LUKAS 14:6 - WUKE SUSI WATTI'U AL᷊AL᷊USASSA

⁶ Arawe tawe saran sangkatou wotongnge sinumimbakka Mawu Yesus su ola'u hatto udde.

LUKAS 14:6 Referans Kwoze

LUKAS 20:40

Ana waugu udde i mangitou tawe waṛṛani lai maiwal᷊o manga apa su Mawu Yesus.

WATTI'U MANGA RASUL 6:10

Arawe i mangitou tawe maapanompolla wisaran Stefanus, ana waugu Ghaṛṛahon Ruata mangngonggolu apande si tou iapawisara.

LUKAS 21:15

I Ya'u sassane sarun mangonggolu wisara wuṛṛu apande udde, ma'oman tawe saran sangkatou wuassu manga seetti yamiu wotongnge lumawangnga ara'e massinaaddu apa apan suete niapaasingkatti yamiu.

LUKAS 20:26

Nasemakke su saruannu taumata nambo udde, i mangitou tawe naasomba saran sambau pasasal᷊a Mawu Yesus. I mangitou tumba'u mal᷊annabba wuṛṛu naherangngu sasimbakke udde.

LUKAS 13:17

Sasimbakku Mawu Yesus udde naasili atonna manga ro'amme; arawe anambon taumata waine lulluassa naasilo al᷊awo'u al᷊aṛṛindu'a apan niola'u Mawu Yesus.

MATIUS 22:46

Tawe saran sangkatou wotongnge naasimbakka Mawu Yesus. Wuṛṛu nanattakka allo udde, tawedu lai waṛṛani maiwal᷊o manga apa si Tou.