'a ringanni mangitou, arawe manga taumatan Kanaan udde niwata'a mammanara manaram mangitou.

1 MARARATU 9:15

I Ratu Salomo nappaattu ola'u manara iwabbata'a su pina'ola'a Wal᷊en Mawu, wal᷊en araratuanna, darandungngu Yerusalem su ipangombo leta'a su samba'a timukku Wal᷊en Mawu. I tou nappaattu olangnge apan uasul᷊ungnga pina'ola'a apia soan Hazor, Megido wuṛṛu Gezer. (