LUKAS 5:33 - WUKE SUSI WATTI'U AL᷊AL᷊USASSA

³³ Manga taumata nabbisara Mawu Yesus, “Mallal᷊aṛṛenggenni Yohanes wuṛṛu mallal᷊aṛṛenggennu taumatan Farisi masokka mappuasa wuṛṛu u'al᷊iomanna. Arawe mallal᷊aṛṛenggennu u'anna wuṛṛu ma'inumma.”

LUKAS 5:33 Referans Kwoze

LUKAS 20:47

I mangitou mammahia manga wawine wal᷊u wuṛṛu mangngaṛṛo wal᷊ene. Wuṛṛu see al᷊al᷊eo mangitou tawe asingkatanna, i mangitou u'al᷊iomanna mal᷊o'e-l᷊o'engnga! Ṛuumanni mangitou mawakkatta!”

LUKAS 18:12

I ya'u paarua mappuasa sulal᷊ummu sangkamisa, wuṛṛu i ya'u mangngonggolu sambau wuassu mapul᷊o anambon asombangku!’

WATTI'U MANGA RASUL 9:11

Mawu nabbisara, “Otte inaite orassa indi. Roote watukku wal᷊en Yudas su Lal᷊anna Matul᷊ida. Iwal᷊oi poiaroddi taumata aranne i Saulus wuassu soan Tarsus. Taumata udde tantal᷊anna u'al᷊iomanna,

YOHANES 3:25

Manga sire pira mallal᷊aṛṛenggenni Yohanes mannatakke uatatiakka ringannu taumatan Yahudi su ola'u atorannu pamamaresi.

YOHANES 1:35

Su allo tiṛṛabbine i Yohanes su tampa udde lai ringannu ruang katou mallal᷊aṛṛenggenne.

LUKAS 11:1

Su sambau allo Mawu Yesus inumal᷊iomanna su sambau tampa. Man napawe suete inumal᷊iomanna, sangkatou su wallattu manga mallal᷊aṛṛenggen-Ne nabbisara, “Mawu, aṛṛa'e i yami umal᷊iomanna ere lai Yohanes mangngaṛṛa'a mallal᷊aṛṛenggenne umal᷊iomanna.”

MARKUS 12:40

I mangitou mallinga manga wawine wal᷊u wuṛṛu mangngaṛṛo wal᷊ene. Wuṛṛu ana see maapamunin al᷊al᷊eo mangitou udde, i mangitou u'al᷊iomanna mal᷊o'e-l᷊o'engnga. Ṛuumanni mangitou sal᷊immurine udde mawakkatta!”

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

ZAKARIA 7:6

Wuṛṛu lai sutempo i mangitou u'anna ma'inumma, i mangitou maddea'a haussannu watanganni mangitou sassane.”

YESAYA 1:15

Amungkangngu i yamiu mamatten limanu waugu umal᷊iomanna, i Ya'u maddiri maddaringikka. Tawe pandumme sangkurate anambone aal᷊iomannu, i Ya'u maddirite maddaringikka, ana waugu ringannu limanu udde i yamiu manambote namate.

AMSAL 28:9

Amungkangngu i'o tawe tumuṛṛutta titan Duata, Ruata lai sarun masamballu aal᷊iomannu.

LUKAS 2:37

i Hana naola'e wawine wal᷊u, wuṛṛu orassa indi uukke ual᷊utem pul᷊o appatta su tonnane. Tawe saran paassa i tou nanantangngu Wal᷊e Mawu. Allo ṛabbi i tou mattaṛṛamawu isudde su Ruata ringannu u'al᷊iomanna wuṛṛu mappuasa.

LUKAS 5:32

I Ya'u nirumanta wal᷊ine mamago manga taumata apan uapendamma ririne mapiate, ewe'e taumata apan marosa tadea'u i mangitou mawal᷊u wuassu paddarosa mangitou.”

LUKAS 5:34

Mawu Yesus sinumimbakka, “I yamiu wotongnge mandolokku manga raho mappuasa su andeangngu awingnga, tantal᷊anna maa'awingnga esakka ta'e su sampunna ringanni mangitou? Natantunna tawe!