LUKAS 23:5 - WUKE SUSI WATTI'U AL᷊AL᷊USASSA

⁵ Arawe i mangitou lembo mammata'a lai, “Ringannu al᷊aṛṛang-Nge, i Tou mangngal᷊iwun taumata su ahewallu leta'u Yudea; paarorone su leta'u Galilea, wuṛṛu orassa indi na'omate isindi lai.”

LUKAS 23:5 Referans Kwoze

YOHANES 2:11

Eteudde al᷊aṛṛindu'a paarorone apan niola'u Mawu Yesus. I Tou na'ola'a udde su wanua Kana su Galilea. Ringannu tanda udde i Tou mapaal᷊iatta'u awawantu-Ge. Ne mallal᷊aṛṛenggen-Ne nangimante si Tou.

YOHANES 1:43

Su allo tiṛṛabbine Mawu Yesus naṛṛawessa inai watukku Galilea. I Tou nassombam Filipus, wuṛṛu nabbisara si tou, “Wette tantalongke si Ya'u!”

MARKUS 1:14

Napawe i Yohanes niṛṛuumante, Mawu Yesus inaite su Galilea, wuṛṛu namasingkattu Watti'u Al᷊al᷊uassa wuassu Ruata poiaroddi.

MATIUS 4:23

Su Galilea, Mawu Yesus namal᷊iwutte ahewallu wanua wuṛṛu mangngaṛṛa'a su anambon bal᷊em pattataṛṛamawuanna. I Tou mabbatti'u Watti'u Al᷊al᷊uassa manungku Ruata sarun mamarenta. Wuṛṛu i Tou lai mapaapian manga taumata apan maradda'a wuṛṛu pia sangkulle.

WATTI'U MANGA RASUL 23:10

Patatatiakka udde naola'a aroddi ahewalle na'oman sara piaṛṛangnge udde nata'utta, aṛṛengenne i Paulus ṛimpulananni mangitou. Nariaddi i tou nandolokku tantarane inai mangal᷊appa si Paulus wuassu pattangngannu manga taumata udde see niapidda su tampa mangitou.

WATTI'U MANGA RASUL 10:37

I yamiu masingkate apa apan nariaddi su ahewallu Yudea, eteudde nitattakka wuassu Galilea napawe nal᷊iudde sasaṛṛani apan nititan Yohanes.

WATTI'U MANGA RASUL 7:57

Manga ammul᷊annu mallaṛṛuungnga udde nanapingnga tal᷊inga mangitou lapiddu inumui, see sangkaṛṛindo'a naṛṛimpulunna si Stefanus.

WATTI'U MANGA RASUL 7:54

Aroddi manga ammul᷊annu Mallaṛṛuungngu Agama udde naaringikka sarangkanambone apan niwisaran i Stefanus, i mangitou nannaungnga lal᷊eo wuṛṛu nasa'u atonna si tou.

WATTI'U MANGA RASUL 5:33

Su tempo manga Mallaṛṛuungngu Agama naaringikka udde, i mangitou mangke nasa'u, wuṛṛu i mangitou na'irete mamate manga rasul udde.

YOHANES 19:15

I mangitou mangke pasi ui, “Patete i Tou; Patete i Tou! Arussa'a i Tou!” I Pilatus naiwal᷊o, “Apa ṛinone i ya'u mangarussan ratunu?” Manga imam tembonanne sinumimbakka, “Tumba'u i Kaisar sassane ratung kami!”

YOHANES 7:52

“Apa i'o lai wuassu Galilea?” sasimbakki mangitou, “Pamarikisse Wuke Susi! I'o sarun maasingkatta manungku tawe sangkatou nabi apan asapputanne wuassu Galilea!” [

YOHANES 7:41

Arawe piaddu lai mabbisara, “Ete indi Ratum Punnu Sal᷊amatta!” Arawe piaddu lai mabbisara, “Eh, ṛatadde Ratum Punnu Sal᷊amatta nirumanta wuassu Galilea?

LUKAS 23:23

Arawe i mangitou sidutu u'ui ma'ikka-ikkatta manungku Mawu Yesus ṛinone iarussa. Ne panginsueanne darorongngi mangitou niraringiṛṛanna.

LUKAS 11:53

Napawe Mawu Yesus nanantangke tampa udde, manga hurun agama wuṛṛu manga taumatan Farisi mammansaggu Mawu Yesus. I mangitou mannattakke mammono'a si Tou tadea'u i Tou mabbisara ringannu anambon inolaan-Ne.

MATIUS 27:24

Panginsueanne i Pilatus naatutukka, manungku i tou tawe wotongnge maaola'a apa-apa lai wuṛṛu manungku manga taumata udde asinungka sarun mamangalo. Nariaddi i tou nanganu ua'e, see su saruannu taumata nambo udde i tou nangukkassa limane wuṛṛu nabbisara, “I ya'u tawe sal᷊ane su apapaten taumata indi! udde manarateng kamiu!”

DARALO 69:4

I ya'u mangngintul᷊i na'oman sara nallome wuṛṛu tonggol᷊angku namara. Mata'u maṛṛagete uaṛṛaddo sasumbalan Ruata'u.

DARALO 57:4

Wuassu surga i Tou sinumimbakka wuṛṛu nanal᷊amatta si ya'u; i Tou namaddon manga taumata apan mangngallanga si ya'u. I Tou sarun mapal᷊iatta'a manungku i Tou ual᷊ua'adda si ya'u, wuṛṛu sidutu marangngu si ya'u.

DARALO 22:16

Tonggol᷊angku namara ere pilessa, lila'u naddeetta su saṛṛangaddu moṛṛongku. Mawu, I'o nanantangku su wowon awu naal᷊ihidda taumata natete.

MATIUS 2:1

Mawu Yesus inasungkangnga su soam Betlehem su wanua Yudea, su tempo pamamarentan Ratu Herodes. Su tempo udde manga pira mapapanden anumpitanna wuassu ra'i nirumanta su Yerusalem.

MATIUS 11:1

Napawe Mawu Yesus suete nanantiro sire mapul᷊o dua mallal᷊aṛṛenggen-Ne, i Tou nanantangken tampa udde. I Tou inaite nangaṛṛa'a wuṛṛu nabbatti'u tanatan Ruata su al᷊awo'u manga soa apan marani isudde.

LUKAS 23:6

Napawe i Pilatus naaringikka hatto udde, i tou naiwal᷊o, “Apa taumata indi taumatan Galilea?”