LUKAS 4:18 - WUKE SUSI WATTI'U AL᷊AL᷊USASSA

¹⁸ “Ghaṛṛaho Mawu sidutu ringang-Ku, ana waugu i Tou suete namile si Ya'u iapapasingkattu Watti'u Al᷊al᷊uassa su taumata asiangnga. I Tou nandolo-U iapawatti'u pamamallossa su taumatan ṛuumanna wuṛṛu aaul᷊e su taumata wuta; wuṛṛu ipamallossu taumata allangnga

LUKAS 4:18 Referans Kwoze

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

MATIUS 11:5

Taumata wuta naasilo, taumata lome naa'amatta, taumata raddangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapasingkatta su manga taumata asiangnga.

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

LUKAS 7:22

Nariaddi Mawu Yesus sinumimbakka, “Pabelengke ringanni Yohanes wuṛṛu wal᷊oa'a apa apan suete niaringiṛṛanna wuṛṛu niasiloanni yamiu: taumata wuta naasilo, taumata lome inumamatta, taumata radangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapaasingkatta su taumata asiangnga.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

YESAYA 42:7

Tadea'u ipamu'a matan taumata wuta, wuṛṛu ipamallossu taumata wuassu ararandummu tuttupanna.

YOHANES 12:46

I Ya'u nirumanta su runia indi maola'a sambau asasemakka, tadea'u anambon taumata apan mangngimanna si Ya'u tawe matana'a sulal᷊ummu ararandumma.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

KOLOSE 1:13

I Tou suete namallosi ite wuassu taṛṛinon araranduma wuṛṛu nangingkati ite sulal᷊ummu araratuannu Anang-Nge apan arangnguan-Ne.

MATIUS 4:16

Walahanna apan mabbiakka sulal᷊ummu ararandumma, suete naasilo asasemakka! Su manga taumata apan uatana'a su wanuan ararandummu papate nisabanganten asasemakka!”

YESAYA 32:3

Taumata apan maasilo sarun tawe manutubbu matane, wuṛṛu apan maaringikka sarun maddaringikka.

DARALO 147:3

I Tou mangundamma taumata apan naungnge massusa, wuṛṛu mama'issa manga lessan mangitou.

YESAYA 35:5

Sutempo udde taumata wuta sarun maasilo, wuṛṛu taumata wengella sarun maaringikka.

MATIUS 5:3

“Lal᷊umanna'a su taumata apan uapendamma tawe atatohassa wuṛṛu tumba'u uaantimma Mawu sassane; ete i mangitou udde lal᷊oṛṛon araratuannu Ruata!

LUKAS 6:20

Mawu Yesus nanutudda mallal᷊aṛṛenggen-Ne see nabbisara, “Lal᷊umanna'a i yamiu manga taumata asiangnga, ana waugu ete i yamiu udde lal᷊oṛṛon araratuannu Ruata!

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

YOHANES 3:34

Ana waugu taumata apan nirolokku Ruata mabatti'u wisaran Ruata, ana waugu Ghaṛṛahon Ruata suete nionggolla si Tou sarangkanambone.

YESAYA 59:21

I Ya'u nakkiinnu pa'aire ringanni yamiu: I yamiu onggol᷊annu taṛṛino-U wuṛṛu al᷊aṛṛa-U saran mal᷊annu-l᷊annu. Ara'e lai ionggolla su manga anangngu tadea'u i mangitou lai wotongnge mangaṛṛa'u udde su ana'a pulunne orassa indi maddatingngu saran mal᷊annu-l᷊annu.”

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

DARALO 102:20

Mawu ual᷊ellega wuassu tampa-Ne apan matanggakka, wuassu surga i Tou nangintanno runia

DANIEL 9:24

Pitu ikali pitun pul᷊o su tonnane eteudde tempo apan nitantunnu Ruata ipamallossu walahannu wuṛṛu soanu apan susi udde wuassu rosa wuṛṛu al᷊el᷊eo. Al᷊awo'u rosa sarun ampunganna wuṛṛu atatul᷊idda apan saran mal᷊annu-l᷊annu sarun iaparisikka, na'oman sara sondappa wuṛṛu ramalanna udde sarun asingkatanna, wuṛṛu Wal᷊en Mawu apan susi udde sarun pattaṛṛamawuanna apia su Mawu.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 49:9

Taumata apan nitaṛṛo su tattupanna Ta'u iapasabbanga; apan su tampa marandumma Ta'u iapidda su asasemakka. Ewe'e lai wuidda apan lol᷊okka i mangitou tawe atalanne, su al᷊o'engngu lal᷊anna nasaddiate anna.

