LUKAS 19:42 - WUKE SUSI WATTI'U AL᷊AL᷊USASSA

⁴² Wisara-Ne, “Ma'a'akkanna, apia eteapa amungkangngu allo indi i'o maasingkatta apa apan botongnge mandantam padarame! Arawe orassa indi i'o tawe maasilo.

LUKAS 19:42 Referans Kwoze

TAHIUL᷊E 32:29

Unnu wisara i mangitou pande, i mangitou sarun maasunna, wuṛṛu maṛṛingiddu panguddusannu allon mangitou.

IBRANI 3:15

Ete indi apan uawoṛṛetta sulal᷊ummu Wuke Susi, “Amungkangu su allo indi yamiu naaringikka tingikku Ruata, imbaṛṛanga i yamiu tawe madaringikka, ere iupungngu al᷊amona, su tempo i mangitou lullawangnga Ruata.”

YESAYA 48:18

Unnuwisara i'o maddaringikka manga parenta-U, ne lal᷊umannangu naal᷊ihidda sal᷊ukka apan tawe mamara, wuṛṛu auntungannu ere lua'a su tahal᷊oangnga apan tawe illol᷊one.

WATTI'U MANGA RASUL 10:36

Manga tuṛṛangnga masingkate lal᷊oṛṛon watti'a apan niapaasingkattu Ruata su walahannu Israel. Eteudde Watti'u Al᷊al᷊uassa su ola'u padarame sulal᷊ummu Mawu Yesus Kristus, eteudde Mawun anambon taumata.

YESAYA 55:6

Pabbelengke ringannu Mawu tantal᷊anna ta'e wotongnge; pailelarete si Tou tantal᷊anna i Tou ta'e marani.

IBRANI 3:13

Nariaddi, tadea'u tawe saran sangkatou wuassu wallatti yamiu apan awono'annu rosa na'oman sara lumawangke Ruata, ṛinone i yamiu uatataggu su miallo-miallo tantal᷊anna i ite ta'e mabbiakka su tempo apan isassago “Allo Indi” sulal᷊ummu Wuke Susi.

LUKAS 19:44

I mangitou sarun maṛṛimunsa'a si'o wuṛṛu anambon tumanangngu; wuṛṛu tawedu saran sambau itantangngi mangitou watu uaatokka su tampane, ana waugu i'o tawe manutukka tempone Ruata rumanta manal᷊amatta si'o!”

WATTI'U MANGA RASUL 13:46

Arawe ringannu lembon waṛṛani lai i Paulus wuṛṛu i Barnabas nabbisara uahahati. I mangitou nabbisara, “Wisaran Ruata atonna ṛinone iwal᷊o si yamiu rorone. Arawe ana waugu i yamiu maddiri madaringikka, i yamiu suete namile sassane manungku i yamiu tawe ṛinone manengkamma wiakka tutune wuṛṛu saran mal᷊annu-l᷊annu. Wuṛṛu orassa indi yami manantangngi yamiu wuṛṛu inaite ringannu walahanna waine.

YEHEZKIEL 33:11

Wal᷊oa'a si mangitou manungku sulal᷊ummu arang-Ku, Ruata apan biakka, Mawu Apan Atanggaṛṛanne, i Ya'u tawe mal᷊uassa amungkangngu taumata lal᷊eo mate; arawe i Ya'u mappulu manantangngu manga rosane tadea'u i tou sidutu wiakka. Ei walahannu Israel, uddita'e ma'ola'a rosa! Anio i yamiu mappulu nate?

YESAYA 44:18

Tumaniten boddo manga taumata ereudde! I mangitou mannutubbu mata wuṛṛu naungngi mangitou na'oman sara tawe maasunna manga apa.

IBRANI 3:7

Ana waugu udde, ere su wisaran Ghaṛṛahon Ruata, “Amungkangu su allo indi yamiu maaringikka tingikku Ruata,

DARALO 81:13

Ana waugu udde i mangitou niwala'u tawe maddaringikka; wala'e i mangitou mappaamattu apulun naungnge sassane.

DARALO 32:6

Ana waugu udde suapan taumata susi ṛinone umal᷊iomanna sutempo mamendamma asasusa, na'oman sara amungkangngu manawangngu asasusa rumanta, i tou tawe aeleṛṛanne.

TAHIUL᷊E 5:29

Ore amungkangngu i mangitou sidutu uapendamma aroddi! Ore amungkangngu i mangitou sidutu mangngadatta si Ya'u wuṛṛu tuttuṛṛutta anambon tita-U, na'oman sara i mangitou wuṛṛu papapulunni mangitou su al᷊al᷊uassa saran mal᷊annu-l᷊annu!

YEREMIA 13:17

Amungkangngu i'o tawe maddaringikka, i ya'u sarun lumuai tawe tingikke. Ringannu apendamma massusa ta'u luaianna awawunganu udde. Allo mata'u mangngelekka ana waugu umattu Mawu niapidda naola'a atawanna.

LUKAS 19:41

Su tempo Mawu Yesus maraniten Yerusalem, wuṛṛu naasilote soa udde, i Tou nilumuain Yerusalem.

LUKAS 19:43

I'o sarun maapendamma su sambau tempo, suapan manga seennu ma'ola'a anambon asasusa su pabbiaṛṛannu miallo-miallo; i mangitou sarun mamangalo malliwunna si'o wuṛṛu manessengngu wuassu al᷊awo'u pabbuuanne.