LUKAS 7:44 - WUKE SUSI WATTI'U AL᷊AL᷊USASSA

⁴⁴ See Mawu Yesus na'ellega wawine udde wuṛṛu nabbisara si Simon, “I'o naasilo wawine indi? I Ya'u nirumanta su wal᷊enu, arawe i'o tawe nanaddia ua'e ipangukkassa ledda-U; arawe wawine indi suete nangukkassa ledda-U ringannu allo matane, wuṛṛu nipeddan utangnge.

LUKAS 7:44 Referans Kwoze

1 TIMOTIUS 5:10

tinumelennga ere sangkatou wawine apan ma'ola'a apapia, ereindi: i tou suete namadul᷊i manga al᷊aṛṛanangnge ringannu mapia, naungnge mal᷊uassa mangimbe raho matana'a su wal᷊ene, mangimbe manga taumata mangngimanna, massumbala manga taumata susa, wuṛṛu mammanara atonna-tonna al᷊awo'u manara apan mapia.

MAL᷊AṚṚUUNGNGA 19:21

Wua'udde i mangitou niapidden tou watukku wal᷊ene ana see napaannu manga keledain mangitou. Wuṛṛu napawe manga rahone udde buatte nangukkassa ledda, i mangitou niumante.

PANDARIADDI 43:24

ana see i tou nanguntuddi mangitou su wal᷊en. I tou nangonggolu ua'e aukkassa ledda, wuṛṛu lai annu keledain mangitou.

PANDARIADDI 19:2

wuṛṛu nabbisara, “Manga Tuangnga, wette otonga'e asuene su wal᷊e'u. Manga Tuangnga wotongnge mangukkassa ledda wuṛṛu manaṛṛabbi su wal᷊e'u. Tiṛṛabbi wuṛṛu wotongnge, manga Tuangnga matimpu'o maruaallu atonna ana see manassukku amatanna.” Arawe itarua sinumimbakka, “Tarimakase, wala'e iambua manaṛṛabbi su leta'u mal᷊alangngu soa.”

PANDARIADDI 18:4

Wala'ewe i ya'u manganu ua'e ipangukkassa ledda manga Tuangnga. Ringannu addata wette manga Mawu pangillol᷊ote su al᷊ungngu alu indi.

1 SAMUEL 25:41

I Abigail lapiddu dirumarisikka wuṛṛu nassubba see lai nabbisara, “I ya'u indi allangngi Daud, ya'u uasaddia mangukkassa leddan manga allangnge.”

YAKOBUS 2:6

Arawe i yamiu ewe'e mangngal᷊uandaga taumata asiangnga, wutte'e ete taumata ala apan mandal᷊eo wuṛṛu mangngapidi yamiu watukku pallaṛṛuumanna.

2 SAMUEL 11:8

Wua'udde i Daud nabbisara si Uria, “Apul᷊ete su wal᷊enu wuṛṛu pangillol᷊ote asuene.” Napawe i Uria nanantangken wal᷊en araratuanna, i Daud nandohon aonggola watukku wal᷊en Uria.

LUKAS 7:38

I tou dirumarisikka su liuddu Mawu Yesus maranin leddane wuṛṛu nilumuai lapiddu naṛṛolo ledda Mawu Yesus ringannu allo matane. Wua'udde ledda Mawu Yesus pineddan utangnge see niari'i tou wuṛṛu niwokkannu lana mawangngi.

LUKAS 7:43

“I ya'u maṛṛangngo taumata apan utangnge anamboanne apan tawe niapawaekka!” sasimbakki Simon. “Asingkannu naṛṛino,” sasimbakku Mawu Yesus.

YOHANES 13:5

Wua'udde i Tou nallal᷊innu ua'e sulal᷊ummu sambau pangangukasanna lima, see nanattakke nangukassa ledda manga mallal᷊aṛṛenggen-Ne wuṛṛu niapaamaran handukka apan uawa'issa su lawan-Ne.