LUKAS 3:16 - WUKE SUSI WATTI'U AL᷊AL᷊USASSA

¹⁶ Ana waugu udde i Yohanes nabbisara si mangitou sarangkanambone, “I ya'u mannaṛṛani si yamiu ringannu ua'e, arawe paṛṛaddote sarun rumanta sal᷊immurine lembon ahewal᷊anne wuassia'u. Mamu'a tal᷊in sapatune lai ya'u tawe suṛṛinone. I Tou sarun manaṛṛani si yamiu ringannu Ghaṛṛahon Ruata wuṛṛu putungnga.

LUKAS 3:16 Referans Kwoze

WATTI'U MANGA RASUL 1:5

Ana waugu i Yohanes mannaṛṛani ringannu ua'e, arawe ete pira allo lai yamiu sarun saṛṛaniannu Ghaṛṛahon Ruata.”

MATIUS 3:11

I ya'u mannaṛṛani si yamiu ringannu ua'e, udde mappaal᷊iatta'a manungku i yamiu nawal᷊ute wuassu paddarosang kamiu, arawe apan sarun dumanta sal᷊immurine wuassia'u, sarun manaṛṛani si yamiu ringannu Ghaṛṛahon Duata wuṛṛu putungnga. I Tou maggewal᷊anna wuassia'u saran mangapiddu sapatune lai Ya'u tawe su ṛinone.

YOHANES 1:33

Tempo udde i ya'u ta'e wagga isai i Tou. Arawe Ruata apan nandolo'u manaṛṛani ringannu ua'e suete nabbisara si ya'u, ‘Napawe i'o maasilo Ghaṛṛahon Ruata niumonto'a, see matana'a mangintaṛṛo su sangkatou, ete i Tou apan manaṛṛani ringannu Ghaṛṛahon Ruata.’

YOHANES 1:26

I Yohanes sinumimbakka, “I ya'u mannaṛṛani ringannu ua'e. Arawe su pattangnganni yamiu pia taumata apan tawe aillal᷊anni yamiu.

1 KORINTUS 12:13

Aroddi lai i ite sarangkanambone, mawae taumatan Yahudi, see lai taumata wal᷊ine Yahudi, manga allangnga, ara'e manga taumata napallose; i ite sarangkanambone buatte nissaṛṛanin Ghaṛṛaho apan uasul᷊ungnga udde. I ite lai sarangkanambone sarun maapendama Ghaṛṛaho apan sambau udde ringannu tawe urangnge.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

YESAYA 32:15

Arawe paassa lai Ruata sarun dumanta ringannu taṛṛino-Ne. Ne wadda'u anne sarun maola'a wawail᷊anna masuwukka, wuṛṛu manga wailla sarun maola'a mahurangnge.

YESAYA 4:4

Ringannu taṛṛino-Ne Mawu sarun makkuungnga wuṛṛu mamaresi uman-Ne. I Tou sarun mamaresi Yerusalem wuassu daṛṛa manga taumata apan nipate su soa udde.

AMSAL 1:23

Paddaringikka si ya'u amungkangu i ya'u managgu si'o, ne ete si'o sarun ta'u iapal᷊iatta'a lal᷊oṛṛon naungku wuṛṛu ta'u iaṛṛa'a asingka'u.

WATTI'U MANGA RASUL 2:33

I Tou nitenega su aiananna apan matanggakka wuṛṛu nionggol᷊annu Ruata taṛṛino, see nanengkamma Ghaṛṛaho Ruata apan suete pina'iren Iamangnga. Wuṛṛu apan niaringiṛṛanna wuṛṛu aellehanni yamiu orassa indi eteudde Ghaṛṛaho apan suete nionggolla si yami.

YOHANES 7:38

Su ola'u taumata apan mangngimanna si Ya'u, uawoṛṛetta sulal᷊ummu Wuke Susi, ‘Wuassu lal᷊ummu naungnge mangngelekka manga aeleṛṛannu ua'e apan mangngonggolu wiakka.’ ” (

WATTI'U MANGA RASUL 10:44

Tantal᷊anna i Petrus ta'e mabbisara, Ghaṛṛahon Ruata inumonto'a wuṛṛu nangintaṛṛo su anambon taumata apan uararingikka watti'a udde.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

MATIUS 3:12

Su limane pia niṛṛu ipattappa al᷊awo'u ammene ma'oman sara mawaresi. Amme sarun iammulla sulal᷊ummu wal᷊ingkakke, arawe anambon wal᷊aane sarun tutunganna su putungnga apan tawe mappadumma.”

YOHANES 1:27

I Tou nirumanta sal᷊immurine wuassia'u, arawe mamu'a tal᷊in sapatu-Ne lai ya'u tawe wotongnge.”