LUKAS 8:47 - WUKE SUSI WATTI'U AL᷊AL᷊USASSA

⁴⁷ Wawine udde naatutukka manungku inolaanne udde niasingkatante. Nariaddi i tou nirumanta ringannu mangngindo see inumal᷊intuda su saruannu Mawu Yesus. Ne i tou nabbatti'e su saruannu awada'alla, anio i tou nangindingnga Mawu Yesus, wuṛṛu manungku radangnge napia orassa udde lai.

LUKAS 8:47 Referans Kwoze

MARKUS 5:33

Wawine udde masingkatte apa apan suete nariaddi su wadangnge, ringannu mangngindo wuṛṛu matta'utta i tou nassubba su saruannu Mawu Yesus wuṛṛu nanga'u al᷊awo'u inolaanne.

2 KORINTUS 7:15

Orassa indi i tou lembon marangngu si yamiu ana waugu i tou mannaungnga ereapa i yamiu sarangkanambone tuttuṛṛutta piaṛṛangnge, wuṛṛu ereapa i yamiu manarimmatti tou ringannu maaddatta wuṛṛu matuṛṛuta.

IBRANI 12:28

Ana waugu udde, ṛinone i ite ma'adiangkamanna su Ruata, ana waugu i ite nanengkamma wuassi Tou sambau araratuanna apan tawe umio'a. Ṛinone i ite ma'adiangkamanna wuṛṛu mattaṛṛamawu Ruata ringannu addata wuṛṛu atata'utta, tumuṛṛuttu pallal᷊agu apan ipa'apulu-Ne sassane.

1 KORINTUS 2:3

Su tempo i ya'u suadio'a ringanni yamiu, i ya'u lome wuṛṛu mangngindon atata'utta.

DARALO 2:11

Pattaṛṛamawute Mawu ringannu maadunna,

WATTI'U MANGA RASUL 16:29

Tembonannu tuttupanna udde nadorongnga sol᷊o see tinumal᷊angnga watukku lal᷊umme, wuṛṛu ringannu mangngindo i tou inumal᷊intuda su saruanni Paulus wuṛṛu i Silas.

1 SAMUEL 16:4

I Samuel tinumuṛṛutte wisaran Mawu. Napawe i tou na'omate su Betlehem, manga piaṛṛa'u soa nanal᷊oho ringannu niṛṛumindu'a wuṛṛu naiwal᷊o, “Darantan Papa ini uaapiddu al᷊amatta?”

HABAKUK 3:16

Naaringikka udde, naungku mangngiladda wuṛṛu wiwi'u mangngindo. I ya'u nabbal᷊i lome tate ikkata, ledda'u mattara, suapa i ya'u umamatta. I ya'u sarun maṛṛaddo ringannu matammudda ṛuumannu Ruata su taumata mammangalo.

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

DARALO 38:9

I ya'u naṛimunsa'a wuṛṛu niasueannu ikkata, i ya'u ma'uare ana waugu naungku sussinggawanga.

FILIPI 2:12

Ana waugu udde, manga tuṛṛangnga apan arangnguanna, su ereapa i yamiu sidutu matuṛṛuta si ya'u su tempo i ya'u uatana'a su pattangnganni yamiu, ne nangillembo orassa indi su tempo i ite mararaute, ṛinone i yamiu sidutu tuttuṛṛuta si ya'u. I yamiu suete nisal᷊amattu Ruata, nariaddi sidutu pammanarate tadea'u paddaramenu maola'a masuungnga. Ola'e udde ringannu addata wuṛṛu tatuṛṛuta su Ruata,

MATIUS 28:8

Mal᷊iha-l᷊ihakka manga wawine udde nanantangngu lal᷊abinganna udde. Ringannu apendamma matta'utta ual᷊al᷊o'an lal᷊uassa, i mangitou tinumal᷊angnga namasingkattu olangnge udde su mallal᷊aṛṛenggennu Mawu Yesus.

HOSEA 13:1

Dorone ṛuanganni Efraim aaddatanna na'oman sara napawe pia parenta wuassu ṛuanganna udde, manga ṛuanganna waine su Israel matta'utta. Arawe ṛuanganni Efraim na'ola'a rosa ana waugu massubba si Baal, ana waugu udde i tou sarun namuli.

HOSEA 5:3

I Ya'u masingkattu al᷊awo'a su ola'u watangannu, ei Israel! I'o tawe mapangaddapinggnga saran sambau wuassia-U. I'o massubba paal᷊uanna wuṛṛu tate lai satia si Ya'u. Ana waugu udde, manga taumatanu tate su ṛinone lai massubba si Ya'u.”

DARALO 66:16

Rantate wuṛṛu paddaringikke, ei anambon taumata apan ma'imanna, i ya'u sarun mabbatti'u sarangkanambone apan niola'u Ruata si ya'u.

LUKAS 8:46

Mawu Yesus nabbisara, “Arawe pia taumata nangindingnga si Ya'u. I Ya'u masingkatta ana waugu pia auatanna sinumabangnga wuassia-U.”

LUKAS 8:48

Mawu Yesus nabbisara si tou, “Ana'u, ana waugu i'o mangngimanna si Ya'u, i'o napia. Apul᷊ete ringannu sal᷊amatta.”