LUKAS 15:15 - WUKE SUSI WATTI'U AL᷊AL᷊USASSA

¹⁵ See i tou inaite nammanara ringannu sangkatou tumana'u soa isudde, apan nandolokki tou su wailla mandiaga wawi.

LUKAS 15:15 Referans Kwoze

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.

YESAYA 1:5

Anio i yamiu sidutu mangke mannompolla? I yamiu mappulu iṛṛuumanna lembon awakkatanne lai? Puanu napeneten manga pinsulla, naungnga wuṛṛu ṛingirannu maradda'a.

MALEAKHI 2:9

Ne i Ya'u sarun ma'ola'a si yamiu aaddio'annu umattu Israel ana waugu i yamiu tawe tumuṛṛutta apulu-U, wuṛṛu ana waugu i yamiu naṛṛaen taumata sutempo mannantiro uma-U.”

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.

ROMA 6:22

Arawe orassa indi yamiu buatte niapaal᷊iu wuassu rosa, wuṛṛu naola'e allangngu Ruata. Auntungannu eteudde manungku i'o mabbiakka tumba'u hunane su Ruata wuṛṛu su olangnge udde sarun mandantan wiakka tutune wuṛṛu saran mal᷊annu-l᷊annu.

LUKAS 15:13

Manga pira allo wua'udde ana'a atuarianne udde nabal᷊u'u wageangnge pussaane udde see inaite su wanua marau. Poiaroddi i tou nanginsuete roinne wuṛṛu mallal᷊umanna'e.

NAHUM 3:6

Ta'u olaanni i'o ere sambau saranapa apan maarantinna, i'o Ta'u waretannu sapadda; i'o Ta'u olaanna wabbiallannu taumata.

YEHEZKIEL 16:63

I Ya'u sarun mangampunga al᷊awo'u pasasal᷊anu, arawe i'o tawe maabul᷊ine wuṛṛu i'o sarun maapendamma asasili amungkangu mabbisara manga apa. I Ya'u Mawu Apan Atanggaṛṛanne buatte nabbisara.”

YESAYA 57:17

Rosan awawal᷊iu mangitou naasa'u si Ya'u, ana waugu udde i mangitou Ta'u niṛṛuumanna wuṛṛu Ta'u nitantangnga. Arawe i mangitou maattikka puane wuṛṛu sidutu mammile lal᷊anne sassane.

2 TAWARIKH 28:22

Sulal᷊ummu tempo apan masuṛṛippita udde, i Ahas ewe'e lai aatambanna rosane su saruannu Mawu.

SASABANGNGA 10:3

Ana see i Musa wuṛṛu i Harun inaite sinumaruanna ratu wuṛṛu nabbisara si tou, “Mawu, Ruatan balahannu Ibrani, nabbisara, ‘Sara tingngera i'o tawe massuṛṛubawa si Ya'u? Wala'awe al᷊aṛṛana'U inai, tadea'u i mangitou wotongnge mattaṛṛamawu si Ya'u.

MATIUS 7:6

Arie mangonggolu sarannapa na'ukkassa su asu, tadea'u asu udde tawe mangawal᷊i'a mamangalo si'o. Wuṛṛu arie mangonggolu mutiara su wawi, tadea'u wawi udde tawe maṛṛinda mutiara udde.”

LUKAS 15:14

Napawe roinne udde nasuete, nariaddite su wanua udde ṛutumma apan wahewa, na'oman sara i tou nasusate.

LUKAS 15:16

I tou niamal᷊unusante, na'oman sara i tou pia apulu malloṛṛo tianne ringannu annu manga wawi udde. Salaiwe i tou mal᷊unussa aroddi, tawe saran sangkatou mangonggolu anna si tou.