LUKAS 15:29 - WUKE SUSI WATTI'U AL᷊AL᷊USASSA

²⁹ Arawe i tou nabbisara, ‘Ringannu tonnane al᷊annune i ya'u mammanara ringanni Iamangnga. Taambe saran paassa i ya'u nilumawangnga parentan Iamangnga. Apate nionggolli Iamangnga si ya'u? Ambingnga sambau lai taambe nionggolli Iamangnga si ya'u ipa'ola'a andeangnga ringannu manga hawe'u!

LUKAS 15:29 Referans Kwoze

SONDAPPA 3:17

I yamiu mabbisara, ‘I yami ala wuṛṛu al᷊awo'a mangke pia; i yami tawe urangnge apa-apa.’ Arawe i yamiu wagga aroddi aasiangnge wuṛṛu aroddi maasusa ririnu! I yamiu asiangnga, tantol᷊e wuṛṛu wuta.

SONDAPPA 2:17

Isai-sai apan maaringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna manna apan uawuni, wuṛṛu sambau-sambau sarun manengkama wuassia'u sambau watu mawira. Su watu udde uawoṛṛetta sambau aranna wakku, apan awagananni sai-sai, tumba'u taumata apan nanengkamma.”

ROMA 10:3

I mangitou wagga olangnge Ruata ma'ola'a paa'aukku taumata ringanni Tou maola'a apia. Wuṛṛu ana waugu i mangitou maapulu tumuṛṛutta apulun mangitou sassane, ne i mangitou maddiri tumuṛṛutta su lal᷊anna apan niaṛṛa'u Ruata.

ROMA 7:9

I ya'u dorone mabbiakka tawe titan agama. Arawe napawe titan agama nirumanta, rosa mannattake mabbiakka wuṛṛu i ya'u natete.

LUKAS 19:21

I ya'u matta'utti Tuanga, ana waugu i Tuanga sangkatou taumata apan maṛṛagissa. Mawu mangnganu apa apan tawe wageangngi Tuanga, wuṛṛu i Tuanga lai mangngammullu auntunganna su tampa apan tawe nissuanannu Mawu.’

LUKAS 18:9

Mawu Yesus nabbati'u lai sasumandingnga indi apan tuddane su taumata apan mangngadio'a taumata waine, arawe mangngimanna manungku ririne sassane mapiate.

LUKAS 17:10

Aroddi lai yamiu. Amungkangngu i yamiu suete tinumuṛṛutta anambon manara nirolokka si'o, wal᷊oa'e, ‘I yami tumba'u mangangimbe wiasa; i yami tumba'u ma'ola'a manarang kami.’ ”

LUKAS 15:7

Ne, aroddi lai su surga pia al᷊al᷊uassa apan bahewalla su sangkatou apan marosa nawal᷊u wuassu rosane, wuassu siom pul᷊o sio taumata apan mapiate wuṛṛu tate lai iwata'a mawal᷊u wuassu rosane.”

MATIUS 20:12

‘Mammamanara apan nirumanta panginsueanne udde tumba'u nammanara sangka orassa. Arawe i yami nammanara allo massallo uawati su paddissu matannallo, arawe mawu namaekka si mangitou ere lai si yami!’

MALEAKHI 3:14

I yamiu mabbisara, ‘Tawe gunane i ya'u mattaṛṛamawu Ruata. Apa hunane mappaamattu manaran kite su Mawu Apan Lembontaṛṛino, ara'e mamasilo si tou manungku i ite sinumassillu pasasal᷊an kite?

ZAKARIA 7:3

I mangitou lai nirolokka niapaiwal᷊o su manga imam wuṛṛu manga nabi, arendi, “Ta'e lai ṛinone i yamiu lumuain ahahohakku Wal᷊en Mawu ringannu mappuasa suapan bul᷊anna al᷊imane ere buatte niola'i yami manga pira tonna al᷊aannune?”

YESAYA 65:5

I mangitou mabbisara ‘Roote paarau, arie pangeṛṛetta si yami ana waugu i yami na'ukkassa wuṛṛu uaṛṛae wuassi yamiu!’ I Ya'u tawe maaṛṛaddanna maasilo pallal᷊aghu mangitou! Asasa'u-U si mangitou naal᷊ihidda putungnga apan tawe mappaddumma.

ROMA 3:27

Ana waugu udde tate lai pangaiananne i ite mamunga. Anio aroddi? Ana waugu i ite tuttuṛṛutta apa apan uawoṛṛetta sulal᷊ummu titan agama Yahudi? Wal᷊ine, Arawe ana waugu i ite mangngimanna.

ROMA 3:20

Ana waugu tawe saran sangkatou apan wotongnge maaukka apia ringannu Ruata ana waugu taumata udde tuttuṛṛutta manga inolaanna sulal᷊ummu titan agama. Arawe tita udde tumba'u mammasingkata su taumata manungku taumata udde marosa.

LUKAS 15:28

Ana'a pahul᷊une udde mangke nasa'u, na'oman sara i tou maddiri sumutta su wal᷊e. See iamangnge sinumabangnga wuṛṛu nassal᷊o'en tou niapaasutta.

LUKAS 15:30

Ana'u Iamangnga udde suete nanginsue darotongngu Iamangnga ringannu wawine masandaga, arawe napawe i tou nawelengnga, Iamangnga namototta ana'u sapi apan matawa si tou!’