YESAYA 45:13

Ete i Ya'u apan nangal᷊oren Kores iapaamattu pandumang-Ku wuṛṛu mamasi'u atatul᷊idda. I Ya'u apan sarun maparatakku anambon dal᷊anna apan amatanne. I tou sarun mapararisikku api soa-U Yerusalem wuṛṛu mamallossu uma-U apan niatawanna, ringannu tawe doitta nionggolla wuṛṛu tawe bawaekke.” Mawu Apan Lembontaṛṛino buatte nabbisara.

DARALO 34:18

Amungkangu taumata susi sumal᷊ande, Mawu maddaringikka, wuṛṛu manal᷊amatta si mangitou wuassu al᷊awo'u asasusa.

DARALO 2:6

Wisara-Ne, “Su Sion wui-U apan susi buatte Ta'u nitenega ratu nipile-U.”

ZEFANYA 3:12

Poiaroddi sarun Ta'u iwala mamanua sambau walahanna apan naungnge mawawo, apan mangngasakku tul᷊ungang-Ku. I mangitou wotongnge matana'a poiaroddi.

DARALO 2:2

Manga Ratun dunia sangkawuatta wuṛṛu manga tembonanne ma'ire lumawanga Mawu wuṛṛu ratu apan nipile-Ne.

YOHANES 1:41

Mal᷊iha-l᷊ihakka i Andreas naddea'a si Simon, tuṛṛangnge, wuṛṛu nabbisara si tou, “Yami suete nassomba Mesias!” (Mesias nassul᷊ungngi Kristus, eteudde: Ratum Punnu Sal᷊amatta.)

MATIUS 12:20

Iawanna apan ual᷊a'ukka tawe paddianni Tou, sol᷊o apan u'odo'a tawe padduman-Ne. I Tou sarun mammanara ma'oman sara atatul᷊idda a'omanna;

DARALO 51:17

Oh Mawu, ontol᷊ewe i ya'u mabbisara, ne i ya'u sarun maddalo Si'o.

ZAKARIA 11:11

Su allo udde lai paaire tawe nariaddi. Manga mabbawal᷊u'u domba uataṛṛapa si ya'u, wuṛṛu i mangitou naatutukke manungku Mawu tantal᷊anna mabbisara sulal᷊ummu inolaangku.

YEHEZKIEL 9:4

“Roote watukku al᷊awo'u pappi'uannu soa wuṛṛu tialaite pakkannu manga taumata apan uapendamma asiangnga wuṛṛu massusa ana waugu anambon inolaanna maarantinna apan niola'a su soa udde.”

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

WATTI'U MANGA RASUL 4:27

Ana waugu i Herodes wuṛṛu i Pontius Pilatus suete na'ola'a ammula ringannu manga taumata apan tawe ma'aillal᷊a Mawu wuṛṛu ringannu taumatan Israel su soa indi. I mangitou ma'amulla lumawangnga Mawu Yesus allang-Ngu apan na'ukkassa udde, apan suete nitene-Gu maola'a Ratum Punnu Sal᷊amatta.

DARALO 45:7

Ruata nangonggola si'o taṛṛino ipamarenta, taṛṛinonu uata'a saran mal᷊annu-l᷊annu; ringannu atatul᷊idda i'o mammarenta tumana'u soanu.

2 TAWARIKH 34:27

i'o sinumassilla wuṛṛu sinumallungngu watangannu su saruang-Ku. I Ya'u buatte namansaga sarun makkuumannu Yerusalem wuṛṛu tumanangnge, arawe napawe i'o naaringikka i Ya'u mammansaga, i'o nilumuai wuṛṛu nanggesa'a laungngu tatialan massusa. I Ya'u buatte naddaringikka aal᷊iomannu,

MATIUS 12:18

“Ete indi ralol᷊oṛṛang-Ku apan Ta'u pinile taumata apan arangnguang-Ku wuṛṛu natataṛṛino su naung-Ku. Ghaṛṛaho-U sarun ionggolla si Tou, atatul᷊i-U sarun iapasingkattati si Tou su manga walahanna.

LUKAS 4:17

wuṛṛu nionggol᷊annu wuke Nabi Yesaya. I Tou namu'ate wuke lalul᷊unanna udde, see inasombanganna wageangnge indi,

WATTI'U MANGA RASUL 4:26

Manga ratu su runia uasasaddia mappapangalo, wuṛṛu manga piaṛṛangnge uaaukka lumawangnga Mawu wuṛṛu Ratum Punnu Sal᷊amatta.’