LUKAS 23:16 - WUKE SUSI WATTI'U AL᷊AL᷊USASSA

¹⁶ Ana waugu udde ya'u sarun manggesekka si Tou wua'udde i Tou ipallossa.” [

LUKAS 23:16 Referans Kwoze

MATIUS 27:26

See i Pilatus namallose m Barabas si mangitou, wuṛṛu nandolokku taumata namuulla Mawu Yesus; wuṛṛu nanantilli Tou niapaarussa.

LUKAS 23:22

See su atallune i Pilatus nabbisara si mangitou, “Arawe apa pasasal᷊ane? I ya'u tawe naasomba saran sambau pasasal᷊ane apan ṛinone iṛṛuumanna ringannu ṛuumanna pateanna! I ya'u manggesekka si Tou wua'udde ipallossa.”

MARKUS 15:15

I Pilatus maapulu mappa'al᷊uassu taumata nambo udde, ne i tou namallossen Barabas si mangitou. Wua'udde i tou nandolokku taumata namuulla Mawu Yesus see tinantilli tou iapaarussa.

WATTI'U MANGA RASUL 16:37

Arawe i Paulus nabbisara su manga polisi udde, “I yami tumana'u Roma. Taambe niparikisanna i yami suete nipuulla su saruannu awada'alla wuṛṛu tinaṛṛo sulal᷊ummu tuttupanna. Wuṛṛu orassa indi i mangitou mandolokki yami mapul᷊e ringannu mal᷊anna-l᷊annaba? I yami maddiri! Dol᷊oṛṛa'a manga piaṛṛa'u pamarenta udde rumanta sassane isindi mamallosi yami.”

YESAYA 53:5

Arawe i tou nilessa ana waugu manga rosan kite, wuṛṛu nipuulla ana waugu al᷊al᷊eo kite. I Tou niṛṛuumanna tadea'u i ite masal᷊amatta, ana waugu manga apapiane i ite niapa'apia.

LUKAS 6:37

“Imbaṛṛangnga maṛṛuungngu taumata waine, tadea'u i yamiu lai sassane tawe iṛṛuungngu Ruata. Imbaṛṛangnga maṛṛuumannu taumata waine, tadea'u i yamiu sassane tawe iṛṛuumannu Ruata. Ampungete taumata waine, tadea'u Ruata lai mangampungnga si yamiu.

LUKAS 23:17

Suapan allo rameam Paskah, i Pilatus ṛinone mammallossu sangkatou taumatan ṛuumanna su tumana'u soa.]