LUKAS 3:22 - WUKE SUSI WATTI'U AL᷊AL᷊USASSA

²² wuṛṛu Ghaṛṛahon Ruata inumonto'a si Tou ere manu'a merpati. See inaringikka tingikku Ruata nabbisara, “Ete I'o Ana'a arangnguang-Ku. I'o ma'al᷊uassa naung-Ku.”

LUKAS 3:22 Referans Kwoze

DARALO 2:7

Unnu ratu, “I ya'u maapulu mamasingkattu apa apan buatte nitantunu Mawu. wisara-Ne si ya'u, ‘I'o ana-U esakka, allo indi i Ya'u maola'a Iamangu.

YOHANES 1:32

I Yohanes nangagillu lai tatiala indi, “I ya'u naasilo Ghaṛṛahon Ruata niumonto'a ere manu'a merpati wuassu langitta see nangintaṛṛo si Tou.

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

1 PETRUS 2:4

Ana waugu udde, rantate ringannu Mawu. I Tou naal᷊ihida watu apan wiakka, watu apan nirammen taumata ana waugu sansunnanna tawe gunane; arawe nipilen Duata maola'a watu apan maarega.

MATIUS 12:18

“Ete indi ralol᷊oṛṛang-Ku apan Ta'u pinile taumata apan arangnguang-Ku wuṛṛu natataṛṛino su naung-Ku. Ghaṛṛaho-U sarun ionggolla si Tou, atatul᷊i-U sarun iapasingkattati si Tou su manga walahanna.

KOLOSE 1:13

I Tou suete namallosi ite wuassu taṛṛinon araranduma wuṛṛu nangingkati ite sulal᷊ummu araratuannu Anang-Nge apan arangnguan-Ne.

LUKAS 4:21

Wuṛṛu Mawu Yesus nanattakke nabbisara si mangitou ereindi, “Manga wageangngu lal᷊oṛṛon Wuke Susi su allo indi natipusse su tempo i yamiu naaringikka watti'a udde.”

MATIUS 27:43

I Tou mangngimanna Ruata wuṛṛu mabbisara manungku i Tou Ana'u Ruata. Ne, wette i ite ma'ellega tanne Ruata manal᷊amatta si Tou orassa indi.”

MATIUS 3:13

Su tempo udde Mawu Yesus inaite wuassu Galilea watukku Sal᷊ukku Yordan. Poiaroddi i Tou nirumanta ringanni i Yohanes wuṛṛu naddorongnga maisaṛṛani.

MATIUS 3:16

Napawe suete nissaṛṛani, Mawu Yesus mal᷊iha-l᷊ihakka sinumapputta wuassu ua'en sal᷊ukka udde. Inaṛṛombanganne langitta nawu'a wuṛṛu Mawu Yesus naasilo Ghaṛṛahon Ruata niumonto'a ere manu'a merpati niumarunna si Tou.

MARKUS 1:9

Su tempo udde Mawu Yesus nirumanta wuassu Nazaret su wageangngu leta'u Galilea, wuṛṛu i Yohanes nanaṛṛani si Tou su Sal᷊ukku Yordan.

MARKUS 1:11

Wua'udde niaringikka tingikku Ruata nabbisara, “Ete I'o Ana-U apan arangnguang-Ku. I'o ma'al᷊uassa naung-Ku.”

MARKUS 9:7

Wua'udde winabbawa nangooppa si mangitou wuṛṛu wuassu winabbawa udde inaringiṛṛanna tingikka nabbisara, “Ete indi Ana'u apan arangnguanna. Daringiṛṛe i Tou!”

LUKAS 2:14

“Daralo su Ruata su langitta apan atanggaṛṛanne! Wuṛṛu su wowon dunia, paddarame su taumata apan ma'al᷊uassa naungngu Mawu!”

YOHANES 5:37

Wuṛṛu Iamangnga apan nandolo-U lai nangagillu tatiala su ola'u riri-U. I yamiu taambe naaringikka tingikke ara'e naasilo pahudde.

YOHANES 12:28

Iamangnga, mawantuga arannu!” Ne niaringiṛṛanna tingikka wuassu langitta nabbisara, “I Ya'u suete namantuga si Tou, wuṛṛu i Ya'u sarun mamantuga lai si Tou.”