LUKAS 18:12 - WUKE SUSI WATTI'U AL᷊AL᷊USASSA

¹² I ya'u paarua mappuasa sulal᷊ummu sangkamisa, wuṛṛu i ya'u mangngonggolu sambau wuassu mapul᷊o anambon asombangku!’

LUKAS 18:12 Referans Kwoze

LUKAS 11:42

Nasilakate i yamiu manga taumatan Farisi! Wuan sinuanannu ere salasih wuṛṛu inggu wuṛṛu rampa-rampa waine, i yamiu mangngagillu sambageanganna su Ruata, arawe atatul᷊idda wuṛṛu darangngu su Ruata tawe ia'ola'i yamiu. Sumbal᷊i eteudde ṛinone olaanni yamiu, ringannu tawe manantangngu atoranna waine lai.

MATIUS 9:14

Wua'udde mallal᷊aṛṛenggenni Yohanes Mananaṛṛani nirumanta ringannu Mawu Yesus. See i mangitou naiwal᷊o, “Anio i yami wuṛṛu manga taumatan Farisi mappuasa arawe mallal᷊aṛṛenggenni Iamangnga tawe?”

LUKAS 17:10

Aroddi lai yamiu. Amungkangngu i yamiu suete tinumuṛṛutta anambon manara nirolokka si'o, wal᷊oa'e, ‘I yami tumba'u mangangimbe wiasa; i yami tumba'u ma'ola'a manarang kami.’ ”

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.

MATIUS 6:1

“Naungete, arie i yamiu ma'ola'a tatuṛṛuttu agama su saruannu awadaalla tadea'u ellehannu taumata. Amungkangngu i yamiu ma'ola'a aroddi, i yamiu tawe onggol᷊annu lal᷊antakke wuassu Iamangngu su surga.

MALEAKHI 3:8

Orasa indi i Ya'u maiwal᷊o si yamiu: Wotongngewe taumata mamahia Ruata? Asingka udde tawe. Arawe i yamiu namahia si Ya'u lai. I yamiu ma'iwal᷊o, ‘Ereapa?’ Sasimba-U: Sulal᷊ummu olangnge mammaekka sepeṛṛe mapul᷊o wuṛṛu mangngonggollu sasamba.

GALATIA 1:14

Sulal᷊ummu mappaamattu agaman Yahudi, ya'u nangillembo wuassu anambon taumatan Yahudi apan santuwo'u. I ya'u maṛṛimada su ola'u manga inolaannu addatu iupungngu al᷊amonan kami.

1 KORINTUS 1:29

Ringannu aroddi tawe saran sangkatou mamungan watanganne su saruannu Ruata.

ROMA 3:27

Ana waugu udde tate lai pangaiananne i ite mamunga. Anio aroddi? Ana waugu i ite tuttuṛṛutta apa apan uawoṛṛetta sulal᷊ummu titan agama Yahudi? Wal᷊ine, Arawe ana waugu i ite mangngimanna.

MATIUS 6:16

“Amungkangngu i yamiu mappuasa, imbaṛṛangnga massusa ere taumata apan apulune mammahia. I mangitou mammal᷊u hatine tadea'u anambon taumata maasingkatta manungku i mangitou mappuasa. Paanaunge, eteudde lal᷊antakke apan suete nisengkammi mangitou.

MATIUS 6:5

“Amungkangngu i yamiu umal᷊iomanna, imbaṛṛangnga ere manga taumata ma'ola'a awusu. I mangitou u'al᷊iomanna lapiddu uarisikka su wal᷊em pattataṛṛamawuanna wuṛṛu su pengan dal᷊anna, tadea'u iasilon taumata. Paanaunge, eteudde lal᷊antakke apan suete nisengkammi mangitou.

YESAYA 1:15

Amungkangngu i yamiu mamatten limanu waugu umal᷊iomanna, i Ya'u maddiri maddaringikka. Tawe pandumme sangkurate anambone aal᷊iomannu, i Ya'u maddirite maddaringikka, ana waugu ringannu limanu udde i yamiu manambote namate.

2 MARARATU 10:16

lapiddu nabbisara, “Wette tantalongke wuṛṛu pa'ellege sassane ereapa aṛṛimadde i ya'u massubba Mawu.” Ana see itarua suadio'a sinuma'e kereta watukku Samaria.

1 SAMUEL 15:13

Sutempo i Samuel nassombaten Saul, i Saul nabbisarate si tou, “Doronganna Mawu mangal᷊amatta si Papa! I ya'u buatte napaamattu parentan Mawu.”

REENGANNA 23:4

wuṛṛu isudde Ruata nirumanta ringanni tou. Unni Bileam su Ruata, “I ya'u buatte napararisikku pitu mezbah wuṛṛu nangonggolu sambau sapi esakka wuṛṛu sambau domba esakka su wowon manga mezbah udde.”

REENGANNA 18:24

ana waugu wageangngu pussa'an mangitou, i Ya'u buatte nangonggolu al᷊awo'u sasamba samban wuassu mapul᷊o saranapa apan nionggolu taumatan Israel si Ya'u maola'a aonggola niṛṛae. Ana waugu udde su ola'u taumatan Lewi i Ya'u mabbisara manungku i mangitou tate maasomba wageangnga pussa'a su Israel.”

MATIUS 5:20

Nariaddi, naunge: I yamiu tawe maola'a al᷊aṛṛana'u Mawu, amungkangngu i yamiu tawe manampal᷊iu manga hurun agama wuṛṛu manga taumatan Farisi sulal᷊ummu ma'ola'a inolaanna ara'e apulun Duata.”