LUKAS 18:21 - WUKE SUSI WATTI'U AL᷊AL᷊USASSA

²¹ “Anambon parenta udde suete ta'u niola'a ro'en i ya'u ta'e dario'a,” unnu taumata udde.

LUKAS 18:21 Referans Kwoze

FILIPI 3:6

I ya'u lembon mammanara maṛṛimada na'oman sara i ya'u mammate jamaatta. Amungkangu ellehanna wuassu titan agaman Yahudi, ya'u sangkatou taumata mapia apan tawe sal᷊ane.

LUKAS 15:7

Ne, aroddi lai su surga pia al᷊al᷊uassa apan bahewalla su sangkatou apan marosa nawal᷊u wuassu rosane, wuassu siom pul᷊o sio taumata apan mapiate wuṛṛu tate lai iwata'a mawal᷊u wuassu rosane.”

LUKAS 15:29

Arawe i tou nabbisara, ‘Ringannu tonnane al᷊annune i ya'u mammanara ringanni Iamangnga. Taambe saran paassa i ya'u nilumawangnga parentan Iamangnga. Apate nionggolli Iamangnga si ya'u? Ambingnga sambau lai taambe nionggolli Iamangnga si ya'u ipa'ola'a andeangnga ringannu manga hawe'u!

LUKAS 18:20

I'o masingkatte manga parentan Ruata: ‘Arie passandaga, arie pamate, arie panna'o, arie mattiala awusu, wuṛṛu pangaddatta iamangngu wuṛṛu inangngu.’ ”

LUKAS 18:22

Naaringikka udde, Mawu Yesus nabbisara, “Ta'e pia lai sambau sarun olaannu: Wal᷊ua'e anambon darotongngu, onggol᷊a'e roinne su taumata asiangnga, ne i'o sarun maasomba darotongnga su surga. Wua'udde rantate wuṛṛu tantalongke si Ya'u.”