LUKAS 6:21 - WUKE SUSI WATTI'U AL᷊AL᷊USASSA

²¹ Lal᷊umanna'a i yamiu apan mal᷊unussa orassa indi; i yamiu sarun iapaal᷊aidda! Lal᷊umanna'a i yamiu apan lulluai orassa indi; i yamiu sarun lumagge!

LUKAS 6:21 Referans Kwoze

YOHANES 6:35

“Ete i Ya'u roti apan mangonggolu wiakka,” unni Mawu Yesus si mangitou. “Taumata apan rumanta ringang-Ku tawe amal᷊unusanna sarangkal᷊o'engnge. Wuṛṛu taumata apan mangngimanna si ya'u tawe marou lai sarangkal᷊o'engnge.”

MATIUS 5:6

Lal᷊umanna'a su taumata apan sidutu ma'ola'a apulun Ruata; Ruata sarun manuungngu apulu mangitou!

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

LUKAS 1:53

Taumata mal᷊unussa niapaal᷊aidu al᷊awo'u apapia, taumata ala nillimbuaṛṛanna tawe ul᷊ene.

MATIUS 5:4

Lal᷊umanna'a su taumata apan massusa naungnge; Ruata sarun malluassa naungngi mangitou!

SONDAPPA 7:16

I mangitou tate maapendama mal᷊unussa ara'e marou; matannallo ara'e paddisa mapal᷊atta tate maal᷊oso si mangitou,

LUKAS 6:25

Nasilakate i yamiu apan mal᷊aida orassa indi; ana waugu i yamiu sarun amal᷊unusanna! Nasilakate i yamiu apan lullage orassa indi; ana waugu i yamiu sarun masusa wuṛṛu lumuai!

1 KORINTUS 4:11

Na'oman sara orassa indi yami uatataṛṛanga lunussa, wuṛṛu ararou; laubbi yami ete indi ual᷊uṛṛe; taumata mangke mannansara si yami; yami tawe tampa atanaanna,

YOHANES 4:10

Mawu Yesus sinumimbakka, “Unnu wisara i'o masingkattu aonggolu Ruata wuṛṛu isai madorongnga ma'inumma ringannu, i'o sassane lai sarun madorongnga si Tou ma'inumma, wuṛṛu i Tou sarun mangonggola si'o ua'e apan wiakka.”

YEREMIA 31:9

I mangitou u'amatta ringannu allo mata apan mappinapi, Ta'u niwinalatanna wuṛṛu Ta'u niehetta i mangitou. Ta'u niapidda i mangitou niumamattu tampa apan manambo ua'ene, niummatta su lal᷊anna ratakke su tampa i mangitou tawe matara. Su Israel, i Ya'u maola'a Iamangnga; Efraim uddewe ana-U pahul᷊une.”

YESAYA 30:19

Ei i yamiu apan uatana'a su Yerusalem, i yamiu tawe sidutu mangke lulluai. Mawu pia aakkanna, wuṛṛu ringannu mal᷊ihakka sumimbakka si yamiu amungkangngu sumal᷊ande maddorongnga tul᷊unganna si Tou.

DARALO 107:9

Ana waugu i Tou napa'inummu taumata apan marou, wuṛṛu nangonggola su taumata apan mal᷊unussu al᷊awo'a apan mapia.

DARALO 17:15

Arawe i ya'u sarun ma'ellega Si'o, ana waugu i ya'u tawe sal᷊ane. Sutempo i ya'u napu'o, daranta-Nu naal᷊uassa naungku.

PANDARIADDI 21:6

I Sara nabbisara, “Ruata buatte napal᷊age'u ana waugu lulluassa. Suapan taumata apan naaringikka olangnge indi sarun lumage lumuassa suadio'a ringangku.”

PANDARIADDI 17:17

Ana see i Abraham niumal᷊intudda, arawe i tou nilumage napawe naṛṛingidda, “Ereapa wotongnge sangkatou esakka apan uuke maṛṛasutte su tonnane indi maasomba ana'a? Ereapa wotongnge i Sara mangunsiwe su uukka siom pul᷊o su tonnane?”

SONDAPPA 21:3

See i ya'u naaringikka wuassu adderan araratuanna udde mabbisara ma'ikkatta, “Orassa indi tampa atatanaannu Ruata suadio'a ringannu taumata! I Tou sarun mabbiakka suadio'a ringanni mangitou, wuṛṛu i mangitou sarun maola'a al᷊aṛṛanang-Nge. Ruata sassane sarun matana'a ringanni mangitou wuṛṛu maola'a Ruata mangitou.

