LUKAS 16:15 - WUKE SUSI WATTI'U AL᷊AL᷊USASSA

¹⁵ Arawe Mawu Yesus nabbisara si mangitou, “Ete i yamiu taumata apan su saruannu taumata waine ellehanna mapia, arawe Ruata masingkattu lal᷊oṛṛo naungngu. Ana waugu apa apan sassunnannu taumata matanggakka, su aellegu Ruata udde mawawo.

LUKAS 16:15 Referans Kwoze

1 SAMUEL 16:7

Arawe Mawu nabbisara si Samuel, “Arie i'o umanggangu al᷊aṛṛamage wuṛṛu wadangnge mal᷊angkassa; wal᷊ine i tou Ta'u pileanna. I Ya'u tawe ma'ellega wa'ikke, arawe i Ya'u ma'ellega naungnge.”

AMSAL 21:2

Suapan inolaannu taumata asinungka mapia sulal᷊ummu aellege sassane, arawe tumba'u Mawu apan masingkattu naungnge.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

AMSAL 16:5

Anambon taumata mawunga ipaddantinnu Mawu; i Tou tawe namalan mangitou mal᷊iu wuassu ṛuumanna.

WATTI'U MANGA RASUL 15:8

Wuṛṛu Ruata apan masingkattu naungngu taumata suete napaal᷊iatta'a manungku i Tou manengkamma si mangitou; i Tou napaal᷊iatta'u olangnge udde ringannu nangonggolu Ghaṛṛahon Ruata si mangitou ere lai suete nionggolla si ite.

1 PETRUS 3:4

Arawe ṛinone araṛṛamagu lumapputa wuassu lal᷊ummu naungngu, pallal᷊agunu apan masaṛṛionto'a wuṛṛu matammuda; ana eteudde araṛṛansangnga apan tawe panginsueanne wuṛṛu lembon maarega su aellegu Ruata.

LUKAS 11:39

Ana waugu udde Mawu nabbisara si tou, “Atonna yamiu manga taumatan Farisi ninumaramma mammaresi mangko wuṛṛu lama'a tumba'u su liudde, arawe sulal᷊ummu watangannu napene lal᷊awangnga wuṛṛu al᷊al᷊eo.

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

LUKAS 10:29

Arawe hurun agama udde maddiri mapaasal᷊an ririne. I tou naiwal᷊o, “Isai sansul᷊ungku udde?”

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”

ROMA 3:20

Ana waugu tawe saran sangkatou apan wotongnge maaukka apia ringannu Ruata ana waugu taumata udde tuttuṛṛutta manga inolaanna sulal᷊ummu titan agama. Arawe tita udde tumba'u mammasingkata su taumata manungku taumata udde marosa.

YOHANES 2:25

Taumata salaiwe tate manal᷊a'a si Tou su ola'u isai-sai, ana waugu i Tou sassane masingkatta apa apan uataṛṛo su naungngu taumata.

MATIUS 23:5

Sarangkanambone apan niola'i mangitou tumba'u iapa'ellega su taumata. I mangitou malluṛṛen tal᷊in aal᷊iomanna apan mal᷊ala-l᷊alakka wuṛṛu mal᷊o'engnga uatungkele su jubah mangitou!

LUKAS 18:21

“Anambon parenta udde suete ta'u niola'a ro'en i ya'u ta'e dario'a,” unnu taumata udde.

AMSAL 20:6

Manambo taumata apan mangnga'u watanganne hawe, arawe apan atonna-tonna satia, masahadda paddeaanne.

LUKAS 18:11

Taumatan Farisi udde nirumarisikka sassane wuṛṛu inumal᷊iomanna, ‘O Ruata, i ya'u maadiangkamanna Si'o, ana waugu i ya'u tawe ere taumata waine, apan wal᷊iu, taṛṛa l᷊inga ara'e masandaga. I ya'u ma'adiangkamanna ana waugu i ya'u tawe ere madarorongnga wose udde.

DARALO 7:9

I'o makkungngu umattu taumata; i ya'u onggol᷊eten atatul᷊idda, oh Mawu, ana waugu i ya'u tawe sal᷊ane.

2 TAWARIKH 6:30

antimanna I'o sulal᷊ummu atatanaan-Nu su surga maddaringikka lapiddu mangampungnga si mangitou. Tumba'u I'o masingkattu lal᷊ummu naungngu taumata. Ana waugu udde ṛuumana'e suapan taumata tumuṛṛuttu manga inolaanne,

WATTI'U MANGA RASUL 1:18

I Yudas indi suete naasomba leta'u lal᷊abinganne wuassu lal᷊antakku ala'uanne apan dal᷊eo. I tou nanawo wuṛṛu nate ringannu tianne nawasse na'oman sara lal᷊oṛṛon sinangngone sinumabangnga.

