LUKAS 24:32 - WUKE SUSI WATTI'U AL᷊AL᷊USASSA

³² Unni mangitou sangkatou ringannu waine, “Wal᷊inewe pendamanna naungngi ite ere ola'u sussarootta, su tempo i Tou uahahattong kite su tangngan dal᷊anna, wuṛṛu nanal᷊a'an lal᷊oṛṛon Buke Susi si ite?”

LUKAS 24:32 Referans Kwoze

LUKAS 24:45

Wua'udde Mawu Yesus nanualaga ṛingiṛṛanni mangitou ana see maasunna pandumannu Wuke Susi.

IBRANI 4:12

Wisaran Ruata eteudde wisara apan biakka wuṛṛu matohassa; maṛṛoroanna wuassu hal᷊el᷊e rorone ruam ba'a. Wisara udde uusippa ma'oman sara su wallatu niawa wuṛṛu ghaṛṛaho; ma'oman sara su wallattu manga passi'uanna wuṛṛu duṛṛin liudda, na'oman sara maasingkata al᷊al᷊ummu ṛingiranna wuṛṛu apulu naungngu taumata.

YEREMIA 23:29

Wisara-U naal᷊ihidda putungnga, wuṛṛu ere darupa apan maaṛṛimunsa'a watu!

YEREMIA 20:9

Arawe napawe sulal᷊ummu naungku i ya'u mabbisara, “Wala'e Mawu timbul᷊ianangkute, i ya'u maddirite lai maggahatto ringannu aran-Ne,” ne tanata-Nu naal᷊ihidda putungnga apan lukkenggamma sulal᷊ummu naungnga. I ya'u buatte naannamma manaṛṛangnga, arawe inauranna i ya'u tawe auatanna.

DARALO 39:3

I ya'u mal᷊anna-l᷊annaba, na'oman sara naawaddo watangangku sassane. Wuṛṛu asasusa'u aapendamanna tumaniten mawakkata;

YEREMIA 15:16

I'o mabbisara si ya'u, wuṛṛu naddaringikka suapan iwisara-Nu. I ya'u tatahuanannu, oh Mawu Ruata Apan Lembontaṛṛino, ana waugu udde manga wisara-Nu ma'al᷊uassa wuṛṛu maalal᷊umanna'a si ya'u.

AMSAL 27:17

Su ereapa atta'a mangasan atta'a, aroddi lai taumata massi'ol᷊a su sansul᷊ungnge.

YOHANES 6:63

Apan maawiakka taumata eteudde Ghaṛṛahon Ruata. Atatohassu taumata tawe gunane. Manga wisara apan niwisara-U si yamiu indi eteudde wisara Ghaṛṛahon Ruata wuṛṛu manga wisara apan mangngonggolu wiakka.

WATTI'U MANGA RASUL 28:23

Ne i mangitou wuṛṛu i Paulus nanantunnu sambau allo pasasombanna. Su allo udde manambo taumata nirumanta su tampa atatanaanni Paulus. Wuassu rua'allo madatingngu bawallo i Paulus mannal᷊a'a wuṛṛu mabatti'a si mangitou watti'a su ola'u ereapa Ruata mamarenta ere sangkatou Ratu. Ringanni nappaattu manga tatialane sulal᷊ummu Wuke Musa wuṛṛu Wuke Manga Nabi, i Paulus mangke maddea'a tadea'u i mangitou mangngimanna Mawu Yesus.

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

DARALO 104:34

Antimanna aantari'u maal᷊uassa naung-Nge, ana waugu ete i Tou naaola'a naungku lullala'a.

AMSAL 27:9

Su ereapa lana mawangngi wuṛṛu manga wawangngi maal᷊uassa naungnga, aroddi lai apapian hawe maal᷊uassa naungnga.

MARKUS 4:34

Mawu Yesus sidutu mappaattu sasumandingnga amungkangngu i Tou mangaṛṛa'a manga taumata udde. Arawe amungkangngu i Tou sassane ringannu mallal᷊aṛṛenggen-Ne, i Tou mannal᷊a'an sarangkanambone si mangitou.