LUKAS 18:1 - WUKE SUSI WATTI'U AL᷊AL᷊USASSA

¹ Wua'udde Mawu Yesus nabbati'u sambau sasumandingnga ipangaṛṛa'a manga mallal᷊aṛṛenggen-Ne tadea'u i mangitou sidutu u'al᷊iomanna wuṛṛu tawe ma'adio'a naungnge.

LUKAS 18:1 Referans Kwoze

KOLOSE 4:2

Ṛinone i yamiu umal᷊iomanna ringannu ma'uddupa wuṛṛu maantaga, lapiddu maadiangkamanna su Ruata.

ROMA 12:12

Ṛinone i yamiu mangngantimma Mawu ringannu mal᷊uassa, paasabare sulal᷊ummu asasusa, wuṛṛu paaṛṛimadda umal᷊iomanna.

1 TESALONIKA 5:17

wuṛṛu sidutu u'al᷊iomanna.

FILIPI 4:6

Arie paasinggawanga su ola'u manga apa. Sulal᷊ummu al᷊awo'u inolaanna, aal᷊iomante wuṛṛu paddorongke su Ruata. Apa apan ipaapulun kamiu, wal᷊oa'e udde sidutu su Ruata ringannu wisara aadiangkamanna.

EFESUS 6:18

Ola'e sarangkanambone udde, lapiddu u'al᷊iomanna maddorongnga tul᷊ungannu Duata. Su al᷊o'engngu tempo, aal᷊iomante su ereapa Ghaṛṛahon Duata ua'ehetta si yamiu. Ṛinone i yamiu sidutu uatehamma wuṛṛu arie i yamiu mangillol᷊o. Aal᷊iomante sidutu hunan anambon al᷊aṛṛana'u Ruata.

YEREMIA 29:12

Ne i yamiu sarun maiontolla si Ya'u. I yamiu sarun dumanta umal᷊iomanna si Ya'u, wuṛṛu i Ya'u sarun sumimbakka aal᷊iomannu.

LUKAS 21:36

Paariagate, wuṛṛu sidutu a'al᷊iomanna tadea'u i yamiu matohassa mamipen al᷊awo'u hatto apan sarun mariaddi wuṛṛu i yamiu wotongnge sumaruanna Ana'u Taumata.”

GALATIA 6:9

Ana waugu udde arie i ite mawusa ma'ola'a manga inolaanna mapia; ana waugu amungkangu i ite tawe illol᷊one mammanara manara udde su paassa i ite sarun mangitingnga wuane.

DARALO 86:3

Ete I'o Ruata'u, akkanaawe i ya'u oh Mawu, ana waugu su al᷊o'engngu allo i ya'u u'al᷊iomanna Si'o.

DARALO 102:17

napawe Mawu mapararisikku Sion apia, wuṛṛu rumanta sulal᷊ummu awawantu-Ge.

2 KORINTUS 4:1

I yami ma'ola'a manara indi ringannu ahewallu naungngu Ruata. Ana waugu udde i yami tawe mangillol᷊o.

KOLOSE 4:12

Tabea wuassi Epafras. I tou lai wuassu walahannu. I tou allangngi Kristus Yesus, apan sidutu u'al᷊iomanni yamiu ringannu maṛṛimadda. I tou sussal᷊ande Ruata tadea'u pangangimannu mabal᷊i matohassa wuṛṛu i yamiu atonna-tonna natimmaddete, tadea'u i yamiu lai nasuungnga tuttuṛṛuta apulun Duata.

DARALO 65:2

Ṛinone i yami maddalo Si'o su Sion, oh Ruata, wuṛṛu manipussa paairen kami Si'o.

DARALO 27:13

I ya'u mangimanna manungku sarun mamendamma apapian Mawu sulal᷊ummu wia'u su runia indi.

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

YESAYA 62:7

I mangitou tawe wotongnge mamal᷊an Tou mal᷊annabba tantal᷊anna i Tou taambe namangunna apia Yerusalem, wuṛṛu olaanne tumelengnga su ahewallu runia.

1 SAMUEL 1:12

Mal᷊annu atonna i Hana u'al᷊iomanna, wuṛṛu i Eli mannutukka moṛṛongngu wawine udde.

LUKAS 11:10

Ana waugu taumata apan nadorongnga sarun manengkamma, taumata apan maddea'a sarun maasomba, wuṛṛu taumata apan mannengkella sarun pamu'anna ngara.