LUKAS 8:8 - WUKE SUSI WATTI'U AL᷊AL᷊USASSA

⁸ Arawe pia lai bualanna nanawo su leta'a masuwukka, see tinumuwo wuṛṛu nabua paaṛṛasutta anambone.” Napawe suete nabbati'u sasumandingnga udde, Mawu Yesus nabbisara, “Amungkangngu pia tal᷊inga padaringikka!”

LUKAS 8:8 Referans Kwoze

MATIUS 11:15

Amungkangngu pia tal᷊inga, paddaringikka!

SONDAPPA 2:11

Isai-sai apan botongnge maaringikka, ṛinone manutukka apa apan iapaasingkatu Ghaṛṛaho Ruata su manga jamaatta. I mangitou apan naauntunga, saran paassa tawe matataṛṛanga papate aruane.”

SONDAPPA 2:7

Isai-sai apan ma'aringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna wua wuassu punnu pabbawiakka apan tuttuwo su Waillu Ruata.”

MARKUS 4:20

Wuṛṛu wualanna apan nanawo su leta'a masuwukka udde iassumandingnga su taumata apan naddaringikka watti'a udde wuṛṛu nanengkamma, i mangitou nabbua manambo, pia tallum pul᷊o, pia annummu pul᷊o, pia lai paaṛṛasutta su wageangnge wuane.”

MARKUS 4:8

Arawe pia lai bualanna apan nanawo su leta'a masuwukka. Wualanna udde tinumuwo, see nahewalle wuṛṛu nabbua, pia tallum pul᷊o, pia annummu pul᷊o, wuṛṛu pia lai paaṛṛasutta su wageangnge.”

MATIUS 13:23

Wuṛṛu wualanna apan nanawo su leta'a masuwukka, isassumandingnga su taumata apan maddaringikka watti'a udde wuṛṛu maasunna. I mangitou nabbua manambo, piaddu maṛṛasutta, piaddu anummu pul᷊o wuṛṛu pia lai wuane paatallum pul᷊o anambone.”

AMSAL 20:12

Tal᷊inga ipaddaringikka wuṛṛu mata ipa'ellega, itarua udde ete Mawu apan nandiaddi.

LUKAS 8:15

Wualanna nanawo su leta'a masuwukka isassumandingnga su taumata madaringikka watti'a udde, see sinahipunna sulal᷊ummu naungnge apan baresi wuṛṛu matul᷊ida. I mangitou natataṛṛangnga na'oman sara nabua.”

YEREMIA 13:15

Umattu Israel, Mawu buatte nabbisara! arie pamunga, paddaringikka si Tou!

AMSAL 8:1

Paddaringikka! Apapande mangke mammago, asingkatta nattingikke.

PANDARIADDI 26:12

I Ishak nangasi'u wualanna wuṛṛu nabbaille su wanua udde, wuṛṛu tonna udde i tou naasomba hessine maṛṛasutta anambone wuassu wualanna apan niasingnge, ana waugu Mawu nangal᷊amata si tou.

KOLOSE 1:10

Ringannu aroddi yamiu wotongnge mabbiakka tuttuṛṛuta apulun Duata, wuṛṛu sidutu malluassa naugnge, na'oman sara sulal᷊ummu al᷊awo'u inolaanna i yamiu wotongnge mamasilo manga inolaanna apan mapia. Wuṛṛu asingkati yamiu su ola'u Ruata sarun aatambanna lai.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

YEREMIA 25:4

Mawu lai sidutu mandoloka ringanni yamiu manga allang-Nge, arawe i yamiu tawe maddaringikka wuṛṛu tawe mappandumma si mangitou.

MARKUS 4:23

Ana waugu udde, amungkangngu pia tal᷊inga paddaringikka!”

MARKUS 7:16

Nariaddi, amungkangngu pia tal᷊inga, padaringikka.]”

LUKAS 8:7

Pia lai bualanna nanawo su tangngan ahuranganna ṛoaanna. Ahuranganna ṛoaanna udde tinumuwo su sambau ringannu wualanna udde, wuṛṛu nangangkuba na'oman sara nate.

LUKAS 14:35

Tate gunane lai, mapia ete su wailla aroddi lai ipanuwukka sasuanna. Nariaddi rammea'e. Amungkangngu pia tal᷊inga padaringikka!”

SONDAPPA 3:6

Isai-sai wotongnge maaringikka, ṛinone manutukka apa apan niapaasingkatu Ghaṛṛahon Ruata su manga jamaatta!”

SONDAPPA 3:13

Isai-sai wotongnge maaringikka, ṛinone manutukka apa apan niapa'asingkatu Ghaṛṛahon Ruata su manga jamaatta!”

SONDAPPA 13:9

Ana waugu udde, amungkangu i yamiu wotongnge maddaringikka, paddaringikke watti'a indi: