LUKAS 23:9 - WUKE SUSI WATTI'U AL᷊AL᷊USASSA

⁹ Ana waugu udde i Herodes manambonaiwal᷊o si Tou, arawe Mawu Yesus tawe sinumimbakka saran paassa.

LUKAS 23:9 Referans Kwoze

MATIUS 27:14

Arawe Mawu Yesus tawe sinumimbakka saran addio'a na'oman sara gubernure udde mangke naherangnga atonna.

1 PETRUS 2:23

Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.

WATTI'U MANGA RASUL 8:32

Ete indi tatialane apan iwabbasan Tou, “I Tou naal᷊ihida ere domba apan aehetanna inai pototanna, naal᷊ihida ere ana'u domba apan tawe ṛumeo'a amungkangngu wambul᷊une huntinganna, ete aroddi i Tou tawe nabbisara saran sangka paddi.

LUKAS 13:32

Mawu Yesus sinumimbakka, “Roote wal᷊oa'a su taumata apan tawe gunane udde, ‘Allo indi wuṛṛu tiṛṛabbi i Ya'u mallimbuakka ghaṛṛaho lal᷊eo wuṛṛu mapaapian taumata marada'a, arawe su allo atallune i Ya'u sarun manginsue manara-U.’

MATIUS 7:6

Arie mangonggolu sarannapa na'ukkassa su asu, tadea'u asu udde tawe mangawal᷊i'a mamangalo si'o. Wuṛṛu arie mangonggolu mutiara su wawi, tadea'u wawi udde tawe maṛṛinda mutiara udde.”

YESAYA 53:7

I tou nihesekka ringannu maṛṛagissa, arawe mangke uapasanna ringannu sabbare. I tou tawe namu'a moṛṛongnge naal᷊ihidda ana'u domba apan iapidda su tampan pallaṛṛatanna ara'e naal᷊ihidda inangngu domba apan huntinganna wambul᷊une.

DARALO 39:9

Pallosaawe i ya'u wuassu anambon rosa'u, arie pabbala'a i ya'u mabbal᷊i aal᷊uandahannu taumata longonna.

MATIUS 27:12

Arawe su tempo manga imam tembonanne wuṛṛu piaṛṛa'u Yahudi napasabangngu anambon alae su ola'u Mawu Yesus, i Tou tawe sinumimbakka saran addio'a.

MARKUS 15:5

Arawe Mawu Yesus tawe sumimbakka sara n adio'a, na'oman sara Pilatus naherangnga.

LUKAS 23:10

Manga imam tembonanne wuṛṛu manga hurun agama sinumaruanna lai isudde wuṛṛu ringannu pia lembone mapaasal᷊a Mawu Yesus.

YOHANES 19:9

Ne i tou nabelengnga sinumutta sulal᷊ummu wal᷊en araratuanna wuṛṛu napawe Mawu Yesus niapidde sulal᷊umme, i Pilatus naiwal᷊o si Tou, “I'o indi daranta-Nu wuassuapa?” Arawe Mawu Yesus tawe sinumimbakka.