LUKAS 20:47

I mangitou mammahia manga wawine wal᷊u wuṛṛu mangngaṛṛo wal᷊ene. Wuṛṛu see al᷊al᷊eo mangitou tawe asingkatanna, i mangitou u'al᷊iomanna mal᷊o'e-l᷊o'engnga! Ṛuumanni mangitou mawakkatta!”

LUKAS 20:20

Nariaddi i mangitou maddea'a tempone mapia. I mangitou nangonggolu roitta su taumata iapaatanno lihiddu taumata matul᷊ida, wuṛṛu nandolokku manga taumata udde mapaasal᷊a Mawu Yesus ringannu manga aiwal᷊o, tadea'u i mangitou wotongnge manantilli Tou su apulu wuṛṛu taṛṛinon gubernure.

MATIUS 6:16

“Amungkangngu i yamiu mappuasa, imbaṛṛangnga massusa ere taumata apan apulune mammahia. I mangitou mammal᷊u hatine tadea'u anambon taumata maasingkatta manungku i mangitou mappuasa. Paanaunge, eteudde lal᷊antakke apan suete nisengkammi mangitou.

MATIUS 6:5

“Amungkangngu i yamiu umal᷊iomanna, imbaṛṛangnga ere manga taumata ma'ola'a awusu. I mangitou u'al᷊iomanna lapiddu uarisikka su wal᷊em pattataṛṛamawuanna wuṛṛu su pengan dal᷊anna, tadea'u iasilon taumata. Paanaunge, eteudde lal᷊antakke apan suete nisengkammi mangitou.

MATIUS 6:2

Nariaddi, amungkangngu i yamiu mangagillu aonggolla su taumata asiangnga, arie mangke itattunggalla darangngu udde, ere a'olaannu taumata lilangkamal᷊e'a. I mangitou maapulu ma'ola'a udde sulal᷊ummu wal᷊em pattataṛṛamawuanna, su lal᷊anna, tadea'u raloannu taumata. Naungete, i mangitou suete nanengkamma lal᷊antakke.

MALEAKHI 3:15

I ite maasilo sassane manungku manga taumata mawunga su lal᷊umanna'a. Taumata lal᷊eo tawe tumba'u mabbiakka su al᷊al᷊uassa, arawe amungkangngu i mangitou manal᷊u'atta asasabaren Duata ringannu ma'ola'a al᷊al᷊eo, i mangitou nal᷊iu lai.’ ”

DARALO 49:18

Ana waugu sutempo nate i tou tawe mangapiddu manga apa, darotongnge iapidda suadio'a ringanni tou su labbinga.

DARALO 49:13

Taumata tawe maawiakka sidutu sulal᷊ummu paa'ala; naal᷊ihidda winatangnga, i tou lai sarun nate.

YOHANES 21:17

Su atallune Mawu Yesus naiwal᷊o si tou, “Simon ana'i Yona, atonna i'o marangngu si Ya'u?” I Petrus nasusa naungnge ana waugu Mawu Yesus naiwal᷊o si tou na'oman sara atallune. Ne i Petrus sinumimbakka apia, “Mawu, Mawu masingkattu sarangkanambone. Mawu masingkatta manungku i ya'u marangngu Mawu!” See Mawu Yesus nabbisara si tou, “Padul᷊ianete manga domba-U.

DARALO 10:3

Taumata lal᷊eo tuttal᷊umama apulun taumata lal᷊eo, taumata wal᷊iu mantal᷊a wuṛṛu mannol᷊a'u Mawu.

LUKAS 18:9

Mawu Yesus nabbati'u lai sasumandingnga indi apan tuddane su taumata apan mangngadio'a taumata waine, arawe mangngimanna manungku ririne sassane mapiate.

LUKAS 18:14

“Pangimante,” unnu Mawu Yesus, “su tempo napul᷊ete su wal᷊e, ete madarorongnga wose udde tinarimmattu Ruata, wal᷊ine taumatan Farisi udde. Ana waugu taumata apan mannanggakku watanganne sarun iapaawawo, wuṛṛu taumata apan sussallungu watanganne sarun iapaatanggakka.”

WATTI'U MANGA RASUL 1:24

See i mangitou inumal᷊iomanna. I mangitou nabbisara, “Mawu, I'o masingkattu naungngu awadaalla. Yudas suete niaddo wuassu manarane sangkatou rasul wuṛṛu see natete. Nariaddi pantingira'a si yami isai wuassu wallattu ruang katou indi apan pileannu Mawu onggol᷊annu manara ipallol᷊ossa si Yudas.”

ROMA 8:27

Ne Ruata, apan masingkatu lal᷊oṛṛo naungngu taumata, maasunna apulun Ghaṛṛaho udde; ana waugu Ghaṛṛaho udde sussal᷊ande Ruata hunan al᷊aṛṛana'u Ruata wuṛṛu nassul᷊ungngu apulun Duata.