LUKAS 20:47 - WUKE SUSI WATTI'U AL᷊AL᷊USASSA

⁴⁷ I mangitou mammahia manga wawine wal᷊u wuṛṛu mangngaṛṛo wal᷊ene. Wuṛṛu see al᷊al᷊eo mangitou tawe asingkatanna, i mangitou u'al᷊iomanna mal᷊o'e-l᷊o'engnga! Ṛuumanni mangitou mawakkatta!”

LUKAS 20:47 Referans Kwoze

MARKUS 12:40

I mangitou mallinga manga wawine wal᷊u wuṛṛu mangngaṛṛo wal᷊ene. Wuṛṛu ana see maapamunin al᷊al᷊eo mangitou udde, i mangitou u'al᷊iomanna mal᷊o'e-l᷊o'engnga. Ṛuumanni mangitou sal᷊immurine udde mawakkatta!”

YAKOBUS 3:1

Manga tuṛṛangnga! Arie tumaniten manambo wuassu wallatti i yamiu maapulu maola'a huru. I yamiu masingkata manungku i ite apan naola'a huru sarun parikisanna ringannu nangillembo wuassu taumata waine.

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.

LUKAS 12:1

Su ṛiwune taumata mangke uasaseppe'a na'oman sara piaddu niaṛṛindanna leddane. Tantal᷊anna manga taumata udde uaṛṛimpulunna, Mawu Yesus nabbisara su manga mallal᷊aṛṛenggen-Ne, “Paatehamma su ragin taumata Farisi, pandumang-Ku, lilangkamal᷊e'i mangitou.

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

MIKHA 3:2

Arawe i yamiu lembon maddantinnu apapia, wuṛṛu apapia, wuṛṛu mal᷊uassa ringannu al᷊al᷊eo. Walahangku niluussi yamiu ta'e wiakka, wuṛṛu i yamiu naṛṛaen ṛemessi mangitou manga duṛṛine.

MIKHA 2:8

Mawu sinumimbakka, “Ete i yamiu apan namangalo uma-U ere seetta. Taumata nawelengnga wuassu pangalo ringannu antimma sarun mapendamma atatamudda su wal᷊ene, wutte'e poiaroddi i yamiu erete ual᷊aṛṛaddo mangaṛṛo wal᷊ene.

AMOS 2:7

I mangitou mangngallangnga taumata lome wuṛṛu tawe maal᷊ore, wuṛṛu nallinbuakka taumata asiangnga. Iamangnga wuṛṛu ana'a natatamban allangnga wawine apan uasul᷊ungnga, na'oman sara nandal᷊eo arang-Ku, apan susi.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

YESAYA 10:2

Ringannu olangnge udde i yamiu mannal᷊awa'u taumata asiangnga maasomba hakkane wuṛṛu atatul᷊idde, wuṛṛu nangaṛṛo darotongngu manga wawine wal᷊u asisitimpal᷊ussa.

1 TESALONIKA 2:5

I yamiu sassane masingkata manungku tawe saran paassa i yami nassal᷊o'a ara'e nangawusu si yamiu ipamunin pandumma apan lal᷊eo udde. Ruata mattatialane!

MIKHA 2:2

Amungkangngu i mangitou maapulun sambau wawail᷊anna, i mangitou sarun mangaṛṛo. Amungkangngu i mangitou maapulu sambau wal᷊en, i mangitou manganu wal᷊en udde. Mawae darotongnga ara'e lai amonanna, taweddu matamudda.

YEHEZKIEL 22:7

Tawe saran sangkatou wuassu tumanangngu mangaddata hagurangnge. I'o mammahia taumata raho wuṛṛu manganu untungnge wuassu asasusan bawine wal᷊u wuṛṛu asisi timpal᷊ussa.

MATIUS 23:14

Nasilakate i yamiu manga hurun agama wuṛṛu manga taumatan Farisi: I yamiu taṛṛa lilangkamal᷊e'a. I yamiu mangngawusu manga wawine wal᷊u wuṛṛu mangngaṛṛo wal᷊ene wuṛṛu tadea'u maawunin al᷊al᷊eo udde, i yamiu u'al᷊iomanna mal᷊o'e-l᷊o'engnga. Ana waugu udde ṛuumanni yamiu sal᷊immurine awakkatanne!]

LUKAS 20:46

“Paatehamma su manga hurun agama. I mangitou apulune u'amatta ualuṛṛen jubah mal᷊o'e, wuṛṛu mal᷊utu a'addatanna su manga pasakka. I mangitou mal᷊utu su manga tampa mawantuga sulal᷊ummu wal᷊em pattataṛṛamawuanna wuṛṛu su manga andeangnga.

LUKAS 21:1

Su Wal᷊e Mawu, Mawu Yesus naasilo manga taumata ala nantaṛṛon roitta sulal᷊ummu tampan roitta.