LUKAS 20:42 - WUKE SUSI WATTI'U AL᷊AL᷊USASSA

⁴² Sumbal᷊i Daud sassane nabbisara sulal᷊ummu wuke Mazmur, ‘Mawu nabbisara su Mawu'u: A'iante su samba'a uanang-Ku,

LUKAS 20:42 Referans Kwoze

DARALO 110:1

Daralon Daud. Mawu nabbisara si tuangku, “A'iante su samba'a uanang-Ku, ma'oman sara manga seennu Ta'u iapasuṛṛubbawa si'o.”

IBRANI 1:13

Tawe saran paassa Ruata nabbisara arendi su saran sangkatou mala'ekatta, “Aiana'e su samba'a uanang-Ku, ma'oman sara manga seennu Ta'u iapaasubba Si'o.”

1 KORINTUS 15:25

Kristus ṛinone sidutu uaparenta ma'oman sara Ruata ma'ola'a seetti Kristus massuṛṛubawa si Kristus.

LUKAS 24:44

Wua'udde i Tou nabbisara si mangitou, “Ete indi manga inolaanna apan suete Ta'u niwal᷊o si yamiu su tempo i Ya'u ta'e su sambau ringanni yamiu manungku manga inolaanna apan uawoṛṛetta matataṛṛino si Ya'u sulal᷊ummu manga wuke Musa, Manga Nabi, wuṛṛu Mazmur, ṛinone matipussa.”

IBRANI 3:7

Ana waugu udde, ere su wisaran Ghaṛṛahon Ruata, “Amungkangu su allo indi yamiu maaringikka tingikku Ruata,

WATTI'U MANGA RASUL 1:20

“Ana sulal᷊ummu Wuke Mazmur uawoṛṛetta arendi, ‘Wala'e atatanaan-Ne maola'a mal᷊annaba; arie piaddu sangkatou matana'a sulal᷊umme.’ Pia uawoṛṛetta arendi lai, ‘Wala'e aianan-Ne anuannu taumata waine.’

LUKAS 20:43

ma'oman sara i Ya'u ma'ola'a manga seen-Nu massuṛṛubawa Si'o.’