LUKAS 18:11 - WUKE SUSI WATTI'U AL᷊AL᷊USASSA

¹¹ Taumatan Farisi udde nirumarisikka sassane wuṛṛu inumal᷊iomanna, ‘O Ruata, i ya'u maadiangkamanna Si'o, ana waugu i ya'u tawe ere taumata waine, apan wal᷊iu, taṛṛa l᷊inga ara'e masandaga. I ya'u ma'adiangkamanna ana waugu i ya'u tawe ere madarorongnga wose udde.

LUKAS 18:11 Referans Kwoze

MATIUS 6:5

“Amungkangngu i yamiu umal᷊iomanna, imbaṛṛangnga ere manga taumata ma'ola'a awusu. I mangitou u'al᷊iomanna lapiddu uarisikka su wal᷊em pattataṛṛamawuanna wuṛṛu su pengan dal᷊anna, tadea'u iasilon taumata. Paanaunge, eteudde lal᷊antakke apan suete nisengkammi mangitou.

SONDAPPA 3:17

I yamiu mabbisara, ‘I yami ala wuṛṛu al᷊awo'a mangke pia; i yami tawe urangnge apa-apa.’ Arawe i yamiu wagga aroddi aasiangnge wuṛṛu aroddi maasusa ririnu! I yamiu asiangnga, tantol᷊e wuṛṛu wuta.

YESAYA 65:5

I mangitou mabbisara ‘Roote paarau, arie pangeṛṛetta si yami ana waugu i yami na'ukkassa wuṛṛu uaṛṛae wuassi yamiu!’ I Ya'u tawe maaṛṛaddanna maasilo pallal᷊aghu mangitou! Asasa'u-U si mangitou naal᷊ihidda putungnga apan tawe mappaddumma.

YEREMIA 2:35

i yamiu mabbisara manungku i yamiu tawe sal᷊ane, manungku i Ya'u tate lai masa'u si yamiu. Arawe i Ya'u Mawu, sarun makkuumanni yamiu ana waugu i yamiu maddiri manga'u manungku i yamiu nassal᷊a.

MARKUS 11:25

Wuṛṛu amungkangngu i yamiu umal᷊iomanna; arawe naungngi yamiu tawe mal᷊uassa su sangkatou taumata, ampungnge asuene taumata udde, tadea'u Iamangngu su surga lai mangampungnga manga rosanu. [

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

LUKAS 20:47

I mangitou mammahia manga wawine wal᷊u wuṛṛu mangngaṛṛo wal᷊ene. Wuṛṛu see al᷊al᷊eo mangitou tawe asingkatanna, i mangitou u'al᷊iomanna mal᷊o'e-l᷊o'engnga! Ṛuumanni mangitou mawakkatta!”

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

YEREMIA 2:28

Suapate manga warahalanu apan niola'i yamiu udde? Napawe pia asasusa, doloṛṛa'e i mangitou manal᷊amatta si yamiu, amungkangngu i mangitou wotongnge! Ei Yehuda, manga mongannu anambone ere manga soanu!

YESAYA 58:2

I mangitou massubba si Ya'u miallo-miallo, wuṛṛu maapulu maasingkatta apulu-U, paṛṛimaunapa i mangitou ma'ola'a apapia, wuṛṛu satia su tita-U. I mangitou mabbisara manungku i mangitou mal᷊uassa massubba si Ya'u wuṛṛu maapulun tita-Ku apan matul᷊idda.”

DARALO 135:2

apan mattaṛṛamawu su Wal᷊en Mawu tatanaannu Ruatan kite.

DARALO 134:1

Aantarin patatembo. Wette, paddalote Mawu, ei anambon allangngu Mawu, sarangkanambone apan mattaṛṛamawu su Wal᷊en-Ne sutempo ṛabbi.

FILIPI 3:6

I ya'u lembon mammanara maṛṛimada na'oman sara i ya'u mammate jamaatta. Amungkangu ellehanna wuassu titan agaman Yahudi, ya'u sangkatou taumata mapia apan tawe sal᷊ane.

YESAYA 1:15

Amungkangngu i yamiu mamatten limanu waugu umal᷊iomanna, i Ya'u maddiri maddaringikka. Tawe pandumme sangkurate anambone aal᷊iomannu, i Ya'u maddirite maddaringikka, ana waugu ringannu limanu udde i yamiu manambote namate.

AMSAL 20:6

Manambo taumata apan mangnga'u watanganne hawe, arawe apan atonna-tonna satia, masahadda paddeaanne.

AMSAL 30:12

Pia taumata apan massunna watanganne na'ukkassa wutte'e i tou marosa atonna.

MATIUS 5:20

Nariaddi, naunge: I yamiu tawe maola'a al᷊aṛṛana'u Mawu, amungkangngu i yamiu tawe manampal᷊iu manga hurun agama wuṛṛu manga taumatan Farisi sulal᷊ummu ma'ola'a inolaanna ara'e apulun Duata.”

MATIUS 10:3

Wua'udde i Filipus wuṛṛu i Bartolomeus, see i Tomas, see i Matius, mallal᷊uṛṛu wose, see i Yakobus ana'i Alfeus, wuṛṛu i Tadeus;

LUKAS 22:41

Wua'udde i Tou nangindau adio'a wuassi mangitou, iraṛṛangngo araune paassa panuntungannu watu,