LUKAS 9:20 - WUKE SUSI WATTI'U AL᷊AL᷊USASSA

²⁰ “Arawe tumuṛṛutta si yamiu sassane, i Ya'u indi isai?” aiwal᷊o Mawu Yesus. I Petrus sinumimbakka, “Iamangnga eteudde Ratu Punnu Sal᷊amatta apan pina'iren Ruata.”

LUKAS 9:20 Referans Kwoze

YOHANES 7:41

Arawe piaddu lai mabbisara, “Ete indi Ratum Punnu Sal᷊amatta!” Arawe piaddu lai mabbisara, “Eh, ṛatadde Ratum Punnu Sal᷊amatta nirumanta wuassu Galilea?

YOHANES 4:29

“Wette pa'ellega taumata apan suete namasingkatta si ya'u al᷊awo'u arariaddianna apan suete niola'u. Asinungka i Tou Ratum Punnu Sal᷊amatta?”

WATTI'U MANGA RASUL 17:3

Tumuṛṛuttu pinangianannu manga tatialan Wuke Susi i tou mannal᷊a'a wuṛṛu mammasingkatta manungku Ratum Punnu Sal᷊amatta apan pina'iren Ruata, ṛinone matataṛṛangnga wuṛṛu mabbiakka apia wuassu papate. “Mawu Yesus apan ta'u iapaasingkatta si yamiu udde, ete i Tou Ratum Punnu Sal᷊amatta apan pina'ire,” unni Paulus.

WATTI'U MANGA RASUL 9:22

Arawe i Saulus mangke mattohassa wawohene. Manga tatiala apan niapaasilon tou su ola'u Mawu Yesus aroddi a'apangimananna manungku eteudde Mawu Yesus Ratum Punnu Sal᷊amatta, na'oman sara taumatan Yahudi apan uatana'a su Damsyik tawe maapanompolla.

YOHANES 20:31

Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.

YOHANES 11:27

“Mawu,” sasimbakki Marta, “i ya'u mangngimanna Mawu Ana'u Ruata, Ratum Punnu Sal᷊amatta apan sarun rumanta su runia indi.”

YOHANES 4:42

I mangitou nabbisara wawine udde, “Orassa indi yami mangngimanna, wal᷊inewe ana waugu wisaranu si yami, arawe ana waugu i yami sassane suete naaringikka si Tou, wuṛṛu masingkatta manungku i Tou atonna Punnu Sal᷊amattu Runia.”

YOHANES 1:49

“Iamangnga Huru,” unni Natanael, “Iamangnga eteudde Ana'u Ruata! Ete Iamangnga Ratum walahannu Israel!”

YOHANES 1:41

Mal᷊iha-l᷊ihakka i Andreas naddea'a si Simon, tuṛṛangnge, wuṛṛu nabbisara si tou, “Yami suete nassomba Mesias!” (Mesias nassul᷊ungngi Kristus, eteudde: Ratum Punnu Sal᷊amatta.)

MARKUS 8:29

“Arawe tumuṛṛutti yamiu sassane, i Ya'u indi isai?” aiwal᷊o Mawu Yesus. I Petrus sinumimbakka, “Iamangnga eteudde Ratum Punnu Sal᷊amatta!”

1 YOHANES 5:1

Taumata apan mangngimanna manungku Yesus udde Ratun Punnu Sal᷊amatta apan pina'iren Duata, taumata udde ana'u Ruata. Taumata apan mandangngu sangkatou Iamangnga, marangngu lai anangnge.

WATTI'U MANGA RASUL 8:36

Su pattangngannu amatanne, itarua na'omate su sambau tampa pia ua'e. Tembonanne udde nabbisara, “Pa'ellega udde pia ua'e! apa lai auranganne tadea'u i ya'u saṛṛanianna?” [

LUKAS 22:67

“Pasingkata'a si yami,” unni mangitou si Tou, “atonna I'o indi Ratum Punnu Sal᷊amatta?” Mawu Yesus sinumimbakka, “Amungkangngu i Ya'u mabal᷊o si yamiu, yamiu tawe mangngimanna.

MARKUS 14:61

Arawe Mawu Yesus mal᷊annaba. I Tou tawe sinumimbakka saran paassa. See imam bahewa udde naiwal᷊o paassa lai si Tou, “Ete I'o Ratum Punnu Sal᷊amatta, Ana'u Ruata Lembo Naukkassa?”

MATIUS 22:42

“Apa adapatti yamiu su ola'u Ratum Punnu Sal᷊amatta? Papapulunni sai i Tou?” “Papapulunni Daud,” sasimbakki mangitou.

MATIUS 5:47

Wuṛṛu amungkangngu i yamiu tumba'u mangngagillu tabea su manga hawenu sassane, apa lebbene? Manga taumata apan wagga ma'illal᷊a Ruata lai ma'ola'a aroddi!

MATIUS 26:63

Arawe Mawu Yesus mal᷊annaba. Paassa lai imam bahewa nabbisara si Tou, “Ringannu arannu Ruata apan wiakka, Wal᷊oa'e si yami apa ete I'o Ratum Punnu Sal᷊amatta, Ana'u Ruata?”

LUKAS 9:19

I mangitou sinumimbakka, “Piaddu nabbisara i Yohanes Mananaṛṛani. Piaddu lai mabbisara i Elia, waine lai nabbisara su wallattu sangkatou nabi su tempon al᷊amona apan nabbiakke apia.”