LUKAS 7:16 - WUKE SUSI WATTI'U AL᷊AL᷊USASSA

¹⁶ Anambon taumata nata'utta wuṛṛu nanattakke maddalo Ruata. I mangitou mabbisara, “Sangkatou nabi apan wahewa suete nirumanta su wallatti ite! Ruata nirumantate manal᷊amatta pabbawalage!”

LUKAS 7:16 Referans Kwoze

LUKAS 7:39

Napawe taumatan Farisi apan nangahe Mawu Yesus naasilo olangnge udde, i tou nabbisara sulal᷊ummu naungnga, “Iraṛṛangngo taumata indi sangkatou nabi, i Tou masingkatta isai wawine apan nangindingnga si Tou, wuṛṛu manungku wawine udde mabbiakka sulal᷊ummu paddarosa!”

MATIUS 9:8

Su tempo manga taumata naasilo olangnge udde, i mangitou nata'utta wuṛṛu naddalote Ruata, ana waugu Ruata suete napal᷊iatta'u taṛṛino-Ne apan aroddi ahewalle su taumata.

LUKAS 1:68

“Wette i ite maddalo Mawu, Ruatam balahannu Israel! I Tou suete nirumanta mantul᷊ungngu pabbawala-Ge wuṛṛu mamallossi mangitou.

YEREMIA 33:9

Yerusalem sarun maola'a al᷊al᷊uassa wuṛṛu ilallala-U. Al᷊awo'u walahanna su runia sarun mata'utta wuṛṛu matal᷊o see mangaddatta si Ya'u, napawe maaringikka ola'u apapia apan Ta'u niola'a su tumana'u Yerusalem, wuṛṛu su ola'u lal᷊umanna'a apan Ta'u nionggolla su soa udde.”

LUKAS 5:26

I mangitou sarangkanambone naherangnga atonna see i mangitou nadalote Ruata. Wuṛṛu ringannu apendamma matta'utta, i mangitou mabbisara, “Maaṛṛindu'a atonna arariaddianna apan niasiloanni ite su allo indi!”

LUKAS 2:20

Manga mallal᷊u'adda domba nabelengke watukku wadda'u nannal᷊o lapiddu maddalo wuṛṛu mammantuga Ruata, ana waugu sarangkanambone apan suete inaringiṛṛanna wuṛṛu inasiloanni mangitou naṛṛino ere suete niapaasingkattu mala'ekatta si mangitou.

LUKAS 1:65

Manga al᷊indonganne mangke nata'utta, wuṛṛu watti'a udde nitumelengke su al᷊awo'u leta'u manga panenteannu Yudea.

MATIUS 21:11

“I Tou Nabi Yesus, wuassu Nazaret su Galilea,” sasimbakku taumata nambo apan uatantalongnga Mawu Yesus.

MATIUS 15:31

Taumata nambo isudde, naherangnga atonna, su tempo i mangitou naasilo taumata mou naawisara, taumata peṛṛo napia, taumata lome niumamatta, wuṛṛu taumata wuta naasilo. See i mangitou nadalote Ruatan walahannu Israel.

DARALO 65:9

Anambon tumana'u runia matta'utta wuṛṛu mangngaddata naasilo manga inolaan-Nu apan wahewalla. Ahewallu runia wuassu pentakke maddatingngu pondolle niolang-Ngu lulluassa lullala'a.

SASABANGNGA 4:31

Ne i mangitou nangimante, wuṛṛu napawe i mangitou naaringikka manungku Mawu buatte na'ellega walahannu Israel wuṛṛu na'ellega al᷊awo'u asasusa mangitou, i mangitou niumal᷊intudda nassubba.

GALATIA 1:24

Ne i mangitou nadalote Ruata ana waugu i ya'u.

WATTI'U MANGA RASUL 5:5

Aroddi i Ananias naaringikka manga wisara udde, i tou nawantingnga see nate. Anambon taumata apan naaringikka olangnge udde nata'utta.

