LUKAS 14:23 - WUKE SUSI WATTI'U AL᷊AL᷊USASSA

²³ See tuanga udde nabbisara, ‘Roote watukku lal᷊anna wuṛṛu manga sasuttanna su liuddu soa, wuṛṛu wataa'e taumata rumanta, tadea'u wal᷊e'u mapene.

LUKAS 14:23 Referans Kwoze

KOLOSE 1:28

Eteudde Kristus apan iwabbatti'i yami su anambon taumata. I yami mapaanaungnga wuṛṛu mangngaṛṛa'a si mangitou sarangkanambone ringannu al᷊awo'u apande. Tuddan kami eteudde tadea'u suapan taumata wotongnge iapidda ringannu Ruata, ere sangkatou taumata apan nahurangke su pangangimanna, ana waugu suete naaukka ringanni Kristus.

2 KORINTUS 5:11

I yami masingkata apa atappasanne mata'uttu Mawu; ana waugu i yami maapulu mangaṛṛa'a taumata see mangngimanna ola'u wadangngi ami. Ruata maaillal᷊a si yami, wuṛṛu i ya'u mangantimma i yamiu lai maaillal᷊a si yami sulal᷊ummu naungngu.

2 TIMOTIUS 4:2

Ṛinone i'o mamasingkatu watti'a wuassu Ruata udde, wuṛṛu sidutu mammata'a tadea'u taumata maddaringikka, apa i mangitou maapulu ara'e maddiri. Ṛinone i'o mapaangimannu taumata, manta'en pasasal᷊a, wuṛṛu mangonggolu sasasa si mangitou. Aṛṛa'ete taumata ringannu anambon asasabbare.

2 KORINTUS 5:20

Nariaddi ete i yami udde daroloṛṛanni Kristus. Sulal᷊ummi yami Ruata nabbal᷊on tanata-Ne. Sulal᷊ummu aranni Kristus i yami sumal᷊ande, sengkamawe liman Duata apan namalan kamiu uaaukka apia ringanni Tou.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

ROMA 10:18

Arawe i ya'u maiwal᷊o: Atonnawe i mangitou taambe naaringikka watti'a udde? Atonna buatte! Ana waugu sulal᷊ummu Wuke Susi uawoṛṛetta arendi, “Tingikki mangitou niaringiṛṛante su ahewallu runia, manga wisaran mangitou na'omate sara petakku runia.”

WATTI'U MANGA RASUL 28:28

Panginsueanne i Paulus nabbisara, “Manga tuṛṛangnga ṛinone maasingkata manungku su ola'u watti'u asasal᷊amatta wuassu Ruata orassa indi suete niapaasingkatta su manga walahanna waine apan bal᷊ine Yahudi. I mangitou sarun tumuṛṛutta!” [

WATTI'U MANGA RASUL 18:6

Arawe ana waugu manga taumata sidutu mannompolla wuṛṛu mangngal᷊uandaga si tou, ne i Paulus nangesogen awu wuassu laungnge, maola'a sambau pananaunganna si mangitou su pasasal᷊a mangitou. I tou nabbisara, “Amungkangngu i yamiu nasilaka, sal᷊anu sassane! I ya'u waggate! Manattakka orassa indi ya'u inaite ringannu manga taumata apan wal᷊ine Yahudi.”

DARALO 98:3

I Tou uanaungnga darangngu wuṛṛu apapia-Ne su Israel, al᷊aṛṛanang-Nge. Anambon walahanna su ahewallu runia naasilote Ruatan kite naauntunga.

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

YESAYA 11:10

Tempone sarun dumanta sangkatou ratu pallaṛṛiten Daud maola'a punnu aellegu manga walahanna. I mangitou sarun dumanta ringanni tou, wuṛṛu tampa atatanaanne mangke raddaloanna.

WATTI'U MANGA RASUL 9:15

Arawe Mawu nabbisara si Ananias, “Roote! Ana waugu i Ya'u suete namile si tou mangimbe si Ya'u, tadea'u i tou mamasingkatta su ola'u riri-U su manga walahanna waine apan agamane wal᷊ine Yahudi wuṛṛu su manga ratu wuṛṛu lai su walahannu Israel.

MATIUS 21:43

“Nariaddi paanaunge,” unnu Mawu Yesus, “anambon taṛṛino su al᷊aṛṛana'u Ruata sarun ul᷊eanna wuassi yamiu wuṛṛu ionggolla su walahanna apan mapaamattu manga parenta Ruata. [

YESAYA 27:13

Sutempo udde sarun iapatuntingikka trompetta wahewalla ipamaggo apia anambon taumatan Israel apan niramme su Asyur wuṛṛu su Mesir. I mangitou sarun dumanta su Yerusalem massubba Mawu su wuid-De apan na'ukkassa.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

DARALO 110:3

Su allo apan rumanta ringannu taṛṛino, su wuidda apan susi, tumana'u soanu sarun inai ringannu naungnga mal᷊uassa. Naal᷊ihidda angngukka sutempo marua allo, manga umbasanna rumantate ringannu.

WATTI'U MANGA RASUL 16:15

I Lidia wuṛṛu lal᷊oṛṛon bal᷊ene nisaṛṛanite. Napawe sueten saṛṛanine i tou nabal᷊o si yami. I tou nabbisara, “Amungkangngu manga tuṛṛangnga mammendamma i ya'u atonna-tonna suete nangngimanna Mawu Yesus, wette pangintal᷊ate su wal᷊e'u.” See i tou mammata'a tadea'u i yami tumuṛṛutta darorongngi tou.

LUKAS 24:29

arawe i mangitou nama'ungnga si Tou. “Atana'e su tampang kami.” unni mangitou si Tou, “allo maranite maṛṛabi wuṛṛu maranite marandumma lai.” Ne Mawu Yesus sinumuttate manaṛṛabi ringanni mangitou.

MATIUS 5:41

Amungkangngu sangkatou tembonanne mamata'i yamiu mamasanna luranni tou araune sangkilo, pasanna lai luranna udde araune rua kilo.

LUKAS 14:22

Wua'udde mangangimbe udde nabbisara, ‘Tua, parentan Tuanga suete niapaamatta, arawe tampa ta'e manambo.’

LUKAS 14:24

Paanaunge! Tawedu saran sangkatou wuassu wallattu manga raho apan suete niwal᷊oanna udde inumanna annu andeangku indi!’ ”