LUKAS 15:23 - WUKE SUSI WATTI'U AL᷊AL᷊USASSA

²³ Wua'udde panganute ana'u sapi atawanne wuṛṛu pototte. I ite sarun umanna wuṛṛu lumuassa.

LUKAS 15:23 Referans Kwoze

YESAYA 25:6

Su Wuiddu Sion, Mawu Apan Lembontaṛṛino sarun manaddia sal᷊iwangnga su anambon walahanna su runia. I Tou nangimben kanna apan atemanganne wuṛṛu anggore apan buatte nipile.

DARALO 63:5

Su al᷊o'engngu pabbiaṛṛangku i ya'u maadiangkamanna Si'o; lima'u niwatte Si'o lapiddu u'al᷊iomanna.

AMSAL 9:2

I tou buatte nakkata winatangnga olaanna andeangnga, namakkan ua'en anggore wuṛṛu nangimbeng kanna.

PANDARIADDI 18:7

Wua'udde i tou tinumal᷊angnga su tampan ammul᷊annu winatangnge, namile ana'u sapi atawanne see lai masi'ome ṛemene, ana see nionggolla su allangnge, lapiddu nilaha.

1 SAMUEL 28:24

Ringannu mal᷊ihakka wawine udde namate ana'u sapi apan matawa wuṛṛu nanganu taponna see niṛṛamissa, wua'udde niolangnge roti apan tawe ragine.

AMSAL 15:17

Mappianne mannayore ringannu tatantalongannu darangngu, sul᷊ungnge'e u'inassa remissa matemangnga arawe tatantalongannu ararantinna.

LUKAS 15:22

Arawe iamangnge namago manga mangangimbene wuṛṛu nabbisara, ‘Paal᷊ihakka! Panganu laubba apianne, wuṛṛu luṛṛea'e si tou. Luṛṛea'a lai sinsingnga su tal᷊imadone, wuṛṛu sapatu su leddane.

LUKAS 15:24

Ana waugu ana'u indi natete, orassa indi nabbiakke apia; i tou nawul᷊ite, orassa indi niasombangante apia.’ See i mangitou nanattakke naandeangnga.