2 KORINTUS 12:10

Nariaddi ya'u lulluassa ringannu al᷊allome'u. I ya'u lai lulluassa amungkangngu ana waugu Kristus i ya'u nial᷊uandahanna, i ya'u naasomba asasusa, a'enggenanna, wuṛṛu i ya'u naapendama sahadda. Ana waugu amungkangngu i ya'u lome, su tempo udde i ya'u naola'a matohassa.

2 KORINTUS 11:27

I ya'u mattingkasahadda wuṛṛu mammanara maṛṛimadda: pattaṛṛa assa tawe matiilla, tawe umanna, tawe ma'inumma, masokka i ya'u umamatta mal᷊unussa, aamansungeanna, ana waugu tawe laubba wuṛṛu tawe tampa atatanaanna.

2 KORINTUS 6:10

Salaiwe naungngi yami massusa, arawe i yami sidutu lulluassa lai. I yami aellehanna asiangnga, arawe i yami suete napaa'alan taumata nambo. I yami aellehanna tawe darotongnga, arawe su ṛinone i yami uatahuanna sarangkanambone.

YOHANES 11:35

See Mawu Yesus nilumuai.

YEHEZKIEL 9:4

“Roote watukku al᷊awo'u pappi'uannu soa wuṛṛu tialaite pakkannu manga taumata apan uapendamma asiangnga wuṛṛu massusa ana waugu anambon inolaanna maarantinna apan niola'a su soa udde.”

YEHEZKIEL 7:16

Sambageanganna sarum maralukka wuṛṛu tumal᷊angngu watanganne su panenteanna. Isudde i mangitou sarun maola'a ere manu'a merpati apan lallimbuaṛṛanna wuassu manga wawal᷊anne; sarangkanambone sarun sumal᷊iomanna ana waugu manga rosa mangitou.

YEREMIA 31:25

I mangitou apan nallome sarun iapaatohassa, wuṛṛu mallappu ana waugu niamal᷊unusanna sarun Ta'u iapaal᷊aidda.

YEREMIA 13:17

Amungkangngu i'o tawe maddaringikka, i ya'u sarun lumuai tawe tingikke. Ringannu apendamma massusa ta'u luaianna awawunganu udde. Allo mata'u mangngelekka ana waugu umattu Mawu niapidda naola'a atawanna.

YEREMIA 9:1

Apiawe eteapa amungkangngu pua'u ere paṛṛihi apan napeneng kua'e, wuṛṛu mata'u ere sal᷊ossogga apan sidutu mangngelekka! Ne i ya'u wotongnge lumuai allo wuṛṛu ṛabbi, lullalu manga taumata sambalahangku apan nipaten ro'appa.

YESAYA 66:10

Lallala'e suadio'a ringannu Yerusalem, ei anambon taumata apan marangngu. I yamiu apan lullal᷊o ana waugu i tou, orassa indi wotongngete lumuassa.

YESAYA 25:6

Su Wuiddu Sion, Mawu Apan Lembontaṛṛino sarun manaddia sal᷊iwangnga su anambon walahanna su runia. I Tou nangimben kanna apan atemanganne wuṛṛu anggore apan buatte nipile.

DARALO 143:6

I ya'u u'al᷊iomanna Si'o ringannu lima uawilatta; naal᷊ihidda leta'a mamara, niawa'u luṛṛintulu-Nu.

DARALO 119:136

Allommata'u mangngelekka ere sal᷊ukka, ana waugu tita-Nu tawe tuṛṛutanna.

DARALO 65:4

Manga rosa'u tumaniten mawakkata si ya'u, arawe I'o mangke nangampungnga.

DARALO 28:7

Mawu pattillumanna wuṛṛu mananahe'u, i ya'u mangngimanna si Tou. I Tou nantul᷊ungnga wuṛṛu nalluassa naungku, i ya'u maddalo si Tou ringannu aantarin aadiangkamanna.

LUKAS 6:20

Mawu Yesus nanutudda mallal᷊aṛṛenggen-Ne see nabbisara, “Lal᷊umanna'a i yamiu manga taumata asiangnga, ana waugu ete i yamiu udde lal᷊oṛṛon araratuannu Ruata!

LUKAS 6:22

Lal᷊umanna'a i yamiu amungkangngu ia'arantinna, ia'adiri, a'adio'anna wuṛṛu hagal᷊usaanna ana waugu Ana'u Taumata!