LUKAS 6:29 - WUKE SUSI WATTI'U AL᷊AL᷊USASSA

²⁹ Amungkangngu taumata mamero wambalanu samba'a, wala'a lai i tou mamero wambalanu samba'a. Amungkangngu jubahnu aṛṛoanna, anggil᷊a'a lai laungngu.

LUKAS 6:29 Referans Kwoze

IBRANI 10:34

wuṛṛu i yamiu lai mammendama su sambau, asasusan taumata apan su tuttupanna. Wuṛṛu su tempo manga al᷊awo'a apan tatahuananni yamiu aṛṛoanna, i yamiu nanengkamma udde ringannu naungnga mal᷊uassa, ana waugu i yamiu masingkata manungku i yamiu ta'e uatahuanna sambau apan lembon mapia, apan mataṛṛanga saran mal᷊annu-l᷊annu.

2 KORINTUS 11:20

I yamiu mangke mammalan taumata mapataṛṛuallangngi yamiu, ara'e mangngapande manaranu wuṛṛu mangnganu auntunganna wuassi yamiu, ara'e mammendama ririne mattanggaṛṛanna wuassi yamiu wuṛṛu waṛṛani mamero si yamiu.

1 KORINTUS 6:7

Arie inai maggahaton taumata apan wal᷊ine Saṛṛani; su ola'u pattatiakka su wallatti yamiu udde naola'e sambau al᷊allome si yamiu. Mappianne i yamiu woddoanna, ara'e ruggianna!

YOHANES 18:22

Napawe Mawu Yesus suete nabbisara aroddi, sangkatou su wallattu mandariaga isudde namero si Tou wuṛṛu nabbisara, “Waṛṛani atonna I'o mabbisara aroddi su imam bahewa!”

MATIUS 26:67

See i mangitou nangaddu hati Mawu Yesus, wuṛṛu namuulla si Tou. Piaddu lai namero si Tou,

LAL᷊ALLU 3:30

Salaiwe peroanna wuṛṛu al᷊uandahanna, ṛinone sarangkanambone udde sengkamanni ite.

YESAYA 50:6

I ya'u nangonggollu liu'u su taumata apan mamuulla si ya'u; wuṛṛu wambala'u su taumata apan mangabutta omengku. I ya'u tawe nallinda'u hati'u sutempo i ya'u haggeloanna wuṛṛu a'adduanna.

1 KORINTUS 4:11

Na'oman sara orassa indi yami uatataṛṛanga lunussa, wuṛṛu ararou; laubbi yami ete indi ual᷊uṛṛe; taumata mangke mannansara si yami; yami tawe tampa atanaanna,

LUKAS 22:64

I mangitou nanutuba matane wuṛṛu naiwal᷊o si Tou, “Si'ata'a isai namuulla Si'o?”

WATTI'U MANGA RASUL 23:2

Su tempo i Paulus nabbisara aroddi, Imam Bahewa Ananias nandolokku taumata apan uarisikka su sandiṛṛanni Paulus niapapero moṛṛongngi Paulus.

MIKHA 5:1

Mawu nabbisara, “Ei Belehem Efrata, i'o sambau soa apan aaddio'anne su Yehuda! Arawe wuassi'o sarun Ta'u iapaaranta sangkatou apan maola'a tambonannu Israel apan darantane wuassu al᷊amonane.”

2 TAWARIKH 18:23

Ne i Nabi Zedekia niumamatte nangundanin Mikha ana see namero hatine wuṛṛu nabbisara, “Tawe mariaddi Ghaṛṛahon Mawu manantangku wuṛṛu ana see maggahattonu?”

2 SAMUEL 19:30

Ana see i Mefiboset sinumimbakka, “Wala'e i Ziba manganu sarangkanambone udde. Allangngu mal᷊uasse ana waugu i Tuangnga napul᷊ete ringannu sal᷊amatta.”

LUKAS 6:30

Amungkangngu taumata madorongnga sarannapa si yamiu, anggil᷊a'a lai udde si tou; wuṛṛu amungkangngu darotongngu aṛṛoanna, arie padoronge apia.