LUKAS 23:2 - WUKE SUSI WATTI'U AL᷊AL᷊USASSA

² Isudde i mangitou mapaasal᷊an Tou. I mangitou mabbisara, “I yami naaratingnga taumata indi mangngal᷊iwun lal᷊oṛṛon soa. I Tou mandolokku taumata tadea'u tawe mamaekka wose su Kaisar, ana waugu i Tou mabal᷊o manungku ete i Tou i Kristus, sangkatou ratu.”

LUKAS 23:2 Referans Kwoze

YOHANES 19:12

Napawe i Pilatus naaringikka udde, i tou mangke maddea'a lal᷊anne mamallossu Mawu Yesus. Arawe manga taumatan Yahudi mangke u'ui, “Amungkangngu ituangnga mamallosi Tou, ituangnga wal᷊ine haweng Kaisar! Taumata apan mangnga'u ririne ratu, ete i tou seetti Kaisar!”

LUKAS 23:14

see nabbisara si mangitou, “I yamiu nangapiddu taumata indi si ya'u wuṛṛu mabbisara manungku i Tou mangngal᷊iwu manga taumata. Orassa indi su saruanni yamiu i ya'u suete namarikissa si Tou, arawe i ya'u atonna-tonna tawe naasomba saran sambau al᷊al᷊eone apan iaansilli yamiu si Tou.

WATTI'U MANGA RASUL 24:5

Niasombanganni yami taumata indi mangangal᷊iba'ukka apan maasilaka. Su al᷊awo'u tampa i tou ma'ola'a hio su wallattu manga taumatan Yahudi wuṛṛu i tou naola'a piaṛṛa'u pandumannu manga taumata Nazaret.

YOHANES 18:30

I mangitou sinumimbakka, “Unnu wisara i Tou tawe sal᷊ane, i yami tawe nangapiddi Tou ringannu Iamangnga Gubernure.”

MARKUS 12:17

“Ne, amungkangngu aroddi,” wisara Mawu Yesus, “onggol᷊a'a si Kaisar apa apan tatahuanannu Kaisar, wuṛṛu onggol᷊a'a su Ruata apa apan tatahuanannu Ruata.” I mangitou naherangnga naaringikka si Tou.

MATIUS 22:21

“Kaisar,” sasimbakki mangitou. Ne Mawu Yesus nabbisara si mangitou, “Amungkangngu aroddi, onggol᷊a'e si Kaisar apa apan tatahuananni Kaisar wuṛṛu onggol᷊a'e su Ruata apa apan tatahuannu Ruata.”

ZAKARIA 11:8

Siri tallu malll᷊u'adda apan maddantingku nanginsue asasabbare'u. I mangitou ta'u nilimbuaṛṛanna sulal᷊ummu tempo sambul᷊anna.

YEREMIA 38:4

Ne inaite manga tembonanne udde ringannu ratu wuṛṛu nabbisara, “Taumata indi ṛinone iṛṛuumanna pateanna. Ana waugu, ringannu nabbisara aroddi i tou mangngaddio'a ikkattu anambon tantara wuṛṛu taumata waine apan ta'e uatana'a su soa indi. I tou tawe mantul᷊ungnga tumanangnge, ewe'e lai manilaka si mangitou.”

YEREMIA 20:10

Niaringiṛṛanna taumata sussal᷊imburunga suapan tampa, “Atata'utta suapan tampa! Wette alaea'e udde siapa pia taṛṛinone!” Ewe'e lai anambon hawe'u ate uaṛṛaddo ananawo'u. Unni mangitou, “Asinungka ringannu sasal᷊o'a, i tou wotongnge iawaddo, tadea'u wotongngete i ite mabbal᷊issa atataddu'u naungnga si tou.”

DARALO 62:4

Sara tingngera i yamiu sarangkanambone maapulu mamangalo sangkatou taumata apan erete darandunga uasoṛṛa wuṛṛu pale apan maraniten maṛṛa'a?

WATTI'U MANGA RASUL 24:13

I mangitou lai tawe maasemakka manga alae mangitou si Tuangnga su ola'u watangangku.

LUKAS 23:5

Arawe i mangitou lembo mammata'a lai, “Ringannu al᷊aṛṛang-Nge, i Tou mangngal᷊iwun taumata su ahewallu leta'u Yudea; paarorone su leta'u Galilea, wuṛṛu orassa indi na'omate isindi lai.”

MATIUS 17:27

Arawe arie i ite mapaasusa naungngu manga taumata udde. Nariaddi, roote su rano pamaṛṛungnga. Apira'a inassa paarorone niawaṛṛungannu. Sulal᷊ummu moṛṛongngu inassa udde, i'o sarun maasomba roitta apan botongnge ipamaekka wosen kadua. Anute roitta udde wuṛṛu waeṛṛete si mangitou wosen kite hunan Bal᷊e Mawu.”

AMOS 7:10

Amazia, imam su Betel, nangirimmu aalae si Yerobeam ratun Israel, “Amos tantal᷊anna ma'iren tumanangnge tadea'u lumawangnga si Tuangnga. Manga hattone apan mammono'a tumana'u soa pangillul᷊eanne wanua indi maṛṛimunsa'a.

DARALO 35:11

Manga matatiala lal᷊eo dirumarisikka lumawangnga si ya'u, wuṛṛu nangansilla manungku i ya'u na'ola'a manga inolaanna apan awaganangku.

1 MARARATU 18:17

Sutempo i Ahab naasilo si Elia, i Ahab nangintul᷊i, “Indete i tou mangangal᷊iba'ukka su Israel!”

MATIUS 27:11

Su tempo Mawu Yesus sinumaruanna Pilatus, gubernure su wanua udde, i Pilatus naiwal᷊o, “Apa i'o ratun taumatan Yahudi?” “Ere su wisaranu,” sinimbakku Mawu Yesus.

MARKUS 15:2

Pilatus naiwal᷊o Mawu Yesus, “Atonna I'o ratun taumatan Yahudi?” “Aroddi ere su wisaranu,” sasimbakku Mawu Yesus.

YOHANES 18:29

Ana waugu udde i Pilatus sinumabangnga ringanni mangitou wuṛṛu naiwal᷊o, “Apa alaenu su ola'u taumata indi?”

ROMA 13:7

Nariaddi waeṛṛete su tembonanne apa apan ṛinone tuṛṛangnga mamaekka si tou. Waeṛṛete wose, amungkangngu tuṛṛangnga ṛinone mamaekka wose, wuṛṛu waeṛṛete beane amungkangngu tuṛṛangnga ṛinone mamaekka bea. Imbei i mangitou apan ṛinone imbeanna wuṛṛu aaddatewe i mangitou apan ṛinone addatanna.