LUKAS 6:24 - WUKE SUSI WATTI'U AL᷊AL᷊USASSA

²⁴ Arawe nasilakate i yamiu taumata ala su orassa indi; ana waugu i yamiu naapendampe al᷊al᷊uassa!

LUKAS 6:24 Referans Kwoze

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

MATIUS 6:2

Nariaddi, amungkangngu i yamiu mangagillu aonggolla su taumata asiangnga, arie mangke itattunggalla darangngu udde, ere a'olaannu taumata lilangkamal᷊e'a. I mangitou maapulu ma'ola'a udde sulal᷊ummu wal᷊em pattataṛṛamawuanna, su lal᷊anna, tadea'u raloannu taumata. Naungete, i mangitou suete nanengkamma lal᷊antakke.

YAKOBUS 2:6

Arawe i yamiu ewe'e mangngal᷊uandaga taumata asiangnga, wutte'e ete taumata ala apan mandal᷊eo wuṛṛu mangngapidi yamiu watukku pallaṛṛuumanna.

AMSAL 1:32

Taumata apan tawe asingkatta su ola'u pabbiaṛṛanna sarun mate ana waugu tawe mangarega'u, wuṛṛu taumata longonna sarun maṛṛimunsa'a ana waugu tawe maddaringikka si ya'u.

MATIUS 6:16

“Amungkangngu i yamiu mappuasa, imbaṛṛangnga massusa ere taumata apan apulune mammahia. I mangitou mammal᷊u hatine tadea'u anambon taumata maasingkatta manungku i mangitou mappuasa. Paanaunge, eteudde lal᷊antakke apan suete nisengkammi mangitou.

MATIUS 6:5

“Amungkangngu i yamiu umal᷊iomanna, imbaṛṛangnga ere manga taumata ma'ola'a awusu. I mangitou u'al᷊iomanna lapiddu uarisikka su wal᷊em pattataṛṛamawuanna wuṛṛu su pengan dal᷊anna, tadea'u iasilon taumata. Paanaunge, eteudde lal᷊antakke apan suete nisengkammi mangitou.

HAGAI 2:9

Wal᷊e-U apan wakku sarun mappianna wuassu paarorone, wuṛṛu isindi i Ya'u sarun mangonggollu paddarame wuṛṛu lal᷊umanna'a su walahang-Ku.” Mawu Apan Lembontaṛṛino buatte nabbisara.

LUKAS 6:25

Nasilakate i yamiu apan mal᷊aida orassa indi; ana waugu i yamiu sarun amal᷊unusanna! Nasilakate i yamiu apan lullage orassa indi; ana waugu i yamiu sarun masusa wuṛṛu lumuai!