LUKAS 7:37 - WUKE SUSI WATTI'U AL᷊AL᷊USASSA

³⁷ Su soa udde pia lai sangkatou wawine apan mabbiakka sulal᷊ummu paddarosa. Napawe i tou naaringikka manungku Mawu Yesus tantal᷊anna u'anna su wal᷊e taumatan Farisi udde, i tou nirumanta uaapiddu sambau wotolla wuassu pualam lal᷊oṛṛoannu lana mawangngi.

LUKAS 7:37 Referans Kwoze

LUKAS 5:32

I Ya'u nirumanta wal᷊ine mamago manga taumata apan uapendamma ririne mapiate, ewe'e taumata apan marosa tadea'u i mangitou mawal᷊u wuassu paddarosa mangitou.”

MATIUS 21:31

Ne su wallattu ana'a darua indi, suapane apan tinumuṛṛutta apulun iamangnge?” “Iapa pahul᷊une,” sinimbakku manga imam tembonanne wuṛṛu piaṛṛa'u Yahudi udde. Ne Mawu Yesus nabbisarate si mangitou, “Pangimante: Maddarorongnga wose wuṛṛu manga wawine masandaga sarun maola'a lal᷊oṛṛon araratuannu Ruata rorone wuassi yamiu.

1 PETRUS 4:18

Sulal᷊ummu Wuke Susi uawoṛṛetta arendi, “Amungkangu manga taumata apan mapia lai ete masahadda iapaasal᷊amatta, nangillembote lai mariaddi su manga taumata marosa apan tawe maaillal᷊a Mawu!”

1 TIMOTIUS 1:9

Ṛinone naunganna manungku titaniola'a wal᷊ine hunane su taumata mapia, ewe'e su taumata apan mal᷊awangnga tita, manga taumata lal᷊eo, taumata mal᷊awangnga, su taumata marosa, taumata tawe agamane, taumata tumba'u maṛṛingiddu runia, su taumata apan namate iamangnge wuṛṛu inangngene, wuṛṛu manga taṛṛa pate sarangkanambone,

LUKAS 18:13

Arawe madarorongnga wose udde nirumarisikka marau-rau wuṛṛu tawe maningngara langitta. Lapiddu mannapu roone, i tou nabbisara, ‘O Ruata, akkanawe i ya'u, taumata marosa indi!’ ”

LUKAS 5:30

Sire pira taumatan Farisi wuṛṛu manga hurun agama pia apendamma tawe mal᷊uassa, see nabbisara su mallal᷊aṛṛenggennu Mawu Yesus, “Anio i yamiu sarangkanambone u'anna ma'inumma su sampunna ringannu madarorongnga wose wuṛṛu manga taumata lal᷊eo?”

ROMA 5:8

Arawe Ruata napaal᷊iatta'u darangngu-Ne si ite su tempo Mawu Yesus nate ana waugu i ite, su tempo i ite ta'e sulal᷊ummu rosa.

YOHANES 11:2

I Maria eteudde wawine apan nallal᷊innu lana mawangngi su ledda Mawu Yesus, wuṛṛu see niapun uta'i tou. Su sambau allo i Lazarus nirumada'a.

1 TIMOTIUS 1:15

Mangke atonna wisara indi – ana waugu udde ṛinone sengkamanna wuṛṛu pangimananna – : “Kristus Yesus nirumanta su runia indi ana waugu manal᷊amatta taumata marosa.” Wuṛṛu ete i ya'u taumata marosa apan lembon al᷊al᷊eoanne.

YOHANES 9:31

I ite masingkatta manungku Ruata tawe madaringikka taumata marosa, ewe'e taumata apan mangngaddatta Ruata, wuṛṛu tuttuṛṛutta apulu-Ne.

YOHANES 9:24

See i mangitou namago apia taumata apan tanginna wuta udde, wuṛṛu nabbisara si tou, “Passalute manungku i'o mabbisara su ṛinone. I yami masingkatta taumata udde taumata marosa.”

LUKAS 19:7

Manga taumata apan naasilo olangnge udde nanattakke mallobbosa. I mangitou nabbisara, “Ih! I Tou inai mattindaho su wal᷊en taumata lal᷊eo!”

LUKAS 7:34

Ana'u Taumata nirumanta – i Tou u'anna wuṛṛu ma'inumma – see i yamiu mabbisara, ‘Pa'ellega taumata udde! Wal᷊iu, taṛṛa wu'anna, hawe madarorongnga wose wuṛṛu hawen taumata marosa.’

LUKAS 7:36

Sangkatou taumatan Farisi, aranne i Simon, nangahe Mawu Yesus umanna. Mawu Yesus inaite su wal᷊ene wuṛṛu inuma'ianna see inumante.