YOHANES 9:17

Ne manga taumatan Farisi udde naiwal᷊o apia su taumata udde, “Apa addapannu su ola'i Tou apan naapia si'o na'oman sara naasilo?” “I Tou sangkatou nabi,” sasimbakku taumata udde.

YOHANES 6:14

Napawe taumata nambo udde naasilo al᷊aṛṛindu'a apan niola'u Mawu Yesus, i mangitou nabbisara, “Atonna, ete indi Nabi apan a'antimanna rumanta su runia!”

YOHANES 4:19

“Orassa indi ya'u naasingkatte Mawu sangkatou nabi,” unnu wawine udde.

YOHANES 1:25

naiwal᷊o, “Amungkangngu i'o wal᷊ine Ratun Punnu Sal᷊amatta, wal᷊ine i Elia, wal᷊ine lai sangkatou Nabi, anio i'o mannaṛṛani?”

YOHANES 1:21

“Amungkangngu aroddi, i'o isai?” aiwal᷊o mangitou. “Apa i'o i Elia?” “Wal᷊ine,” sasimbakki Yohanes. “Apa i'o sangkatou Nabi?” aiwal᷊o mangitou apia. “Wal᷊ine,” sasimbakki tou.

LUKAS 24:19

“Watti'a apa?” aiwal᷊o Mawu Yesus. “Watti'a apan naṛṛia'a su Mawu Yesus, taumata Nazaret udde,” sasimbakki mangitou. “I Tou sangkatou nabi. Manga wisara-Ne wuṛṛu manga manara-Ne pia taṛṛinone – mapia su aellegu Ruata aroddi lai su aellegu awada'alla!

LUKAS 9:19

I mangitou sinumimbakka, “Piaddu nabbisara i Yohanes Mananaṛṛani. Piaddu lai mabbisara i Elia, waine lai nabbisara su wallattu sangkatou nabi su tempon al᷊amona apan nabbiakke apia.”

LUKAS 8:37

See anambon tumana'u leta'u Gerasa udde sinumal᷊ande Mawu Yesus tadea'u i Tou manantangngu tampa udde, ana waugu i mangitou nambo matta'utta. Nariaddi Mawu Yesus sinuma'ete saalanna inaite mapul᷊e.

LUKAS 5:8

Napawe i Simon naasilo olangnge udde, i tou inumal᷊intuda su saruannu Mawu Yesus, see nabbisara, “Tantanga'e i ya'u, Mawu! ana waugu i ya'u taumata marosa!”

MATIUS 28:8

Mal᷊iha-l᷊ihakka manga wawine udde nanantangngu lal᷊abinganna udde. Ringannu apendamma matta'utta ual᷊al᷊o'an lal᷊uassa, i mangitou tinumal᷊angnga namasingkattu olangnge udde su mallal᷊aṛṛenggennu Mawu Yesus.

WATTI'U MANGA RASUL 7:37

Ete i tou lai Musa apan nabbisara su walahannu Israel, ‘Ruata sarun mangonggolla si yamiu sangkatou nabi apan nipile wuassu wallatti yamiu sassane, ere lai i Tou namile si ya'u.’

LUKAS 19:44

I mangitou sarun maṛṛimunsa'a si'o wuṛṛu anambon tumanangngu; wuṛṛu tawedu saran sambau itantangngi mangitou watu uaatokka su tampane, ana waugu i'o tawe manutukka tempone Ruata rumanta manal᷊amatta si'o!”

TAHIUL᷊E 18:15

Ewe'e mawal᷊i'a lai waussu walahanni ite sassane sarun mandolokku sangkatou nabi ere i ya'u indi, wuṛṛu i yamiu ṛinone maddaringikka si tou.

LUKAS 7:15

Umbasanna apan natete udde, nabangunna inuma'ianna wuṛṛu nanattakke uahahatto. Ne tinantille Mawu Yesus su inangnge.